Árbók VFÍ/TFÍ - 01.06.2004, Síða 207

Sendandinn sendir gögnin í gagna-
grunninn; gögn í þessu samhengi geta
verið hvers konar upplýsingar,
einkum þó ritað mál eða teikningar. í
vissum vefkerfum er jafnframt hægt
að senda tilkynningu í tölvupósti til
þeirra er málið varðar um að gögn
ætluð þeim séu komin inn í kerfið.
Móttakandinn sækir síðan gögnin inn
í kerfið og getur svarað sendandanum
með því að setja ný gögn inn í kerfið
og getur þá sendandinn sótt þau.
Það sem margir nefna sem helsta kost
vefkerfa er aukinn hraði og ná-
kvæmni í samskiptum auk þess sem samskiptin verða rekjanleg [7]. I stórum og dreifðum
verkefnum er jafnframt sparnaður í ferðakostnaði og símakostnaði nefndur sem kostur
kerfanna. Einnig eru nefnd atriði eins og pappírssparnaður, aðgangsstýring og betri
stjórnun [7]. Með notkun þessara kerfa er hægt að eiga markviss og regluleg samskipti.
Annar kostur við notkun slíkra kerfa er að svörunin getur beðið, samskiptin þurfa ekki
að eiga sér stað í rauntíma.
Gallarnir við vefkerfi virðast að miklu leyti snúa að kunnáttu notendanna. Vefkerfi krefj-
ast agaðra vinnubragða. Ef fullt gagn á að verða af notkun vefkerfis verða allir þátt-
takendur að nota kerfið með skipulögðum hætti. Þörfin á upplýsingatæknisinnuðum
verkefnisstjóra og mismikil tölvukunnátta þátttakendanna eru önnur dæmi sem nefnd
eru um vandamál. Aðrir veikleikar eru mikill kostnaður við öryggismál eins og eldveggi
sem þarf að uppfæra reglulega, eignarréttur gagna er óljós og auk þess er oft talsvert
mótlæti í sumum atvinnugreinum þar sem hefðin hefur verið að undirrita öll gögn [7].
Mynd 1:Verkefnastjórnunarvefkerfi (vefkerfi).
Rannsóknin
Vefkerfi eru tiltölulega ný lausn og lítið liggur því fyrir af upplýsingum um viðhorf ís-
lenskra notenda til þeirra. í rannsókn við Verkfræðideild Háskóla íslands var þetta
skoðað og metið hvernig mismunandi kerfi hafa reynst í ólíkum verkefnum. Markmið
rannsóknarinnar var meðal annars að gera sér betur grein fyrir því hverjir eru helstu
kostir og gallar slíkra kerfa og sjá þannig hvaða atriði skipta mestu máli við innleiðingu
og rekstur þeirra.
Rannsóknin fólst í vefkönnun sem gerð var á tímabilinu 16. mars-31. mars 2004. Ákveðið
var að reyna að fá sem fjölbreyttust verkefni til að ná sem breiðustum notendahópi og
voru fjögur verkefni valin til nánari skoðunar. Þátttökubeiðni var send til allra þátt-
takendanna með tölvupósti sem innihélt tengil á könnunarvefsíðuna.
Búðarhálsvirkjun er fyrirhuguð 100 MW vatnsaflsvirkjun í Þjórsá, undirbúnings-
framkvæmdum er lokið en lokahönnun og byggingu hefur verið slegið á frest. Við
útboðshönnun á stöðvarhúsi, tengivirki, þrýstipípum og inntaki ásamt aðliggjandi 4 km
göngum og 2,3 km stíflu fyrir Búðarhálsvirkjun sem unnið var á árunum 2001 til 2003 var
notast við 4Projects vefkerfið. Undirbúningsframkvæmdirnar voru unnar fyrir
Landsvirkjun í samstarfi Línuhönnunar, Mott MacDonald í Englandi og Acres í Kanada
ásamt undirverktökum þessara fyrirtækja. Þátttakendur í verkefninu voru því staðsettir
á mjög dreifðu svæði. Þetta var með fyrstu verkefnum á íslandi þar sem alfarið var notast
við vefkerfi í samskiptum innan verkefnis og engin tölvupóstsamskipti fóru fram framhjá
kerfinu [8, 9].
Ritrýndar vísindagreinar
2 0 5