Prentarinn - 01.01.1972, Page 51

Þátttakendur <í norrtena prentara-
þinginu við orlofsheimilið i Miðdal.
í B og C-flokk komu lakari handrit með fleiri
leiðréttingum. í D-flokk lentu þau handrit sem
telja mátti ólesandi.
Þegar við fórum að skoða handritin úr smiðj-
unum, sagði Andersen, kom í ljós, að vart fannst
handrit, sem flokka mátti í A. Mörg þeirra lentu
í B-flokki, en flest þó í C.
Samkomulag varð um að þegar sett er eftir
A-flokks handritum skuli miðað við 15.000 á-
slætti á klukkustund, 13.043 þegar um B-flokk er
að ræða og C-flokk 12.000.
DesemberverkfalliS
Þórólfur Daníelsson gerði í sinni ræðu grein fyrir
aðdraganda heildarsamninga verkalýðsfélaganna f
fyrrahaust, og hvernig málum var háttað, þegar
verkfall hófst f prentiðnaðinum 6. desember, eftir
að prentsmiðjueigendur höfðu neitað að ræða sér-
kröfurnar við fulltrúa bókagerðarmanna í samn-
inganefndinni. Hann lýsti því næst gangi vinnu-
deilunnar og samningunum sem náðust eftir 10
daga verkfall.
Þá sagðist hann vilja nota tækifærið og þakka
prentarasamtökunum á Norðurlöndum ágæta lið-
veizlu, þegar þau sendu H.Í.P. háar fjárupphæðir
í verkfallssjóðinn. Þessi stuðningur hafi orðið okk-
ur öflugt vopn í verkfallinu og gert íslenzkum bóka-
gerðarmönnum enn ljósara hve mikilsvert er að
hafa gott samstarf við félögin á Norðurlöndum.
Þórólfur sagði einnig frá því, að uppi væru hug-
myndir um að sameina verkfallssjóði allra ís-
lenzku bókagerðarfélaganna, og væri byrjað að liuga
að því, hvernig bezt yrði staðið að þeim málum.
Erlendu fulltrúarnir fengu eintak af kjarasamn-
ingum HÍP í danskri þýðingu, og þóttu jreir um
margt alhyglisverðir. Henry Nielsen sagði að fyrir-
komulag veikindadaganna hefði vakið athygli sína,
og sérstaklega að geyma mætti ónotaða veikinda-
daga til næsta árs.
Reikningar verkfallssjóðsins
Henry Nielsen lagði fram reikninga verkfalls-
sjóðs Nordisk Typograf-Union. í sjóðnum voru um
áramótin 1971—1972 5.727.019 danskar krónur, eða
sem svarar 3.943.704 sænskum krónum.
í reglum verkfallssjóðsins segir, að höfuðstóll
hans verði að ná jafnvirði 5 millj. sænskra króna,
áður en styrkjagreiðslur geta hafizt. Með núverandi
iðgjaldi verður því marki náð eftir tvö ár.
Reikningarnir voru samþykktir athugasemda-
laust.
Taekniráðsiefna
Gunnar Kokaas frá Norsk Grafisk Forbund
lagði fram á ráðstefnunni ágæta grein, þar sem
hann lýsir þeirri skoðun sinni, að tæknin og mennt-
un iðnaðarfólksins sé of mikið sniðin að þörfum
og kröfum atvinnurekenda, sem auðvitað hafi fyrst
og fremst það sjónarmið, að „vinnukrafturinn" gefi
sem beztan arð. Aftur á móti vilji manneskjulegri
viðhorf gleymast. Oft líti menn á menntun og
skólagöngu einungis sem leið til aukinnar tekju-
öflunar.
PRENTARINN
47