Fréttablaðið - 05.04.2012, Qupperneq 13

Arion banki er stoltur styrktaraðili íslenska handboltalandsliðsins.
Hægt er að nálgast veggspjöld með
mynd af landsliðinu í útibúum Arion banka.
Við óskum strákunum okkar
góðs gengis í undankeppni
Ólympíuleikanna
arionbanki.is – 444 7000
FIMMTUDAGUR 5. apríl 2012 13
EVRÓPUMÁL „Það er afar mikilvægt
fyrir Ísland að sveitarstjórnir og
svæðisbundin yfirvöld taki virkan
þátt í aðildarviðræðum Íslands og
ESB.“
Þetta segir Mercedes Bresso,
forseti Svæðanefndar Evrópu-
sambandsins (ESB), í samtali við
Fréttablaðið. Bresso var stödd
hér á landi þar sem hún fundaði
með sameiginlegri þingmanna-
nefnd Íslands og ESB og fulltrúum
íslenskra sveitarfélaga um aðildar-
viðræðurnar.
Bresso sagði að á Íslandi eins og
öðrum löndum sé afar mikilvægt að
vinna gegn fólksflótta af dreifbýlli
svæðum til stórborga.
„Þar skiptir byggðastefna miklu
máli og getur aðstoðað við að koma
á laggir verkefnum sem geta eflt
atvinnulíf á dreifbýlli svæðum.“
Hún sagði ESB leggja mikla
áherslu á þau mál, sem og að efla
tækifæri almennings í aðildar-
löndunum til að móta stefnu sam-
bandsins. Svæðanefnd ESB sam-
anstendur af 344 fulltrúum frá
sveitarstjórnum í öllum löndum
sambandsins. Markmið nefndar-
innar er að virkja fulltrúa minni
stjórnsýslueininga til að móta lög-
gjöf ESB, enda kemur drjúgur hluti
hennar til framkvæmda á því stigi.
Aðspurð hvort rödd Íslands yrði
ekki hjáróma í þessum fjölmenna
hópi, kæmi til aðildar, sagði Bresso
að svo þyrfti ekki að vera. „Kæmi
til aðildar Íslands fenguð þið um sex
fulltrúa í Svæðanefndinni en Þýska-
land er með 24 fulltrúa þannig að
fámennu löndin hafa töluvert vægi
og geta nýtt sér það vel.“ - þj
Forseti Svæðanefndar ESB tjáir sig um aðkomu neðri stjórnsýslustiga að viðræðum við Evrópusambandið:
Segir mikilvægt að sveitarfélögin taki þátt
SVEITARSTJÓRNARSTIGIÐ MIKILVÆGT
Mercedes Brasso, forseti Svæðanefndar
ESB, segir mikilvægt fyrir íslensk sveitar-
félög að taka þátt í aðildarviðræðunum.
FRÉTTABLAÐIÐ/STEFÁN
DÓMSMÁL Borgarahreyfingin
þarf ekki að greiða Guðmundi
Andra Skúlasyni, sem var verk-
efnisstjóri hreyfingarinnar, laun
eftir að ráðningarsamningi við
hann var rift.
Í dómi Héraðsdóms Reykja-
víkur í gær er Borgarahreyf-
ingin sögð hafa haft lögmætar
ástæður til að segja Guðmundi
Andra upp störfum eftir að hann
lét hreyfinguna greiða kostn-
að við fimm manna ferðalag til
Brussel. Stjórnin hafði sam-
þykkt að senda einn fulltrúa
í ferðina. Borgarahreyfingin
var því sýknuð af kröfum Guð-
mundar Andra og honum gert
að greiða 400.000 krónur í máls-
kostnað. - óká
Borgarahreyfingin sýknuð:
Þurfti ekki að
greiða laun
eftir uppsögn
FERÐAMÁL Gistinóttum á hótelum
sem opin eru allt árið fjölgaði
um 28 prósent í febrúar, miðað
við sama mánuð ári fyrr.
„Gistinætur á hótelum í febrú-
ar voru 102.600 samanborið við
79.900 í febrúar 2011,“ segir í
frétt Hagstofunnar.
„Gistinætur erlendra gesta
voru um 78 prósent af heildar-
fjölda gistinátta í febrúar en
gistinóttum þeirra fjölgaði
um 33 prósent samanborið við
febrúar 2011. Á sama tíma fjölg-
aði gistinóttum Íslendinga um
13 prósent.“ - óká
Gistinætur fleiri í febrúar:
Þriðjungsaukn-
ing útlendinga
VEGAMÁL Umferð í marsmánuði
jókst um fjögur prósent á milli
ára samkvæmt mælingum Vega-
gerðarinnar. Aukningin er sögð
sambærileg við aukninguna milli
áranna 2009 og 2010.
„Það sem er þó öðruvísi nú er
að umferð eykst á öllum lands-
svæðum,“ segir á vef Vegagerð-
arinnar. Umferð um Austurland
jókst mest, en minnst á höfuð-
borgarsvæðinu.
„Frá áramótum hefur umferð
nú dregist saman um 1,8 pró-
sent.“ Samdrátturinn er sagður
miklum mun minni en í fyrra, en
þá var hann tæp 10 prósent. - óká
Samdráttur á árinu er 1,8%:
Umferð jókst
í marsmánuði
UMFERÐ Í fyrra nam samdráttur í
umferð á þessum tíma 10 prósentum
milli ára. FRÉTTABLAÐIÐ/VALLI
VESTURBYGGÐ Atvinnumálanefnd
Vesturbyggðar hvetur bæjar-
ráð Vesturbyggðar til að beita
sér fyrir því að ferjan Baldur
sigli lengur en til stendur, að því
er fram kemur á vef Bæjarins
besta.
Áætlað er að Baldur gangi á
tímabilinu 10. júní til 24. ágúst.
Nefndarmenn atvinnumála-
nefndar telja tímabilið of stutt til
að ná að svara þeim ferðamanna-
straumi sem liggur til Vestur-
byggðar yfir Breiðafjörð yfir
sumartímann. - kh
Hvetur bæjarráð til dáða:
Vilja fjölga ferð-
um Baldurs