Freyr - 01.07.1947, Blaðsíða 46

228
FREYR
Hlýlegt er umhverji hússins (Ljósm.: Þorsteinn Jósepsson)
stofna vill heimili viS búrekstur í
sveit, þurfi ekki að flýja þaðan vegna
skorts á jarðnæði.
Ákvæði laganna, um landnám ríkisins
og stofnun nýbyggða, eru fyrst og fremst
miðuð við það, að hið nýja landnám geti
tekið á móti og fest við arðbæra landbún-
aðarframleiðslu það fólk, sem elst upp í
sveitum, en sem hingað til hefir horfið
þaðan vegna þess, að því r^yndist auð-
veldara að stofna heimili í þéttbýli, þó
það fremur hefði kosið að eiga þess kost
að reisa bú í sveit sinni.
í öðru lagi er það vitað, að til eru jarðir,
sem af eðlilegum ástæðum falla úr ábúð
og eiga að gera það, vegna staðhátta og
lélegra búrekstrar skilyrða. Nýbyggðir
þurfa og eiga að veita þeim bændum við-
töku, og bætta búrekstraraðstöðu, sem
þaðan verða að flytja.
Það er gert ráð fyrir því í lögunum uin
landnám, að það fari fram á landi, sem
er eign ríkisins, bæjar, sveita eða byggða-
félaga, en takmarkanir eru á, að jarðir,
sem eru í sjálfsábúð og erfðaleigu, geti
orðið teknar með eignarnámi til þessara
framkvæmda, og land verður því aðeins
frá þeim tekið í þessu skyni, að þær geti
án þess verið. Nú er aðeins 17% jarða í
landinu í eigu ríkisins, og annarri opin-
berri eigu, og vitanlega hafa ekki allar
þessar jarðir skilyrði til nýbyggðar.
Það verður því mjög mikið undir skiln-
ingi þeirra manna komið, sem eignarheim-