Bændablaðið - 07.02.2013, Blaðsíða 2

Bændablaðið | Fimmtudagur 7. febrúar 20132
Fréttir
Útflutningur í janúar:
Landbúnaðarafurðir
fyrir 1,4 milljarða
Samkvæmt bráðabirgðatölum
Hagstofu Íslands fyrir janúar
2013 nam útflutningur 55,8 millj-
örðum króna (fob verð) og inn-
flutningur 44,2 milljörðum króna.
Vöruskiptin í janúar, reiknuð á
fob verðmæti, voru því hagstæð
um 11,6 milljarða króna.
Útfluttar iðnaðarvörur vega
þyngst í þessum tölum eða sem nemur
rúmlega 32,7 milljörðum króna
. Þar á eftir voru fluttar út sjávar-
afurðir fyrir rúma 20,7 milljarða
króna og landbúnaðarafurðir fyrir
1,4 milljarða króna. Útflutningur
á öðrum vörum skilaði 890,3
milljónum króna. Þess má geta að
á sama tíma var verið að flytja inn
mat- og drykkjarvörur fyrir rúmlega
3,8 milljarða króna.
Svelluð tún víða á Norðurlandi valda áhyggjum um kalskemmdir:
„Maður verður bara að vera bjartsýnn
og vona að úr þessu rætist“
– segir Gunnar Þóroddsson bóndi á Hagalandi í Þistilfirði sem vonast eftir góðu vori
Rysjótt tíð
í febrúar
Suðurland:
Nýr formaður
kúabænda
Á aðalfundi Félags kúabænda á
Suðurlandi á Hellu á dögunum var
Valdimar Guðjónsson, kúabóndi í
Gaulverjabæ í Flóahreppi, kosinn
nýr formaður félagsins.
Valdimar tekur við formennskunni
af Þóri Jónssyni á Selalæk, sem lét
af störfum vegna veikinda. Valdimar
þekkir starf félagsins vel enda sat
hann í stjórn þess í nokkur ár. Mörg
spennandi mál bíða félagsins.
/MHH
Gunnar Þóroddsson, bóndi á
Hagalandi inni af Sjóhúsavík í
Þistilfirði, segir að víða séu mikil
svellalög á túnum á Norðurlandi.
Það sé enn ekkert að lagast en samt
segist hann þó halda í vonina um
að svellin taki upp nú í febrúar.
Bændablaðið sló á þráðinn til
hans á sunnudag, en þá stóð Gunnar
úti á svelluðu túni á sama stað og
myndin hér að ofan var tekin 18.
janúar. Þar hafði ekkert breyst.
Svellalög síðan í október
„Þetta byrjaði nú í haust, 28. október,
þegar hér gerði mikinn snjó. Svo kom
þetta veður fyrstu helgina í nóvember
í beinu framhaldi. Síðan fór að þiðna
og frjósa á víxl og þannig er það búið
að vera í allan heila vetur og er enn.
Það var hlýtt í nótt en í þessum
töluðu orðum er hitinn kominn niður
í eina gráðu. Það er enn sólskin en
spáð snjókomu og það sést hvergi
nokkurs staðar í túnin hjá mér hér á
Hagalandi.“
Hræddir við ástandið
Spurður hvort ekki væru líkur á
að gras væri þegar farið að drepast
undir svellinu eftir svo langan tíma
sagði Gunnar að það væri kannski
frekar ráðunauta að svara því.
„Jú, auðvitað eru miklar líkur á
því og Ingvar ráðunautur hjá Búgarði
á Akureyri er orðinn hræddur um
ástandið eins og við allir bændurnir
sem erum í svipaðri stöðu.“
Gunnar sagðist hafa heyrt af manni
sem var að koma akandi landleiðina
að sunnan á dögunum. Hann hafi
lýst því að Húnavatnssýslurnar,
Skagafjörðurinn, Eyjafjörðurinn og
austur úr væri meira og minna allt í
rennigljá og útlitið ljótt.
„Við þurfum að fá hér sunnanátt í
nokkra daga, þá getur þetta reddast.
Það er þó ekki útlit fyrir það, þar sem
spáð er suðaustanátt. Sjálfur er ég þó
ekkert svartsýnn ef úr þessu rætist nú
í febrúar. Ef við fáum síðan sæmilega
hlýtt vor og nægilega rakt, þá getur
þetta allt reddast. Þá er líka hægt
að sá grænfóðri til að fá hey, svo
maður líki þessu saman við kalárin
fyrir og eftir 1970. Þá var hins vegar
svo kalt í ári að það gekk jafnvel á
ýmsu með ræktun grænfóðurs. Það
spratt ekki og rigningar á haustin
ollu vandræðum með að ná því inn.
