Freyr

Volume

Freyr - 01.07.1947, Page 28

Freyr - 01.07.1947, Page 28
FREYR 210 ekki erlendar? Er ekki nauðsynlegt að sameina sem mest í húsmæðraskólunum þær námsgreinar, sem húsmæðurnar þurfa að kunna? — í þessum efnum sem öðrum verðum við að hafa vakandi auga á því að tileinka okkur það eitt, er samrýmst getur íslenzk- um staðháttum og þjóðarmenningu. ★ Þegar litið er á þetta stutta yfirlit, kem- ur í ljós, að það eru ekki nema rúmir tveir áratugir síðan farið var að stofna hús- mæðraskóla hér á landi og auka hús- mæðrafræðsluna að nokkrum mun. Mörgu hefir vafalaust verið ábótavant í þessari „nýsköpun“ okkar, en reynslan hefir leitt í ljós, að þörf hefir verið á þessum skólum, því að þeir hafa ávallt verið fullskipaðir og ekki fullnægt nema að litlu leyti þeim umsóknum er hafa borist. Það virðist liggja í augum uppi að nauð- synlegt er að ungar stúlkur njóti nokkurs undirbúnings og fræðslu um heimilisstörf- in, svo þær verði færar um að takast þau á hendur þegar að því kemur, að þær eiga að stofna nýtt heimili og stjórna því. Á húsmæðraskólunum hvíla miklar skyldur, og til þeirra þarf að vanda eftir beztu föngum. Auk lögboðinna starfa er þeim skylt að vera á verði um allar ný- ungar er horfa til bóta fyrir húsmæður og heimili, en virða þó sem vert er gamlar þjóðarvenjur og heimilishald, sem um aldir hefir reynst heilladrjúgt. — Þá hvílir einnig sú skylda á þeim, að brýna fyrir nemendunum hve mikils er um vert að vanda sem mest til alls, er viðkemur heimilunum. Sýna þarf nemendunum fram á, að heimilin eru ekki einungis griða- staðir heimilismanna, þar sem þeir geta notið næringar og hvíldar þegar þeim sýnist, heldur beri þeim einnig að vera menningar- og máttarviðir þjóðarinnar. Er þá augljóst að mikið veltur á, að grunn- urinn sé tryggur og stoðirnar traustar, sem heimilið er reist á, og örugg hönd taki þar við stjórn. Hulda Stefánsdóttir. „Seg mér kvaö yndœlla auga þitt leit, íslenzka kvöldin’u í fallegri sveit?“

x

Freyr

Direct Links

If you want to link to this newspaper/magazine, please use these links:

Link to this newspaper/magazine: Freyr
https://timarit.is/publication/863

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.