Morgunblaðið - 06.09.2009, Blaðsíða 20

20 Tengsl
MORGUNBLAÐIÐ SUNNUDAGUR 6. SEPTEMBER 2009
MANNVIT MIKIÐ
– Norræn ráðstefna um gæði í fullorðinsfræðslu
Fræðslunetið Nordiskt nätverk för formell vuxenutbildning stendur fyrir
ráðstefnu á Hótel Loftleiðum dagana 10.-12. september 2009 í Reykjavík.
Dagana 10.-12. september verður haldin Norræn ráðstefna um fræðslumál fullorðinna.
Fræðslunetið Nordiskt nätverk för formell vuxenutbildning tilheyrir Netvärk för Vuxnas
lärande(NVL).
Á ráðstefnunni verður fjallað m.a. um gæðakerfi, gæði í raunfærnimati, kennaramenntun,
skapandi hugsun og ígrundun. Ráðstefnan fer fram á ensku og norðurlandamálum.
Allir eru velkomnir sem hafa áhuga á menntunarmálum, og þá sérstaklega menntunar-
málum fullorðinna, innan sem utan formlega skólakerfisins. Hægt er að nálgast
nánari upplýsingar á heimasíðu Nordiskt nätverk http://www.nordisknetvaerk.net/
og heimasíðu IÐUNNAR fræðsluseturs www.idan.is
Einnig er hægt að fá frekari upplýsingar með því að senda póst á netfangið
mottaka@idan.is eða í síma 590-6400.
f.h. Fræðslunetsins
Nordiskt nätverk för formell vuxenutbildning
Eftir Freystein Jóhannsson
freysteinn@mbl.is
Hildur Eir: Mér finnst í raun alltaf
jafn ótrúlegt að hugsa til þess að
Jóna systir hafi einhvern tímann
verið ósjálfbjarga barn, mér finnst
eins og hún hljóti að hafa gengið frá
fæðingu og hvorki notað bleyju né
snuð, mamma segir einmitt að hún
hafi alla tíð verið sjálfbjarga og að
hvorki hún né pabbi hafi nokkurn
tímann þurft að hafa áhyggjur af
henni. Jóna er svo sannarlega
manneskja með frumkvæði, hún
bíður aldrei eftir því að aðrir taki
fyrsta skrefið, það verður seint
hægt að lýsa henni sem hikandi ein-
staklingi. Ef þú myndir ræna henni
um borð í flugvél og sleppa henni
yfir frumskógum Afríku þá eru all-
ar líkur á því að tveimur mánuðum
síðar fréttirðu af henni þar sem hún
væri komin inn í áður óþekktan
ættbálk og þar væri hún búin að
stofna svo sem eins og einn gó-
spelkór, tíu bænahópa og fjölmenn-
ingarhóp til að berjast gegn for-
dómum, já jafnvel þó hún væri eini
útlendingurinn í hópnum, hún skap-
ar allstaðar samfélag í kringum sig.
Jóna Hrönn er manneskja sem
gæti bjargað sér við hvaða að-
stæður sem er, hún gæti aldrei dáið
ráðalaus og ef ég hugsa út í það þá
finnst mér í raun ekki bara óbæri-
legt heldur óhugsandi að hún geti
yfirhöfuð dáið, því hún býr yfir svo
miklum lífskrafti og lífsgleði að í
raun er hún eins og gangandi
kjarnorkuverksmiðja.
