SunnudagsMogginn - 24.10.2010, Síða 22

22 24. október 2010
Þ
egar ég keyrði fram hjá Hlemma-
vídeói efst á Laugaveginum á dög-
unum hélt ég að aðeins væri um
„front“ að ræða. Það er misskiln-
ingur, búið er að setja upp heila mynd-
bandaleigu af gamla skólanum þarna, ansi
hreint huggulega, fyrir tökur á nýrri röð
framhaldsþátta sem frumsýndir verða á
Stöð 2 í kvöld, sunnudag.
Þegar okkur Árna Sæberg ljósmyndara
ber að garði er handagangur í öskjunni,
óvígur her manna kemur að gerð þátta af
þessu tagi. Ekki verður þverfótað fyrir fólki
og drjúg stund líður þar til við komum auga
á helsta aðdráttaraflið, Pétur Jóhann Sigfús-
son. Hann er bakatil að gera sig kláran í
stutt atriði með Þorsteini Bachmann. Okkur
kumpánum er vísað til sætis á meðan. Við
erum rétt sokknir niður í dúnmjúka stólana
þegar tilkynnt er í hátalarakerfinu að tökur
séu að hefjast og grafarþögn verði að vera á
staðnum. Við stífnum upp og svei mér ef
Árni heldur ekki niðri í sér andanum. Eða er
hann bara að draga inn magann? Kannski
eins gott, ekkert má fara úrskeiðis.
Splæst er í nokkrar tökur, svona til ör-
yggis. Inn á milli kalla menn stíft á einhvern
kött. Kem ekki auga á hann.
Þá er það búið. Segja menn ekki „vrapp“
á fagmáli? Hvers vegna fæ ég aldrei að vera
með í bíómyndum?
Pétur Jóhann hefur verið varaður við
okkur, eins Vignir Rafn Valþórsson, sem fer
með annað stærsta hlutverkið í Hlemma-
vídeói, og þeir ganga nú galvaskir í áttina að
okkur. Til í tuskið. Einhver hefur smellt
spérænni mynd af Pétri á símann sinn, eitt-
hvert galdratól, og hann skellihlær. Þessum
bráðsmitandi hlátri. Á hvern minnir hann
eiginlega í þessu kostulega gervi? Þýskan
efnafræðing? Finnskt tónskáld? Allt um
það.
Félagarnir stilla sér góðfúslega upp fyrir
Árna sem spyr hvort þeir séu öllum vöku-
stundum á staðnum þessa dagana. „Já,“
svarar Vignir Rafn ákveðnum rómi. „Sér-
staklega Pétur enda skrifaði hann sig inn í
allar senur.“
Nú?
„Já, ég treysti bara engum öðrum,“ seg-
ir Pétur og berst um á hæl og hnakka við
að fela glottið.
Er þetta skriftin þín?
Myndatökunni er lokið og við komum
okkur fyrir við afgreiðsluborðið. Það er
einhver yfirheyrslufílingur í þessu.
Best að byrja á byrjuninni. Hver er þessi
Siggi á Hlemmavídeói, karakter Péturs?
„Þetta er maður á fertugsaldri.“
Pétur steinþagnar.
Ég lít undrandi á hann en næ ekki
augnkontakt. Hann starir eins og dáleidd-
ur á minnisblokkina mína.
„Hvað er þetta?“ spyr hann svo.
Hvað?
„Þetta? Er þetta skriftin þín?“
Eh-m, já.
Nú springur Árni Sæberg, sem stendur
álengdar, úr hlátri. Ekki í fyrsta skipti sem
hann heyrir þessa spurningu.
Pétur grípur í blokkina og þeir Vignir
Rafn stara á hana í forundran. „Hver
þremillinn. Hvað stendur hérna?“ spyr
Vignir. „Stórmerkilegt,“ segir Pétur.
Ekki sá ég fyrir að viðtalið færi að snúast
um skriftina mína, eða hvað þetta hrafl nú
kallast, en frómt frá sagt er ég „drop-out“
úr læknisfræði. Það eina sem ég náði var
skriftin.
Skyndilega átta ég mig á mikilvægi
þessa augnabliks. Þeir eru örugglega ekki
margir Íslendingarnir sem gert hafa Pétur
Jóhann Sigfússon kjaftstopp. Enda þótt
það hafi verið alveg óvart.
„Heyrðu, hann Siggi.“ Pétur tekur aftur
upp þráðinn. „Hann er á krossgötum
blessaður, nýskilinn, þegar hann erfir
Anton og Siggi innan um nýjustu myndirnar á Hlemmavídeói. Vignir Rafn Valþórsson og Pétur Jóhann Sigfússon alvarlegir í bragði.
Ýmissa grasa kennir á Hlemmavídeói, eins og glöggt má sjá.
Enginn
frasagaur
Ný gamanþáttaröð, Hlemmavídeó, með Pétur Jó-
hann Sigfússon í broddi fylkingar hefur göngu
sína á Stöð 2 um helgina. Þar hittum við fyrir
hversdagslegt fólk í ýktum aðstæðum.
Ljósmyndir: Árni Sæberg saeberg@mbl.is
Texti: Orri Páll Ormarsson orri@mbl.is