Fréttatíminn - 16.03.2012, Qupperneq 64

Biðstofublús
Jónas
Haraldsson
jonas@
frettatiminn.is
HELGARPISTILL
E
Te
ik
ni
ng
/H
ar
i
Ekki verður beinlínis sagt að hugað sé
að geðheilsu þeirra sem eiga erindi á
læknastofur, annað hvort í eigin erindum
eða með aðra. Með hækkandi aldri for-
feðra okkar hjóna hefur ferðum á heil-
brigðisstofnanir fjölgað – og þar með
bið á læknastofum. Þar er að vonum alls
konar fólk, foreldrar með ung börn, mið-
aldra fólk og gamalt. Sumir sitja og stara
út í loftið en aðrir horfa í gaupnir sér. Þeir
sem saman koma tala í hálfum hljóðum
og síðasti hópurinn les – eða reynir að
lesa því litteratúr þessara samkomustaða
er undarlegur, svo ekki sé meira sagt.
Í síðustu heimsókn á læknastofu beið
ég þolinmóður meðan hugað var að
ástandi míns nákomna. Fyrst horfði ég á
fólkið í kringum mig en það horfði ekki
til baka. Ég kannaðist ekki við neinn.
Stemningin var dauf og kannski að von-
um. Annað hvort var fólkið sjálft haldið
einhverjum krankleika sem finna þurfti
bót á eða beið meðan ættingi var skoð-
aður. Þeir sem inn komu gengu beint að
konu handan glers og gáfu upp kennitölu,
settust síðan og biðu eftir að kallið kæmi,
það er að segja að þeir yrðu kallaðir upp
en ekki að þeirra hinsta stund væri upp
runnin.
Til þess að stytta biðtímann reyndi
ég að finna lesefni í boði biðstofunnar.
Það var að mestu í henglum, kápulaust
og snjáð, hafði fengið að kenna á flett-
ingum þúsunda handa, stórra og smárra
í gegnum tíðina. Sú tíð var löng því flest
var þetta margra missera eða ára gamalt
efni. Fæst var uppörvandi, síst bæklingar
um hina og þessa sjúkdóma sem hrjá
mannskepnuna. Þurfi menn að leita á
læknastofur er ekki spennandi að lesa um
alls konar innanmein. Nóg er nú samt.
Ekki leyfði ég mér að hugsa til þeirra
sýkla sem vera kynnu á blöðunum enda
ekki með próf upp á slíkt. Þó læddist
að mér sá grunur að kannski væri ekki
heilsusamlegt að handleika þessi blöð,
hafandi það í huga að um það bil fimm
þúsund manns hefðu flett þeim áður,
einkum þeir sem illa haldnir voru af
kvefi, flensu, magakveisu og höfuðverk,
svo ekki sé minnst á aðrar og hættulegri
pestir.
Ég gróf ofan í blaðakörfuna og sneiddi
pent framhjá sjúklinga- og sjúkdómablöð-
um. Hvorki var þar að finna ný eða nýleg
dag- eða vikublöð svo á endanum hafði
ég val um þrennt; snjáð golfblað, gamalt
rit um karlmannatísku og 30
ára afmælisblað Ármúla-
skólans. Ég lét golfblaðið
eiga sig. Ég á að vísu
golfsett í bílskúrnum
en það er ónotað. Sá
sem ekki nennir að
draga golfsett út á
völl leggst tæpast í
djúpar pælingar í tíma-
riti golfmanna. Karl-
mannatískan höfðaði
heldur ekki til mín. Þó
má vera að ég hefði geta
nýtt mér leiðbeiningar
úr tískuritinu, sérstak-
lega af því að það var gamalt. Í seinni tíð
hef ég ekki lagt mig beint eftir nýjustu
tískustraumum. Eftir sat því afmælisrit
Ármúlaskólans. Ég las það í gegn, kynnt-
ist forsögu skólans, húsnæðisþrengslum
og loks draumum um meira rými með ný-
byggingu. Í blaðinu voru myndir af fyrstu
skóflustungu nýbyggingarinnar sem
borgarstjóri Reykjavíkur og menntamála-
ráðherra tóku snemma á hrunárinu 2008,
grunlitlir ráðamenn um það sem síðar
helltist yfir okkur – og hefur vafalaust
seinkað nýbyggingu skólans. Athyglis-
verðast var að sjá hverjir fóru með völdin
það sæla vor, einkum hver gegndi borgar-
stjóraembættinu. Á því kjörtímabili hafði
nýr borgarstjóri varla kynnst helstu emb-
ættismönnum borgarinnar þegar nýr tók
við. Það var Ólafur F. Magnússon sem
þarna sveiflaði skóflunni í stuttri borgar-
stjóratíð sinni. Með á myndinni var Þor-
gerður Katrín Gunnarsdóttir, þáverandi
menntamálaráðherra, með aðra skóflu.
