SunnudagsMogginn - 25.04.2010, Síða 29

25. apríl 2010 29
Hann horfði á okkur í smástund og svaraði af sinni stóísku
ró: „Já, þið.“ Hann glotti.
„Hvað ertu að væla, þú sagðir okkur að fara,“ sagði ég og
brosti á móti. Það var greinilegt að Freysteini var ekki sama.
Hann var feginn að sjá okkur koma í hús og klára það sem
okkur var ætlað. Hann útskýrði fyrir okkur að þekktur
flugstjóri hefði komið niður á Mogga og skammast yfir því
að menn hefðu verið sendir í flug í svona brjáluðu veðri.
Ég leit aðeins á Árna og sagði: „Það er agalegt að verða
draugur ef maður lítur út eins og þú!“
Ég man ekki hverju hann hreytti til baka en við erum
vanir að gera létt grín að tilverunni og sjálfum okkur í leið-
inni.
Freysteinn birti myndina yfir hálfa forsíðuna og var mjög
sáttur við daginn. Það vorum við líka. Freysteinn er einn af
snillingum íslenskrar blaðamennsku, frábær félagi og vinur
sem maður vildi aldrei bregðast þegar á reyndi. Það var erf-
itt að sjá á eftir Freysteini af Morgunblaðinu, hálfpartinn
eins og að missa Mick Jagger úr Rolling Stones.
Morgunblaðið/RAX
’
Guðmundur gerði aðflug að skipinu og það
var nánast ógerlegt að mynda sökum hrist-
ings. Ég hitti á skipið í annarri hverri mynd
og flugvélin ólmaðist og var við það hreinlega að
ofrísa í nokkur skipti yfir skipinu. Ég er alveg viss
um að Súpermann hefði ekki flogið í þessu veðri,
búningur hans hefði einfaldlega rifnað.