SunnudagsMogginn - 14.03.2010, Blaðsíða 40

40 14. mars 2010
„Þetta er alls ekki flókin matargerð,“
segir Guðrún. „Þvert á móti kemur það á
óvart hvað þetta er einfalt, sérstaklega
þegar fólk fer smám saman að læra inn á
kryddin. Réttirnir eru yfirleitt einfaldir í
samsetningu og annað hvort hreinir
kjöt-, fisk- eða grænmetisréttir. Auðvit-
að getur verið flókið að prófa eitthvað
nýtt en þegar upp er staðið finnst mér
þetta jafnvel einfaldari matargerð en t.d.
tíðkast við Miðjarðarhafið.“
Sjálf er Guðrún matvælafræðingur en
með „mikinn áhuga á næringarfræði,“
eins og hún orðar það sjálf. „Mér hefur
fundist vanta að tengja næringarfræðina
eldamennsku svo fólk fái skilning á því
hvernig kolvetni, prótein, fita, orka og
fleira er í samhengi við eldhúsið. Enda
finnst mér ofsalega gaman að elda,“ bætir
hún hlæjandi við.
Fyrirtækið Sýni, sem Guðrún vinnur
hjá, býður þó fyrst og fremst ráðgjöf og
þjónustu við matvælafyrirtæki og fóður-
framleiðendur, t.d. örverumælingar og
hreinlætiseftirlit. Það var fyrst og fremst
af áhuga Guðrúnar sem fyrirtækið fór
setja upp matreiðslunámskeið – til að
byrja með fyrir starfsfólk í matvælaiðnaði
sem þróaðist síðan út í matreiðslunám-
skeið fyrir almenning.
Eftir að hafa notið gómsætra krásanna
halda nemendur dagsins saddir og sælir
heim á leið burt frá óhreinum diskum og
mataráhöldum. „Fólk á að geta komið
beint úr vinnu, borðað á venjulegum
tíma og farið svo heim án þess að vera
orðið of þreytt eða uppgefið,“ segir Guð-
rún að lokum.
S
æt angan af kryddi fyllir vitin
þar sem hópur kvenna hamast
við að merja kardimommur,
negulnagla, broddkúmin og
kóríanderfræ í þungu mortéli. Í einum
potti kraumar lambakjöt í hnetumauki, í
öðrum bíður sósa eftir að grilluðum
kjúklingi verði bætt út í og kóríander-
fiskur í umslögum soðnar smám saman í
gufuofninum.
Við erum stödd á matreiðslunámskeiði
hjá Guðrúnu Adolfsdóttur hjá rannsókn-
arþjónustunni Sýni, en þau eru af ýmsum
toga; á einu hella nemendur sér út í
ítalskan sveitamat, á öðru eru tólf bestu
súpur í heimi á matseðlum og á því þriðja
er krakkamatur í sviðsljósinu. Námsefni
þessa eftirmiðdags kemur hins vegar frá
Indlandi.
„Það sem einkennir indverskan mat
einna helst eru kryddin, eins og t.d.
cumin, kóríander, kardímommur, túr-
merik, kanil, negull og svo auðvitað
hvítlaukur og engifer en úr því er gert
mauk sem er notað í nánast öllum ind-
verskum uppskriftum,“ útskýrir Guðrún
og bætir því við að indversk matargerð sé
staðbundin svo mismunandi réttir komi
frá mismunandi héruðum.
Meðan þátttakendur meðtaka fróð-
leiksmolana eru krukkur með helstu
kryddum látnar ganga á milli svo þeir
getið þefað og bragðað að vild. Svo eru
svunturnar settar upp og haldið inn í eld-
hús. Með því að skipta kokkunum í hópa
tekur ekki nema klukkutíma að galdra
fram fimm rétta máltíð með marg-
breytilegu meðlæti að indverskum sið.
Heimur
krydda
og krása
Það er einfaldara
en margur hyggur
að galdra fram góm-
sæta indverska rétti
sem bragð er að.
Bergþóra Njála Guðmundsdóttir ben@mbl.is
Þátttakendur vinna tveir og tveir saman að hverjum rétt svo úr verður margrétta veislumáltíð á ótrúlega skömmum tíma.
Matur
Guðrún segir yfirleitt auðvelt að fá hráefni í indverska matinn í venjulegum matvörubúðum.
Morgunblaðið/Golli
Konfektið hans Hafliða Ragnarssonar,
súkkulaðimeistara í Mosfellsbakaríi, er
löngu orðið þekkt, alla vega meðal hinna
fágaðri súkkulaðigrísa landsins. Hafliði
hóf að gera konfektið árið 2003 og hefur
leiðin bara legið upp á við síðan. „Það
kom nú smáskjálfti í mann þegar allt fór á
hliðina hér heima, enda er ég háður því
að kaupa bæði hráefni og umbúðir er-
lendis frá. En það ýtti bara á mann að
nota hugmyndaflugið og ég hef verið svo
heppinn að eftirspurnin eftir konfektinu
hefur alveg haldist. Raunar hefur hún
frekar aukist en hitt því við finnum vel
fyrir því að salan til útlendinga hefur
aukist mikið.“
Molarnir eru allir handgerðir og ein-
göngu unnir úr sérvöldu, ósviknu
súkkulaði sem Hafliði fær frá fyrirtækjum
í Frakklandi, Belgíu og Sviss.
Hafliði hefur gert það að list sinni að
setja saman óhefðbundin bragðefni við
súkkulaðið. „Ef ég á að nefna einn mola
sem hefur verið vinsæll dettur mér í hug
pistasíumolinn, sem er orðinn alveg
klassískur,“ segir Hafliði. „Ég er alltaf
með ákveðið fast úrval í borðinu hjá mér
fyrir utan það sem er breytilegt, en mað-
ur er alltaf að prófa sig áfram með nýjar
bragðsamsetningar. Fólk er enda mjög
spennt fyrir nýjungum þannig að yfirleitt
selst allt sem maður gerir.“
Og það er mikill annatími framundan
hjá Hafliða því þessa dagana er hann
önnum kafinn við páskaeggjagerð fyrir
komandi hátíðir. Sjálfur á hann alfarið
heiðurinn af súkkulaðinu sem er í eggj-
unum því hann gerði sér ferð í verk-
smiðjurnar ytra þar sem hann bjó til
blönduna í það.
„Ég notaði til þess baunir frá Venesúela
og Madagaskar, sem eru mín uppáhalds-
svæði, en súkkulaði úr þeim baunum er
ávaxtaríkt og með alveg sérstakan kar-
akter. Hvert egg er svo handskreytt og ég
reyni að hafa þau mismunandi þannig að
þau hafi öll sinn eigin stíl og verða á viss-
an hátt listaverk í sjálfu sér.“
Freisting Frónbúans
Sérgerð sælkeraegg og konfekt