Þetta efni læsi maður varla ótilneydd-
ur í mars á því herrans ári 2012 – en
skólablaðið var þó það skásta sem í boði
var á biðstofunni. Þegar áfram var flett í
því blöstu við gamlar og nýjar myndir af
nemendum og kennurum, eins og algengt
er í blöðum sem þessum, auk frásagnar
af húsdraug skólans. Ármúlablaðið las ég
í tvígang áður en skjólstæðingur minn
kom út frá lækninum. Ég treysti mér alls
ekki í golfið og því síður tískuna.
Góðhjartaðir menn hafa skilning á
þrengingum heilbrigðiskerfisins og
niðurskurði og eflaust er dýrt að kaupa
glansblöð á biðstofur. Því enda þar
bæklingar um hjáveitur og hjartaskurði,
bjúg og botnlangatotur, legslímuflakk og
líknarbelgi, æðaþrengingar og æðahnúta,
auk fyrrgreindra þriggja blaða um gamla
tísku, golf og þrítugan Ármúlann. Betra
væri samt ef þessar fátæku stofur leituðu
til velunnara og fengju reglulega senda
skammta af nýlegum blöðum og tíma-
ritum og hentu um leið gamla rifrildinu
sem lesið hefur verið upp til agna. Allt er
þetta sagt með fullri virðingu fyrir kynn-
ingarritum um hjarta- og æðasjúkdóma,
og öðrum sérfræðiritum þar sem fjallað
er um baráttu við tásveppi, hárlos, flösu
og nefrennsli barna á forskólaaldri.
Miðað við stuðið á biðstofunum mætti
hugsa sér að endurflytja þar í hljóðkerfi
gamla þætti Óskalaga sjúklinga í þeirri
von að peppa liðið svolítið upp. Þess-
ara óskalagaþátta Ríkisútvarpsins
minnist pistilskrifarinn frá
æskudögum. Í hroka hins
unga aldurs kann sá hinn
sami að hafa nefnt það
þá – eða minnsta koti
hugsað – að miðað við
lagaval hefðu beiðendur
óskalaganna flestir verið
dánir þegar orðið var
við ósk þeirra, eða þeir
nývaknaðir eftir langt
meðvitunarleysi.
Samt væri slíkur endur-
flutningur skárri afþreying en
það lesefni sem nú býðst.
Aðalstræti 2 / 101 Reykjavík / Sími: 517 4300 / www.geysirbistro.is
Borðapantanir í síma 517-4300
Humarsalat & Hvítvín 2.250 kr.
Humarsalat með hægelduðum smátómötum, mangó,
sultuðum rauðlauk og ristuðum cashew-hnetum
ásamt hvítvínsglasi.
Bláskel & Hvítvín 2.950 kr.
Hvítvínssoðin bláskel úr Breiðafirði ásamt
hvítvínsglasi.
G
e
y
s
ir
Bi
stro & Bar
FERSKT
&
FREiSTa
ndi
Fagmennska
í Fy
ri
rr
ú
m
i
SpennAndi
sjávarrétta
tilBoð
Öflugir High Tech
rafgeymar fyrir jeppa.
Er bíllinn tilbúinn fyrir ferðalagið?
Helgin 16.-18. mars 2012