Árbók VFÍ/TFÍ - 01.06.2004, Side 21
Þórarinn Bjarnason, sem tók við starfi ritara. Áfram í stjórn sitja Sigurjón Ólafsson, sem
tók við formennsku, og Benedikt Helgason meðstjórnandi.
Fundir og skoðunarferðir: í mars 2003 var farið í skoðunarferð í Náttúrufræðihús
Háskóla Islands. Framkvæmdir innanhúss stóðu þá yfir af fullum krafti. Fulltrúar HÍ
kynntu framkvæmdir.
I október 2003 var farið í skoðunarferð í Skuggahverfið. Eykt byggir þar 78 íbúðir fyrir
101 Skuggahverfi. Um er að ræða 1. áfanga en alls er áætlað að byggja um 250 íbúðir á
lóðinni. Verkfræðingur frá VSÓ kynnti burðarþolshönnun húsanna. Gengið var upp á 6.
hæð í turninn næst sjávarsíðunni þar sem þátttakendur gátu notið útsýnisins yfir sundin
blá í blíðskaparveðri. Mæting var mjög góð eða um 35 manns.
Þátttaka í kynningarferðum félagsins hefur á undanförnum árum verið góð og hefur
mælst vel fyrir að hafa þessar ferðir í upphafi dags.
Orðanefnd BVFÍ
Innan BVFÍ er starfrækt orðanefnd sem unnið hefur mikið starf síðastliðin 18 ár við gerð
íðorðabókar um fráveitur og umhverfismál. Formaður nefndarinnar hefur frá upphafi
verið Einar B. Pálsson. Nú má segja að íðorðabókin sé tilbúin og hefur núverandi stjórn
lagt mikla áherslu á að koma bókinni út.
Stefnt er að því að semja við Háskólaútgáfuna og gefa ritið út í 500 eintökum. Fyrir utan
að stuðla að almennri varðveislu íslenskrar tungu er bókin nauðsynleg verkfræðingum,
tæknifræðingum, iðnaðarmönnum og öðrum sem daglega fjalla um umhverfis- og
fráveitumál. Bókin mun einnig nýtast vel í kennslu.
Kvennanefnd VFÍ
Starfsárið 2003-2004 var kvennanefnd VFÍ skipuð eftirtöldum konum, þeim Ásdísi
Guðmundsdóttur, Fjólu Jónsdóttur, Helgu Jóhönnu Bjarnadóttur, Jóhönnu Hörpu
Árnadóttur og Kolbrúnu Reinholdsdóttur formanni. Kvennanefndin á fulltrúa í jafn-
ræðisnefnd VFÍ.
Stjórn kvennanefndar veltir reglulega fyrir sér hlutverki nefndarinnar og áhrifum.
Upphaflega var hún stofnuð til að hvetja konur til þátttöku í félagsstarfi VFI og til að
mynda tengslanet kvenna í stétt verkfræðinga. Nú fjórum árum eftir stofnun hennar telur
nefndin að konur hafi orðið meira áberandi innan VFI en áður var. Þar má nefna að í
stjórn VFÍ eru nú tvær konur í stað einnar og þetta starfsárið er stjórn RVFÍ eingöngu
skipuð konum. Nokkuð var rætt um fundartíma og fundarefni á fundum og var ákveðið
að prófa nýtt form, en það eru fyrirtækjaheimsóknir.
Fundirnir á starfsárinu voru: Þann 3. apríl 2003 var haldinn samlokufundur í samstarfi
við kynningarnefnd VFI. Gestur fundarins var Hildur Elín Vignir, þjálfari og ráðgjafi hjá
IMG Deloitte, og hélt hún fyrirlestur um tengslanet sem hún nefndi „Tveir sterkari en
einn...". Fundurinn var vel sóttur og almenn ánægja með fundarefnið og er því áhugavert
að auka samstarf við Kynningarnefndina um fundi í framtíðinni.
Þann 26. nóvember 2003 var farið í heimsókn til Vegagerðarinnar þar sem á móti hópnum
tóku kvenverkfræðingar og kventæknifræðingar sem starfa hjá Vegagerðinni, þær Ásdís
Guðmundsdóttir, Auður Þóra Árnadóttir, Guðrún Þóra Garðarsdóttir og Erna Bára
Hreinsdóttir. Fundurinn var eingöngu opinn konum og tókst hann vonum framar. Þær
kynntu starfsemi Vegagerðarinnar og sitt hlutverk innan hennar. I lok fundarins var síðan
opin umræða.
Félagsmál Vfí/TFÍ