Saga - 1967, Síða 70

362
ÓLAFUR HANSSON
ar á háskólaárum mínum, sem ég var næstum alveg bú-
inn að gleyma. Hann lét þá í ljós mikinn áhuga á sumum
kenningum Barða Guðmundssonar og ritaði um þær síðar.
Einu ellimörkin, sem þá mátti sjá á Koht, voru þau, að
heyrnin var tekin að bila. Mér er sagt, að þróttur hans
hafi lítt bugazt fyrr en 1—2 síðustu árin, sem hann lifði.
Kona Kohts, frú Karen Grude, var sálfræðingur að
menntun og kunnur og afkastamikill rithöfundur. Dótt-
ir þeirra hjóna er Aase Gruda Skard, sem einnig er sál-
fræðingur. Hún er gift bókmenntafræðingnum og skáld-
inu Sigmund Skard.
Halvdan Koht var mikill maður vexti og vörpulegur og
svaraði sér vel. Andlitið var nokkuð stórskorið, en svip-
mikið og gáfulegt. Þessi aldna kempa er nú horfin, en
Halvdan Koht verður minnistæður persónuleiki þeim, sem
honum kynntust.