Læknablaðið - 01.10.1967, Síða 26

174
LÆKNABLAÐIÐ
vík og í sveitum. Þessi munur á Reykjavík og sveitum virðist
hverfa í 40—50 ára aldursflokkunum.
Auk þess skiptir máli að athuga dánartölur af völdum krans-
æðasjúkdóma (420.0—422.0), ásamt heildardánartölum ýmissa
leyn- og aldurshópa á Reykjavíkursvæðinu og i sveitum. Enn
fremur er athyglisvert að sjá, hvort nokkur breyting (variation)
hefur orðið á dánartölu þessara hópa undanfarin ár. Gagnlegt
er og að athuga að- og brottflutning (migration), svæðis- og
atvinnuval (selection of entry), menntun, atvinnugreinar, efna-
hag og matarvenjur fólksins.
Þar sem eru sjúkrasamlög á Islandi, er unnt að fá nokkra
vitneskju um sjúkrasögu flestra þátttakenda. Þetta kann og að
gera okkur kleift að fvlgjast með þátttakendum í framtíðinni og
einkum að fá nokkrar upplýsingar um ]já, er vilja ekki taka þátt
í rannsókninni.
Framtíðannat á gildi sjúkdómsgreiningar er háð fjölda
krufninga og áreiðanleik krufningssjúkdómsgreininga.
Ilundraðstala krufninga er há á Islandi, um 32% látinna voru
krufnir árið 1960. Það er líkt og í Svíþjóð árið 1962 og mun hærra
en í Danmörku og Noregi. Dánarorsök er talin vera staðfest af
læknum í öllum tilfelhun, að frátöldum B45 og B48, sem nær yfir
20% látinna (Heilhrigðisskýrslur 1963).
AÐFERÐIR
Annarra aðferða er þörf við almennar hóprannsóknir en við
venjulega klíníska skoðun. Við almennar rannsóknir, þar sem
fólk kemur aðeins einu sinni til tvisvar til rannsóknar, er nauð-
synlegt að marka sér bás og skrá frekar hinar ýmsu sjúkdóms-
myndir, cn að „greina sjúkdóma“.
Greiningaraðferðir verða að vera hlutlægar og auðveldar að
endurtaka með líkum árangri (high repeatability). Því verða nið-
urstöður oftar frekar lýsing (deseriptive) en greining (inter-
pretative).
Fáar sjúkdóms-skilgreiningar eru það einfaldar eða fullnægja
svo vel ofannefndum skilyrðum, að hægt sé að beita Jjeim við tak-
markaða skoðun á stórum hópi. Þar af leiðir, að skráning sjúk-
dómsmynda fremur en sjúkdómsgreining hefur meira gildi, sér-
staklega við samanhurð ýmissa hópskoðana. Sem dæmi má telja:
a) Fremur á að skrá blóðþrýsting en há- eða lágþrýsting.