SunnudagsMogginn - 25.04.2010, Qupperneq 49

25. apríl 2010 49
Svipir
Ragnar Axelsson tók myndir af ísjökum úr Jökulsárlóni sem bráðna á Breiða-
merkursandi. Ljósmyndirnar mynda grunn að útliti íslenska skálans á
Heimssýningunni í Sjanghæ í vor. Sýningin verður í Crymogeu, Barónsstíg 27.
Geiri – líf og list
Ásgeirs Emilssonar
Skaftfell – Miðstöð mynd-
listar á Austurlandi, Seyð-
isfirði, sýnir þrívíð verk úr
dósum, ramma úr sígar-
ettupökkum, málverk með
síendurteknum mótífum
og mikinn fjölda ljós-
mynda eftir Ásgeir Jón
Emilsson.
Friðgeir Helgason
Friðgeir Helgason sýnir í Gerðubergi
ljósmyndir sem hann tók í Breiðholti
2008, hverfinu þar sem hann ólst upp
sem barn, en hann hefur búið og starf-
að erlendis í fjölmörg ár
Sögustaðir.
Í fótspor W. G. Collingwood
Í Þjóðminjasafninu sýnir Einar Falur Ing-
ólfsson ljósmyndaverk sem hann vann
með hliðsjón af vatnslitamyndum, teikn-
ingum og ljósmyndum sem breski
myndlistarmaðurinn og fornfræðing-
urinn William Gershom Collingwood
(1854-1932) málaði og tók af stöðum sem
koma fyrir í Íslendingasögunum á tíu
vikna ferðalagi um Ísland sumarið 1897.
Á sýningunni er úrval ljósmynda Einars
Fals og að auki hluti þeirra rúmlega 300
verka sem Collingwood málaði hér á
landi.
Núna. The present is now
Sex íslenskir og finnskir samtíma-
ljósmyndarar sýna myndbandsinnsetn-
ingar og ljósmyndir. Listamennirnir eru
Bára Kristinsdóttir, Harri Pälviranta, Ívar
Brynjólfsson, Saara Ekström, Bragi Þór
Jósepsson og Renja Leino. Sýningin, Sem
verður í Norræna húsinu, er unnin í sam-
starfi við Félag íslenskra samtíma-
ljósmyndara (FÍSL).
Fyrirmyndir
Í Listasafni ASÍ, Ásmundarsal, sýnir
myndlistarkonan Ólöf Nordal röð nýrra
ljósmynda sem innblásin er af gamalli
sögn um mann sem er á ferð uppi til
fjalla. Hann gengur fram á lík af ungum
manni sem jökullinn hefur skilað aftur
eftir langa vist í ísnum. Á meðan mað-
urinn virðir fyrir sér fullkomlega varð-
veittan líkamann, rennur upp fyrir hon-
um að þetta muni vera hans eigin faðir
sem hvarf á fjöllum þegar hann sjálfur var
enn í móðurkviði.
Straumur-Burðarás
Í Listasafninu á Akureyri verður haldin
sýning á verkum Ingólfs Arnarsonar, Ív-
ars Brynjólfssonar, Ívars Valgarðssonar,
Jóns Laxdals Halldórssonar og Kristjáns
Guðmundssonar, en viðfangsefni sýn-
ingarinnar eru þau sterku ítök sem
naumhyggjan hefur haft í íslenskri
myndlist frá miðjum sjöunda áratugnum.
Sites
Á sýningu í Hafnarborg sýnir Friederike
von Rauch myndir sem hún tók á Íslandi
þegar hún dvaldi á listamannasetrinu Bæ
í Skagafirði.
CharlieHotelEchoEchoSierraEcho
Sýning listamannatvíeykisins Nikolai
von Rosen og Florian Wojnar í Ný-
listasafninu er liður í röð rannsókna sem
tengja má hugmyndalist Joseph Kosuth.
Mynd Friðgeirs Helgasonar af afa hans í Breiðholti er einkennismynd Listahátíðar 2010.
Ragnar Axelsson tók myndir af svipum í ís á Breiðamerkursandi.
Eitt af myndverkum
Ásgeirs Emilssonar.
’
Haldnar verða
tuttugu sýn-
ingar þar sem
áhersla er lögð á
margbreytileika ljós-
myndunar