Árbók VFÍ/TFÍ - 01.06.2004, Qupperneq 76

Afli og framleiðsla
Heildarafli íslenskra skipa árið 2003 nam tæplega 2 milljónum lesta samkvæmt
bráðabirgðatölum frá Fiskistofu. Samanlagður botn- og flatfiskafli jókst um 2% en
þorskafli dróst saman um 5%. Uppsjávarafli minnkaði um 10% þrátt fyrir metafla í kol-
munna en loðnuafli var rúmlega þriðjungi minni en árið 2002. Utfiutningsverðmæti
lækkaði frá fyrra ári í takt við styrkingu krónunnar en einnig var afli minni. Verðvísitala
sjávarafurða í íslenskum krónum fyrstu ellefu mánuði ársins 2003 lækkaði um rúmlega
9% en vísitalan í SDR var aftur á móti 0,5% hærri.
Stóriðja
Framleiðsla stóriðjufyrirtækjanna jókst um tæp 10% árið 2002 sem skýrðist meðal annars
af því að áhrif stækkunar álvers Norðuráls á Grundartanga komu þá að fullu fram. Á
árinum 2004 og 2005 er hins vegar gert ráð fyrir að framleiðslubreytingar stóriðju-
fyrirtækjanna verði óverulegar.
Útflutningsframleiðsla áls fyrstu ellefu mánuði 2003 var svipuð að magni og sama tíma-
bil árið áður. Verðmæti framleiðslunnar lækkaði aftur á móti um tæplega 13% sem skýrist
af verðlækkun Bandaríkjadals gagnvart krónu.
Ákveðið var að byggja álver með 322 þúsunda tonna framleiðslugetu á Reyðarfirði. Gert
er ráð fyrir að byggingu álverksmiðjunnar verði lokið árið 2007 og fullri afkastagetu náð
á árinu 2008. Heildarkostnaður vegna byggingar álvers og hafnarframkvæmda er um 86
milljarðar króna á verðlagi ársins 2003. Álframleiðsla mun meira en tvöfaldast þegar nýtt
álver á Reyðarfirði tekur til starfa á árinu 2007 og fara úr 267 þúsund tonnum árið 2002 í
589 þúsund tonn á árinu 2008. Vægi áls í vöruútflutningi mun þá aukast úr 19% árið 2002
í 28% árið 2008.
Ferðaþjónusta
Erlendum ferðamönnum hefur fjölgað verulega. í júlímánuði 2003 komu 14% fleiri ferða-
menn en í júlí árið áður og í ágúst komu 16% fleiri um Keflavíkurflugvöll. Fyrstu átta
mánuðina á árinu 2003 komu rúmlega 240 þúsund ferðamenn til
landsins samkvæmt samantekt Samtaka ferðaþjónustunnar en inni
í þessari tölu eru einnig ferðamenn sem komu með ferjunni
Norrænu. Þetta er meiri fjöldi en kom til landsins á sama tímabili
árið 2000 en það ár var metár með yfir 300 þúsund ferðmenn.
Gistinóttum útlendinga á hótelum fjölgaði um 7% fyrstu sjö
mánuði ársins 2003 borið saman við sama tímabil á árinu á undan
og ef borið er saman við árið 2000 er fjölgunin 19%.
Að mati Samtaka ferðaþjónustunnar virðist ferðamáti útlendinga
sem heimsækja landið hafa breyst. Meira er um ferðamenn sem eru
á eigin vegum og eru þeir meðvitaðri um verð en áður. Minna er
sótt í afþreyingarferðir. Bandaríkjamenn hafa verið fjölmennir í
þeim hópi en þeim hefur fækkað. Ef til vill er þessi breytti ferða-
máti tímabundið ástand sem stafar af umræðu sem varð um allan
heim vorið 2003 um minnkandi ferðamannastraum. Ferðamenn
sem héldu af stað gerðu því ráð fyrir að þeir gætu náð betri kjörum
en áður með því að sjá sjálfir um sínar ferðir og semja beint. En
einnig gæti verið um varanlega breytingu að ræða með tilkomu
netsins og möguleikum þess í ferðaþjónustu.
Fjöldi ferðamanna eftir
mánuðum:
Heimild: Ferðamálaráð.
Árið 2003 einungis ferða-
menn í Leifsstöð.
7 4
Árbók VFÍ/TFÍ 2004