Fréttatíminn - 16.03.2012, Síða 20

FÉLAGAR MEÐ PREMIUM ICELANDAIR
AMERICAN EXPRESS® FRÁ
KREDITKORTI GREIÐA EKKERT
ÁRGJALD Í ICELANDAIR GOLFERS
Golfsettið ferðast frítt!
Þú nýtur þessara hlunninda:
• Þú greiðir ekkert gjald fyrir golfsettið
þegar þú ferðast með Icelandair.
• Þú færð ýmis tilboð á golfvöllum hér
heima og erlendis og hjá samstarfs-
aðilum Icelandair Golfers.
Innifalið í 5.900 kr. árgjaldi er m.a.:
• 2.500 Vildarpunktar
• 2.000 kr. gjafabréf í Saga Shop
• 100 æfingaboltar í Básum
• Merkispjald á golfpokann
Icelandair Golfers er klúbbur sem auðveldar þér
að spila golf út um allan heim.
+ Skráðu þig í Icelandair Golfers
á www.icelandairgolfers.is
Þ egar Fréttatíminn ræddi við Peter Schmeichel í Danmörku fyrir tveimur vikum var honum tíðrætt
um hversu sterkt Evrópumótið í
fótbolta væri í ár. Schmeichel taldi
að fimmtán af sextán hæstskrifuðu
knattspyrnuþjóðum Evrópu væru á
mótinu en eftir því sem næst verður
komist eru þau aðeins þrettán. Sviss,
Bosnía og Noregur eru í sætum
þrettán, fimmtán og sextán en kom-
ust ekki í lokakeppnina. Í þeirra stað
eru Tékkar, sem eru í nítjánda sæti
og síðan gestgjafarnir, Úkraína í 29.
sæti og Póllandi í því þrítugasta og
fimmta. Ljóst er að þessi tvö landslið
hefðu átt í vandræðum með tryggja
sér sæti í lokakeppninni í venjulegri
riðlakeppni.
Óþekktu liðin halda EM þetta árið
Landslið
Úkraínu og Pól-
lands eru ekki
meðal hæst
skrifuðu lands-
liða Evrópu.
Úkraína er
í tuttugasta
og níunda
sæti yfir
Evrópuþjóðir á
styrkleikalista
Alþjóða
knattspyrnu-
sambandsins
en Pólland
í þrítugasta
og fimmta
sæti. Gest-
gjafahlutverk
þeirra færir
þeim sæti á
Evrópumótinu
í sumar.
Fréttatíminn
skoðar þessi
tvö landslið.
Óskar Hrafn
Þorvaldsson
oskar@
frettatiminn.is
Þrjú töp í fimmtán leikjum
Frá ársbyrjun 2011 hefur pólska
landsliðið spilað fimmtán vináttu-
landsleiki til að búa sig undir Evr-
ópumótið. Árangurinn er með mestu
ágætum þótt auðvitað verði að setja
þann fyrirvara að um vináttulands-
leiki er að ræða. Pólska liðið hefur
sigrað í sjö leikjum, gert fimm jafn-
tefli og tapað þremur leikjum; gegn
Ítölum, Frökkum og Litháum. Þessi
ágætur árangur kemur í kjölfar
lélegustu undankeppni pólska lands-
liðsins í sögunni, fyrir heimsmeist-
arakeppnina í Suður Afríku árið
2010 þar sem liðið hafnaði í fimmta
og næstsíðasta sæti í sínum riðli –
aðeins ofar en San Marínó. Í kjölfar
þess gengis tók þjálfarinn, hinn
gamalreyndi Franciszek Smuda, sig
til og yngdi upp í liðinu. Inn komu
leikmenn á borð við markvörðinn
Wojciech Szczesny, sem leikur með
Arsenal, og miðjumaðurinn Jakub
Blaszczykowski og framherjinn
Robert Lewandowski, sem eru lykil-
menn hjá þýsku meisturunum Bo-
russia Dortmund, tóku að sér stærra
hlutverk í liðinu. Lewandowski hefur
verið sjóðheitur á þessu tímabili með
Dortmund og skorað sextán mörk í
deildinni. Þessir þrír leikmenn eru
bestu leikmenn pólska liðsins og
þurfa að vera í toppformi ef árangur
á að nást. Í Póllandi ríkir bjartsýni
fyrir mótið og vonast landsmenn
innst inni eftir því að liðið nái að
jafna árangurinn frá heimsmeistara-
keppninni í Þýskalandi árið 1974 þar
sem Pólland hafnaði í þriðja sæti.
