Morgunblaðið - 06.09.2009, Blaðsíða 23
MORGUNBLAÐIÐ SUNNUDAGUR 6. SEPTEMBER 2009
Howard Unruh var hægláturmaður. Eftir að hann sneriheim úr síðari heimsstyrj-
öldinni bjó hann heima hjá mömmu
sinni. Þar kom hann sér upp sko-
tæfingasvæði í kjallaranum og
smám saman hætti hann nánast að
fara út fyrir hússins dyr. Hann var
sannfærður um að nágrannar hans í
smábænum Camden í New Jersey
sætu á svikráðum við hann og bak-
töluðu hann.
Smám saman jókst ofsóknaræði
Unruh. Hann hélt nákvæman lista
yfir allt það, sem hann taldi bæj-
arbúa hafa gert á sinn hlut. Við
sum nöfnin skrifaði hann „retal.“,
sem er stytting á „retaliation“
(hefnd).
Unruh fór í bíó að kvöldi 5. sept-
ember. Þegar hann kom heim upp-
götvaði hann að garðhliði, sem hann
hafði smíðað, hafði verið stolið. Svo
virðist sem sá þjófnaður hafi gert
gæfumuninn í sjúkum huga hans.
Daginn eftir snæddi hann
morgunverð með móður sinni. Eftir
að hún fór að heiman tók hann
þýska Luger-skammbyssu, sem var
minjagripur úr stríðinu, gekk út og
hugði á hefndir.
Fyrsta skot hans fór naumlega
framhjá ökumanni sendibíls bak-
arísins. Þá gekk hann inn á rakara-
stofu, skaut rakarann og sex ára
dreng, sem var að fá klippingu í til-
efni skólabyrjunar. Hann skaut
mann, sem stóð fyrir dyrum apó-
teksins, gekk inn og skaut þrjá til
viðbótar. Klæðskerinn átti að verða
næsta fórnarlamb, en þegar hann
reyndist ekki vera í verslun sinni
skaut Unruh konu hans í staðinn.
Hann skaut vegfarendur í bíl,
jafnt fullorðna sem börn. Lítill
tveggja ára drengur, sem horfði út
um gluggann heima hjá sér, varð
enn eitt fórnarlambið.
Á aðeins 12 mínútum myrti How-
ard Unruh 13 manns. Hann varð
þar með fyrsti Bandaríkjamaðurinn
til að ganga berserksgang með
skotvopni með þessum hætti. Síðar
hafa komið upp fjölmörg tilfelli, þar
sem menn hafa t.d. mætt vopnaðir
til vinnu og myrt vinnufélaga sína
eða skotið skólafélagana.
Howard Unruh var talinn of veik-
ur á geði til að vera sakhæfur. Hon-
um var komið fyrir á geðsjúkrahúsi
og þar er hann enn, 88 ára gamall.
Aukin aðstoð
Howard Unruh var ekki eini
fyrrverandi hermaðurinn, sem
framdi voðaverk eftir síðari heims-
styrjöldina, þótt enginn hafi framið
sams konar fjöldamorð. Þar að auki
sviptu fjölmargir hermenn sig lífi
eftir heimkomuna.
Talið er að morðæðið, sem rann á
Howard Unruh að morgni 6. sept-
ember 1949 hafi orðið hvatinn að
því að yfirvöld lögðu aukið fé í að
aðstoða hermenn, sem glímdu við
alvarlegar andlegar afleiðingar her-
þjónustunnar. rsv@mbl.is
Myrtur Thomas litli Hamilton átti aðeins 11 daga í þriðja afmælisdaginn
sinn þegar Howard Unruh skaut hann. Tólf aðrir lágu í valnum þennan dag.
Á þessum degi …
6. SEPTEMBER
1949 ÆÐI RENN-
UR Á UNRUH
Tekinn Howard Unruh í haldi lög-
reglu. Hann lokaði sig inni á heimili
sínu eftir morðin, en gafst upp fyrir
ofureflinu.
Það er800 7000 • siminn.is
E
N
N
E
M
M
/S
ÍA
/N
M
38
91
7
INTERNET SÍMANS
Internet Símans er annað og meira en venjuleg nettenging
Leið 2:
Þú hefur möguleika á hraðari nettengingu, meira gagnamagni, öruggri gagnageymslu,
Sjónvarpi Símans með fjölda sjónvarpsstöðva og vídeóleigu heima í stofu. Auk þess
fylgir Netvarinn öllum áskriftarleiðum. Skráðu þig í eina af nýju leiðunum.
* Hraði allt að 8 Mb/sek.
Hraði,
8 Mb/sek*.
Gagnamagn,
60 GB.
Verð 5.990 kr.