Prentarinn - 01.01.1972, Qupperneq 35

Sýnasafn frá fyrri tíð
Á næstu síðum verður stuttlega fjallað
um sjð gamlar íslenzkar prentsmiðjur, frá
upphafi prentverks á Islandi. Þær myndir
sem fylgja eru fengnar hjá Landsbóka-
safni, og er rétt að nota þetta tækifæri
til að þakka Ólafi Pálmasyni aðstoð hans,
en hann útvegaði myndirnar og las yfir
meðfylgjandi texta, til að koma í veg fyrir
rangar staðhæfingar undirritaðs.
Við þessa samantekt hef ég aðallega
stuðzt við Prentsögu Klemenzar Jónsson-
ar og Prentaratalið. Við því er ekki að
búast, að hér geti verið um tæmandi
upplýsingar að ræða, einkum vegna
plássins, og eins geta þær upptalningar
á bókum sem í pistlunum eru, aldrei orð-
ið annað en sýnishorn af þeim efnisflokk-
um, sem gefnir voru út fyrstu aldirnar í
íslenzkri prentsögu. Þar sem sú útgáfa
var harla einhæf fyrst í stað; aðallega
prédikanir og sálmar eða annað trúar-
legt efni, er hætt við að upptalning mín
sé anzi einhliða. En það á sér sem sagt
þessar eðlilegu ástæður.
Þegar fram í sækir fer efnisflokkum
fjölgandi, og hef ég þá reynt að hafa í
upptalningu minni sýnishorn af þeim öll-
um, til að gefa hugmynd um útgáfu hvers
prentverks fyrir sig.
Þessi kynnisferð hefst með komu séra
Jóns „svenska" Matthíassonar með
prentverk til Jóns biskups Arasonar á
Hólum og endar við flutning Viðeyjar-
prentsmiðju til Reykjavíkur. Ég vona, að
þið hafið eins gaman af lestrinum og
ég af grúskinu.
Haukur Már