Svell ofan í önnur vandræði
Þótt það gengi ekkert vel að heyja
síðastliðið sumar þá var það ekki
vegna kulda heldur þurrka. Það
var hreinlega heitt og þurrt, sem er
nýtt á Norðausturlandi. Ég hef t.d.
ekki séð svo mikinn bruna í túnum
áður í þessari sveit. Það var allt of
þurrt til að uppskera fengist. Það eru
einhverjar breytingar í þessu árferði
sem eru bændum ekki æskilegar. Svo
þarf ekki að tíunda það að ástandið
í haust var ömurlegt ofan í þetta allt
saman.
Maður verður að vera bjartsýnn
Áfellið sem kom 10. september olli
gríðarlegu tjóni. Svo er þetta með
svellalögin að gerast núna, en maður
verður bara að vera bjartsýnn og
vona að úr þessu rætist nú í febrúar
og að við stórgræðum á þessu öllu
saman.
Þess ber líka að geta að í þessari
sveit eru margir bæir hér út við
sjóinn sem eru með alauð tún. Svo
eiga sumir bæir inn til landsins engin
tún öðruvísi en á kafi í svelli. Þetta
er því ekki alslæmt,“ sagði Gunnar
Þóroddsson.
/HKr.
Útflutningsverðmæti sauðfjár-
afurða dróst saman um 200
milljónir í fyrra frá árinu 2011. Alls
voru fluttar út sauðfjárafurðir að
verðmæti rúmlega þrír milljarðar
króna.
Tveir þriðju hlutar útflutnings-
verðmætis urðu til við útflutning á
kjöti og kjötafurðum, fjórðungur
fékkst með sölu á gærum en
afgangurinn með sölu á ull og
ullarvörum. Langmest var flutt til
Evrópu, en 78 prósent útflutnings-
verðmætis sköpuðust með sölu á
Evrópumarkað, þar sem Noregur
trónir á toppnum.
Alls komu 44 prósent útflutnings-
verðmætis sauðfjárafurða frá Evrópu-
löndum utan Evrópusambandsins
(ESB), 34 prósent frá löndum ESB,
rúm 11 prósent frá Asíu og tæp 11
prósent frá Norður-Ameríku. Eins og
áður segir voru sauðfjárafurðir fluttar
til Noregs fyrir mest verðmæti, en
alls sköpuðust 620 milljónir króna
með sölu á Noregsmarkað. Bretland
er næst í röðinni með 460 milljónir
og þá Bandaríkin með 290 milljónir.
Færeyjar og Tyrkland eru svo í fjórða
og fimnmta sæti. Löndin fimm stóðu
undir 1,9 milljörðum af tæpum 3,1
milljarði sem útflutningurinn skilaði í
heild. Sé horft á útflutningsverðmæti
kjöts eingöngu var það hæst fyrir
sölu á Noregsmarkað, þá til
Bandaríkjanna, Færeyja, Tyrklands
og loks Hong Kong.
/fr
Útflutningur sauðfjárafurða 2012:
Mest flutt til Evrópulanda utan ESB
Tíð verður rysjótt í febrúar. Það
telja spámenn í Veðurklúbbnum
á Dalbæ í Dalvíkurbyggð.
Klúbbfélagar eru nokkuð vissir
um að tveir snjóhvellir verði í
þessum mánuði og verði sá síðari
sýnu harðari en hinn fyrri.
Spá sína byggja klúbbfélagar
m.a. á draumi, en eina nóttina
dreymdi einn félaganna að hann
væri staddur í fjárhúsi og horfði
yfir króna þar sem hann sá bíldóttar
ær og tvö lömb í sama lit. En
einnig því að tungl mun kvikna
í austri 10. febrúar kl. 7.20 og er
það sunnudagstungl. Draumurinn,
sem og sunnudagstunglið telja
klúbbfélagar helsta fyrirboða
rysjóttar tíðar í febrúarmánuði. Að
öðru leyti eru félagsmenn nokkuð
bjartsýnir á það sem eftir lifir vetrar.
Engin spá var gefin út fyrir
janúarmánuð og segja félagar að
óviðráðanlegir tækiörðugleikar
hafi orðið þess valdandi, „tæknin
er alltaf að stríða okkur,“ segja þeir.
/MÞÞ
Gunnar Þóroddsson, Hagalandi, við dráttarvél sína á svelluðu túni 18. janúar. Sama ástand var á túninu 3. febrúar þegar Bændablaðið ræddi við hann.
Myndina tók Soffía Björgvinsdóttir á Garði, sem er næsti bær við Hagaland við vestanverðan Þistilfjörð.
Valdimar Guðjónsson