Prentarinn - 01.01.1972, Blaðsíða 49
I>á liöfum við krafizt þcss, sagði Alderin, að ríkið
greiði ásamt atvinnurekendum meira til framhalds-
menntunar og endurþjálfunar. Nú þegar greiðir
ríkið allan kostnað af endurþjálfunarnámskeiðum
fyrir þá prentara sem hyggjast fara yfir í offset-
iðnina og veitir auk þess styrki til þátttakenda
vegna framfærslu fjölskyldna þeirra og annars kostn-
aðar meðan þessi námskeið standa yfir.
Iðnfræðslunni er verið að gjörbreyta í Svíþjóð
og verið að leggja síðustu hönd á nýja námsskip-
an í bókiðninni. Verknámið færist miklu meira inn
í skólana og á að vera þannig háttað, að menn eigi
auðveldara mcð að fara á milli greina innan prent-
iðnaðarins, ef þörf krefur. í nýju iðnfræðslulög-
unum ér gert ráð fyrir því að ríkið greiði allan
skólakostnaðinn.
Alderin ræddi að lokum um samningana við Syd-
svenska Dagbladet og Dagens Nyheter vegna lestrar-
tækjanna sem þau voru að taka i notkun.
Ætlun forráðamanna Dagens Nyheter var að láta
ritstjórnina og skrifstofufólkið vinna undirbúnings-
störfin fyrir lesarann (vélritun handrita o. þ. 1.) og
útiloka þar með starfsfólk prentsmiðjunnar frá
þeirri vinnu. Þetta tókst ekki, og að lokum varð
samkomulag um að félagsmenn prentarasambands-
ins skyldu vinna við lesarann og önnur undirbún-
ingsstörf sem honum fylgja. Hliðstæður samningur
var gerður við Sydsvenska Dagbladet.
En stærstu tíðindin í sænska prentiðnaðinum nú
í ár eru tvímælalaust sameining allra bókagerðar-
manna í citt samband, og á fundinum gerði Olle
Compuscan 172. Lestrartœki af sömu
gerð og nú er farið að nota i dagblaða-
smiðjunum á Norðurlöndum.
Hausson grein fyrir aðdraganda og undirbúningi
sameiningarinnar, en þar eð Þórólfur Daníelsson
segir frá þcim málum öllum á öðrum stað í blað-
inu verða þau ekki rakin hér.
Ný námsskipan í Danmörku
Henry Nielsen, formaður danska Prentarasam-
bandsins, sagði í upphafi sinnar ræðu, að marg-
víslegar samtiingaviðræður hafi átt sér stað á ár-
inu við atvinnurekendur, svo sem um sjúkrasjóðinn,
tölvusetningu, verknámið o. fl.
Danska Prentarasambandið hefur sinn eigin
sjúkrasjóð, senr annast greiðslur veikindadaga til
félagsmanna, en Nielsen sagði að sjúkrasjóðurinn
þætti orðinn all fjárfrekur, og þær raddir kæmu
ekki eingöngu úr hópi atvinnurekenda, heldur
líka frá prenturum, sem greiða ákveðna hundraðs-
tölu í sjóðinn. Nú er því í athugun að leggja
sjúkrasjóð sambandsins niður og ganga inn í al-
menna sjúkrasamlagskerfið, þar eð við það sparast
miklar fjárhæðir.
í vor gerði danska l’rentarasambandið samning
við prentsmiðjueigendur um tölvusetningu og und-
irbúningsvinnu þar að lútandi, en þá höfðu við-
ræður staðið lengi. Eftir að gengið var frá samn-
ingunum hleruðum við, sagði Nielsen, talsverða ó-
ánægju meðal félagsmanna, sem töldu að í þá vant-
aði ákvæði um frágang handrita, hliðstæð þeim
sem eru í vélsetjarasamningunum, þ. e. a. s. að
tekið sé tillit til slæmra handrita og þegar um sein-
lega og erfiða setningu er að ræða, svo sem crlend
mál o. þ. u. 1.
Louis Andersen, formaður Kaupmannahafnar-
deildarinnar kom nánar að þessu síðar á fundin-
um.
A síðasta Þjóðþingi voru sett í Danmörku lög
um launatryggingasjóð, og hann tók til starfa í
apríl s.l. Hlutverk sjóðsins er að tryggja launa-
greiðslur til starfsfólks fyrirtækja, sem verða gjald-
þrota, einnig ef eigandinn fellur frá og dánarbúi
er skipt eða hlutafélag er leyst upp. Við gjaldþrot
eiga fyrirtækin oft ckki fyrir ógreiddum launum
starfsmanna, og málarekstur í því sambandi tekur
óhóflega langan tíma. Þegar svo stendur á, ann-
ast sjóðurinn launagreiðslurnar, svo og greiðslu
á orlofsfé. Hámarksupphæð, sem launþegi getur
fengið úr sjóðnum, er 25.000 kr. (danskar), og er
áætlað, að árlega muni hann aðstoða um 12.000
manns. Prentarasambandið danska hefur hins veg-
ar í kjarasamningum sínum ákvæði, sem tryggja
kaupgreiðslur til félagsmanna í þess háttar til-
vikum.
í lok ágústmánaðar í sumar, hófu dönsku prent-
skólarnir kennslu eftir nýju námskerfi, sem er mjög
frábrugðið því gamla, og þess vegna ekki að öllu
PRENTARINN
45