Læknablaðið - 01.10.1967, Qupperneq 56

198
LÆKNABLAÐIÐ
sérstaklega vel undirbúin. Arinbjörn Kolbeinsson stakk upp á að sam-
eina þessa ráðstefnu 50 ára afmæli L.í. á næsta ári. Einnig kom fram
sú hugmynd að halda slikar ráðstefnur reglulega.
Arinbjörn Kolbeinsson ræddi síðan nokkur mál; lágmarksstaðal
héraða, hvað snerti tæki og annað; að gera héraðslæknisstörf að sér-
grein; möguleika héraðslækna á framhaldsmenntun; tilfærslu milli
héraða; reglur um heilbrigðisnefndir, heilbrigðissamþykktir o. fl.
Fram kom, að búið er að skipa nefnd til samningar allsherjarheil-
brigðissamþykktar.
Þá var einnig rætt um þá hugmynd að senda mann um héruð
landsins til könnunar aðstæðna og aðbúnaðar lækna vegna ákvörðunar
lágmarksstaðals.
Að lokum þakkaði Arinbjörn fulltrúum komuna, og fundarstjóri
sagði aðalfundi Læknafélags íslands slitið.
Valgarð Björnsson,
f undarritari.
Að kvöldi annars fundardags var sameiginlegt hóf fundarmanna
Læknaþings og aðalfundar og gesta þeirra. Hófið var haldið í Domus
Medica, og var það fyrsta hóf lækna, er haldið hefur verið í þessum
húsakynnum og jafnframt fjölmennasta læknaþingshóf, er haldið hef-
ur verið.
Jafnframt aðalfundi var í Domus Medica haldin sýning á lyfjum
og lækningatækjum.
Fylgiskjal 1
SKÝRSLA STJÓRNAR LÆKNAFÉLAGS ÍSLANDS FYRIR
STARFSÁRIÐ 19G6—1967.
Eins og á fyrra starfsári hefur stjórn L.í. haft þann hátt á að
halda reglulega fundi á föstum fundartíma, og hafa fundir að öllum
jafnaði verið haldnir vikulega. Haldnir voru fimm sameiginlegir
stjórnarfundir með stjórn L.í. og L.R.
Þá var tekin upp sú nýbreytni á starfsárinu að boða formenn
svæðafélaga og nefndarmenn úr samninganefnd L.í. til sérstaks um-
ræðufundar til undirbúnings aðalfundi. Þessi fundur var haldinn 25.
febrúar 1967, og verður að teljast æskilegt, að því fyrirkomulagi
verði haldið áfram, en á fundinum fengu formenn svæðafélaga yfirlit
yfir starfsemi ársins, einkum stofnun lífeyrissjóðs og stöðu sjálfs-
eignarstofnunarinnar Domus Medica.
Um áramót 1966—1967 höfðu innheimzt gjöld 203 félaga. Sam-
kvæmt skýrslu landlæknis voru þá starfandi á landinu 243 lækn-
ar. Enn er því mismunur á innheimtum félagagjöldum og fjölda starf-