Árbók VFÍ/TFÍ - 01.06.2004, Page 140
• Tryggja jafnræði við starfrækslu einkaleyfisstarfsemi og trúnað um upplýsingar er
varða viðskiptahagsmuni í samkeppnisrekstri orkuviðskiptanna
• Tryggja að ávallt fari saman ábyrgð á stofnun og greiðslu kostnaðar.
• Auka arðsemi og kostnaðarvitund.
• Skapa forsendur fyrir skilvirkri stjórnun og samhæfingu milli sviða/eininga.
Nýtt skipulag RARIK
Hið nýja skipulag hjá RARIK er byggt upp sem fléttuskipulag þar sem bæði er að finna
afkomusvið og stoðsvið. Undir afkomusvið falla: orkusala, orkuvinnsla, veitusvið og
önnur veitustarfsemi. Skipulag RARIK byggist á forsendum samstæðuskipulags þar sem
samstæðan er mynduð af stoðsviðum og afkomusviðum, sem eru ábyrg fyrir eigin
afkomu gagnvart samstæðunni.
Afkomusvið byggjast á sérhæfðri þekkingu á raforku, framleiðslu hennar og sölu, auk
þess að hafa fullt vald og ábyrgð á fjárfestingum, þróun og sölu á raforku eða vöru-
flokkum sviðsins önnur veitustarfsemi. Meginmarkmið framkvæmdastjóra viðkomandi
afkomusviðs er að ávaxta þá fjármuni sem bundnir eru í starfsemi sviðsins, auk þess að
fullnægja öllum lagalegum skyldum, m.a. varðandi gæði og áreiðanleika. Ávöxtunar-
krafan tekur mið af viðmiðunarmörkum, sem í sumum tilfellum eru sett fram árlega af
Orkustofnun en í öðrum samkvæmt skilgreiningu samstæðunnar.
Afkomusvið bera ábyrgð á sölu og markaðssetningu eigin vara en samstæðan sér um
samhæfingu markaðsaðgerða. Verkefnum sem tengjast markaðs- og sölumálum verður í
fyrstu sinnt undir yfirstjórn fjármálasviðs en færast í áföngum yfir á orkusölusvið og
viðskiptasvið. Afkomusvið eru með sjálfstæðan rekstur, innan ramma samstæðunnar, en
kaupa umsamda þjónustu af stoðsviðum.
Afkomusvið eru ábyrg fyrir öllum tekjum sínum og gjöldum og hafa því aðgreindan
efnahag og eru bókhaldslega aðskilin frá annarri starfsemi.
Stoðsvið þjónusta afkomusviðin og samstæðuna í heild sinni, í samræmi við gildandi
þjónustusamninga sem árlega eru lagðir fyrir framkvæmdastjórn til samþykktar.
Stoðsviðum er ætlað að styðja við og þjóna meginstarfsemi afkomusviðanna. Stoðsvið
eru fjögur: fjármálasvið, þróunarsvið, viðskiptasvið og rekstrar- og þjónustusvið.
Undir forstjóra heyra auk þess stoðdeildirnar gæða- og umhverfisstjórnun og lögfræði-
og starfsmannamál. Almannatengsl, skjalavarsla og ritari eru á skrifstofu forstjóra.
Öll svið bera ábyrgð á eigin gæða-, starfsmanna- og innkaupamálum í samræmi við
stefnu samstæðunnar en tilteknar einingar eru til ráðgjafar og aðstoðar við hina eiginlegu
framvæmd. Afkomusviðin bera ábyrgð á skilum gagna vegna reikningagerðar og
samþykkt þess kostnaðar sem færður er á sviðið. Stoðsvið eru ábyrg fyrir þeim stuðningi
og ráðgjöf sem þau veita varðandi þessa þætti innan fyrirtækisins en skortur á sam-
hæfingu og frávik frá áætlunum og starfsreglum eru tekin fyrir á fundum framkvæmda-
stjórnar.
Eftirfarandi mynd sýnir grunneiningar RARIK:
1 3 8
Arbók VFl/TFl 2004