Árbók VFÍ/TFÍ - 01.06.2004, Page 23

Störf Orðanefndar RVFÍ árið 2003
Fyrri hluta árs 2003 var haldið áfram frá fyrra ári að fjalla um hugtök og íðorð í 714. kafla
Alþjóða raftækniorðasafnsins, IEV, en efni hans er skiptitækni og merkjagjöf í fjar-
skiptum. Einnig var staldrað við 701. kafla, sem tekur fyrir orð um fjarskipti, reinar og
net, og 426. kafla, þar sem tekinn er fyrir rafbúnaður á sprengihættustöðum. Vinna við
báða þessa kafla hófst árið 2002. Haustið 2003 var tekinn fyrir 731. kafla IEV, þar sem
komið er inn á ljósleiðara og tækni þá, sem að baki þeirra býr. Þorvarður Jónsson tók að
sér að frumþýða kaflann. Fyrsta yfirferð nefndarinnar stóð fram yfir áramótin 2003/2004.
Jafnframt hófst vinna við að undirbúa útgáfu Raftækniorðasafns 11, sem hlaut undir-
heitið Fjarskiptanet, skiptitækni og merkjagjöf. Bókin kom út í árslok 2003. Þar með var
fimmtánda orðabók Orðanefndar rafmagnsverkfræðinga komin út, áttunda orðabókin,
sem nefndin gefur út í eigin nafni á átta árum.
Orðanefndin sótti um styrk til Menningarsjóðs til útgáfu bókarinnar snemma á árinu
2003 og hlaut 300.000 kr. til þess. Það var u.þ.b. þriðjungur af prentkostnaði við bókina.
Formaður sat alþjóðlega ráðstefnu á vegum íslenskrar málnefndar um málvernd og mál-
stefnu, sem haldin var í Reykjavík haustið 2003.
Að beiðni Sveinbjargar Sveinsdóttur, ritara RVFÍ, voru henni sendar upplýsingar um
nefndarmenn, störf og verkefni Orðanefndar til að birta á heimasíðu deildarinnar. Þessar
upplýsingar eru komnar á vefinn.
Grein, sem formaður skrifaði um störf ORVFÍ í tímaritið Deutsche Sprachwelt og birtist í
desember 2002 og mars 2003, vakti mikla athygli og töluverð viðbrögð að sögn ritstjórans.
Utdráttur úr þessari grein eftir Heinrich Floerke rafmagnsverkfræðing birtist í nóvember
2003 í hinu virta tímariti rafmagnsmanna ETZ, Elektrotechnische Zeitschrift, sem er
þekkt og lesið um allan heim.
Þýðingarmiðstöð utanríkisráðuneytisins hefur öðru hverju haft samband við nefndar-
menn, einkum formann, með spurningar um íðorð á sviði rafmagnsmála vegna þýðinga
á tilskipunum Evrópusambandsins. Reynt hefur verið að greiða úr slíkum erindum.
Dagur íslenskrar tungu var að vanda haldinn hátíðlegur 16. nóvember 2003 í Háskóla
íslands. Þrír félagar Orðanefndar tóku þátt í hátíðahöldunum, en Baldur Sigurðsson,
ráðgjafi ORVFÍ um íslenskt mál, var fundarstjóri.
Fundir ORVFÍ á árinu 2003 urðu 36. Meðalfundarsókn var 7,75 menn á fundi, 70,45% fé-
laga, að íslenskufræðingi meðtöldum. Um áramótin 2003/2004 hafði ORVFÍ þar með
komið saman á 1028 fundum frá árinu 1971, en þá var farið að færa fundargerðir reglu-
lega.
Orðanefnd RVFI skipa rafmagnsverkfræðingarnir Bergur Jónsson formaður, Gísli
Júlíusson, Gunnar Ámundason, Gústav Arnar, ívar Þorsteinsson, Sigurður Briem,
Sæmundur Óskarsson, Þorvarður Jónsson og rafmagnstæknifræðingarnir Guðmundur
Guðmundsson og Hreinn Jónasson. Auk þess starfar Baldur Sigurðsson, dósent við KHÍ,
með nefndinni sem sérfræðingur og ráðgjafi um íslenskt mál.
2 1
Félagsmál Vfl/TFl