Árbók VFÍ/TFÍ - 01.06.2004, Blaðsíða 145
rELdmi
ORACLE Á ÍSL.ANDI
UMBOÐSMAÐUR ORACLE
HUGBÚNAÐAR Á ÍSLANDI
Öll fyrirtæki búa yfir gögnum og upplýsingum um starfsemi sína á einhverju formi.
Mörg hafa notað þessi gögn til að einfalda rekstur, minnka kostnað, auka hagnað, halda
í viðskiptavini, ná í nýja viðskiptavini og fleira. Hver er breytilegur kostnaður vöru;
hvaða viðskiptavinir kaupa hvaða vöru og með hvaða framlegð - samanborið við önnur
tímabil eða aðra viðskiptavini; hvaða vara gefur mestan arð af sér, hver er raunveruleg
framlegð vöru, hver er raunverulegur kostnaður vöru? Hvaða upplýsingar gefur
fjárhagskerfið af sér?
Tölvukerfi fyrirtækja samanstendur af mörgum mismunandi kerfum. Fjárhagskerfi,
tímaskráningarkerfi, mannauðskerfi, launakerfi, viðskiptamannakerfi, framleiðslukerfi,
samskiptakerfi, skjalakerfi o.fl. Kerfin eiga það sameiginlegt að þau halda utan um gögn
um starfsemi fyrirtækisins og viðskiptavini. En hvernig getum við safnað, stjórnað og
notað upplýsingar til þess að öðlast meiri þekkingu? Hvernig verðum við okkur úti um
þær upplýsingar sem eru grundvöllur ákvarðana til að stýra fyrirtækinu í átt að vexti og
áframhaldandi velgengni? Og hvernig getum við notað þessa þekkingu til að styrkja
fyrirtækið og markaðsstöðu þess, starfsmennina og þar með tekjuöflunina?
Einn sannleikur - gömul saga og ný
Venjuleg rekstrarkerfi gefa upplýsingar um daglegan rekstur en gefa lítið svigrúm til
rannsókna á gögnum. Gögnin eru á víð og dreif og innihalda almennt séð engin lýsigögn.
Gagnasvæði í rekstrarkerfum eru flókin að uppbyggingu og ráða illa við flóknar fyrir-
spurnir, svæðin eru hönnuð fyrir mikil afköst og hraða í huga en ekki samhæfða fram-
setningu. Margir eru að framkvæma svipaða hluti í rekstrarkerfunum með margvíslegri
tækni sem getur gefið mismunandi niðurstöður.
Rannsóknir á gögnum eiga betur heima í umhverfi sem auðveldar framsetningu,
meðhöndlun og samhæfingu gagna í tíma. I vöruhúsum gagna er gögnum komið fyrir í
mismunandi víddum og raðað upp eftir eðli þeirra en ekki í hvaða röð þau voru skráð í
rekstrarkerfum. Bætt aðgengi að upplýsingum eykur skilvirkni starfsmanna og er lykil-
forsenda „góðrar" ákvörðunartöku. Mörg fyrirtæki hafa farið þá leið að draga saman
gögn úr mörgum mismunandi kerfum í miðlægt vöruhús gagna og búið þar til sérstætt
upplýsingakerfi þar sem gögn eru meðhöndluð út frá öðrum forsendum en í hefð-
bundnum rekstrarkerfum. Þar eru gögnin meðhöndluð og breytt í upplýsingar sem má
nota í skýrslugerð, til að styðja við ákvarðanir sem leiða til athafna og margt fleira.
Kynning og tæknigreinar fyrirtækja og stofnana
1 4 3