„Doninn“ í fjölskyldunni
Jóna er „Doninn“ í fjölskyldunni,
hún sér til þess að fólkið haldi
tengslum, að það hittist reglulega,
hún passar meira að segja upp á að
fólk gefi sómasamlegar gjafir enda
er hún sjálf með eindæmum gjaf-
mild og stór í sér þegar kemur að
þeim málum. Auðvitað er hún ansi
stjórnsöm en það helgast full-
komlega af ást og þörfinni fyrir að
fólkinu hennar farnist vel, oft hef
ég grætt á stjórnsemi hennar en ef
ég er ekki sammála henni, þá segi
ég bara já og geri eitthvað annað og
það kostar nákvæmlega ekkert í
okkar samskiptum. Það er varla
hægt að segja að við höfum alist
upp saman, fjórtán ár skilja okkur
að í aldri þannig að hún var orðinn
fullveðja einstaklingur þegar ég fór
að muna eftir mér, ég man bara eft-
ir því þegar hún var að koma heim í
fríum, þá lifnaði heldur betur yfir
kotinu. Það voru ekki bara við Bolli
bróðir sem nutum þess heldur for-
eldrar okkar sem gátu þá fengið
smá hvíld frá daglegu amstri enda
gekk Jóna í öll verk án þess að hika.
Viðkvæmur töffari
Í raun finnst mér við hafa náð
hvað dýpstum tengslum í veikindum
föður okkar sem voru löng og erfið,
við vorum mjög samstiga í því ferli
og þar uppgötvaði ég að Jóna
Hrönn er viðkvæmasti töffari sem
ég þekki en hún er heldur ekkert
feimin við að sýna tilfinningar sínar,
hún einfaldlega grætur ef hún þarf
að gráta og oft skældum við í kór á
þessum tíma en vorum svo kannski
farnar að hlæja nokkrum mínútum
síðar. Ég veit líka að þrátt fyrir að
hafa starfað sem prestur í 17 ár og
aflað sér mikillar reynslu er hún
ekkert upptekin af því að mynda
með sér einhvern skráp, því þó hún
sé töffari sem lætur fátt stöðva sig
þá hefur hún alltaf mjög mikla sam-
úð með fólki og hún lifir sig sterkt
inn í aðstæður fólks, ég held að það
sé nú einmitt ástæðan fyrir því að
hún er mjög farsæl í starfi. Jóna
Hrönn er líka hugmyndamaskína,
hún fær þúsund hugmyndir á
klukkutíma og þess vegna held ég
að ríkisstjórnin ætti að ráða hana í
sérverkefni við að byggja upp hið
Nýja Ísland og ég er ekki að grín-
ast.
Mikill kærleiksbjörn
Jóna hefur alltaf haft hjarta fyrir
börnum og unglingum og komið
ófáum verkefnum á fót sem hafa
stuðlað að velferð þeirra, má þar
nefna hópa fyrir börn sem hafa orð-
ið fyrir einelti, hún stofnaði
Adrenalínhópinn sem hefur starfað í
áratug og er fyrir unglinga af ís-
lenskum og erlendum uppruna,
gospelkór fyrir framhaldsskóla-
nema ofl. Meðan hún var miðborg-
arprestur stóð hún vaktina í mið-
bænum helgi eftir helgi og hlúði þar
að unglingum sem voru að kanna
galeiðuna á eigin fótum.
Jóna er í einu orði sagt mikill
kærleiksbjörn fyrir utan hvað hún
er óstjórnlega fyndin og skemmti-
leg, það er ekki séns að láta sér leið-
ast nálægt henni.
Morgunblaðið/RAX
Þær Hildur Eir og Jóna Hrönn Bolladætur
Gústavssonar, Hólabiskups, og
Matthildar Jónsdóttur hafa báðar fetað
í fótspor föður síns sem þjónar kirkjunnar.
Glaðværðina eiga þær líka sameiginlega
og þær eru einlægir trúnaðarvinir.
Eins og gangandi kjarnorkuverksmiðja
Hún er fædd 25. apríl 1978. Stúdentspróf tók hún frá Verkmenntaskól-
anum á Akureyri og guðfræðipróf frá Háskóla Íslands 2005.
Hún var æskulýðsfulltrúi Laugarneskirkju 2001-2005 og hefur verið
prestur við þá kirkju frá 2006.
Hún er gift Heimi Haraldssyni, náms- og starfsráðgjafa Háskólans í
Reykjavík, og eiga þau tvo drengi; Harald Bolla og Jónatan Huga.
Hildur Eir