Markalaust afntefli gegn Portúgal
í síðasta vináttulandsleik í febrúar
gefur liðinu aukið sjálfstraust og
eins og Wojciech Szczesny orðaði
það eftir þann leik með tilvitnun í
Tony Adams, fyrrum fyrirliða Eng-
lands og Arsenal: „Ef þú færð ekki
mark á þig þá tapar þú ekki leikjum.“
Taplausir í fimm leikjum
Eftir vonbrigði í undankeppni heims-
meistarakeppninnar í Suður Afr-
íku árið 2010, þar sem liðið tapaði
í umspili fyrir Grikkjum, vonast
Úkraínumenn eftir góðu gengi á
Evrópumótinu. Liðið hefur spilað
ellefu vináttulandsleiki frá ársbyrjun
2011. Liðið er taplaust í síðustu fimm
leikjum sem gefur því sjálfstraust og
aðeins 3-3 jafntefli gegn Þýskalandi
kom í veg fyrir að sigurleikirnir yrðu
fimm. Viðvörunarbjöllur eru þó á lofti
því að á þessu rúma ári hefur liðið
tapað fyrir Svíum, Ítölum, Frökkum,
Úrúgvæum og Tékkum – liðum í
þeim gæðaflokki sem andstæðingar
Úkraínumanna á Evrópumótinu
verða. Liðið er enn byggt upp í kring-
um gamla jálka. Á miðjunni ræður
hinn 32 ára gamli Anatoliy Tymos-
hchuk ríkjum. Þessi snjalli miðjumað-
ur hefur spilað helming leikja Bayern
München á þessu tímabili og verður
í lykilhlutverki sem varnarsinnaður
miðjumaður. Úkraínumenn treysta
enn á að Andryi Shevchenko skori
mörkin. Þessi 35 ára gamli kappi má
muna sinn fífil fegurri frá því að hann
var einn besti sóknarmaður heims
hjá AC Milan en reynsla hans er mikil
og mun nýtast liðinu. Bjartasta vonin
er hinn 22 ára gamli Andryi Yarmal-
enko. Honum hefur oft verið lýst sem
„hinum nýja Shevchenko“ en þessi
örvfætti sóknarmaður hefur verið
hættulegasti leikmaður liðsins í und-
anförnum landsleikjum og besti mað-
ur Dynamo Kiev það sem af er tíma-
bili. Úkraínumenn eru ógnarsterkir á
heimavelli en gengið gegn sterkustu
þjóðunum að undanförnu gefur ekki
tilefni til mikillar bjartsýni. Þegar við
bætist riðill þar sem andstæðingarnir
eru England, Svíþjóð og Frakkland
er ljóst að úkraínska liðið þarf á topp-
frammistöðu að halda til að eygja
möguleika á sæti í átta liða úrslitum.
Wojciech Szczesny
Staða: Markvörður
Aldur: 21 árs
Lið: Arsenal
Landsleikir: 9
Jakub Blaszczykowski
Staða: Miðjumaður (fyrirliði)
Aldur: 26 ára
Lið: Borussia Dortmund
Landsleikir/mörk: 49/8
Robert Lewandowski
Staða: Framherji
Aldur: 23 ára
Lið: Borussia Dortmund
Landsleikir/mörk: 40/13
Þrír lykilmenn Þrír lykilmenn
Anatoliy Tymoshchuk
Staða: Miðjumaður
Aldur: 32 ára
Lið: Bayern München
Landsleikir/mörk: 114/4
Andriy Shevchenko
Staða: Framherji (fyrirliði)
Aldur: 35 ára
Lið: Dynamo Kiev
Landsleikir/mörk: 105/46
Andryi Yarmolenko
Staða: Framh./miðjumaður
Aldur: 22 ára
Lið: Dynamo Kiev
Landsleikir/mörk: 18/7
20 fótbolti Helgin 16.-18. mars 2012