Læknablaðið - 01.10.1967, Side 68

210
LÆKNABLAÐIÐ
2. Róttækar breytingar á yfirstjórn og stjórnun heilbrigðismála
eru mjög aðkallandi og raunar óhjákvæmilegar til bess að
fylgja eðlilegri félagslegri og læknisfræðilegri þróun.
3. Tafarlaust ber að hefja skipulags-og áætlanagerð og samhæfa
hana þeim aðgerðum, sem þegar eru hafnar.
4. Vegna fjárhagslegrar og félagslegrar nauðsynjar ber að veita
skipulagi heilbrigðisstofnana landsins í heild forgang (priori-
tet) í áætlanagerðinni.
5. Nýta ber nútíma-tölvutækni og úrlausnafræði, enda grund-
vallarforsenda fyrir gerð skipulags ,,models“.
6. Lifandi og virk áætlanagerð í heilbrigðismálum verður ekki
framkvæmd á viðunandi hátt án virkrar þátttöku starfandi
lækna og í nánu sambandi við samtök þeirra.
Fylgiskjal 3
Ályktun um rannsóknir á skipulagi heilbrigðisþjónustu
Aðalfundur L. í., haldinn í Reykjavík 27.—29. júlí ’67, felur
stjórn félagsins að vinna að því, að heilbrigðisstjórn landsins hefji
sem fyrst framkvæmdir á þeim grundvallarrannsóknum varðandi
skipun heilbrigðismála, sem lagt er til í greinargerð þeirri, er lögo
hefur verið fram á fundinum.
Ólafur Bjarnason,
Sigmundur Magnússon,
Ásmundur Brekkan.
F y 1 g i s k j a 1 4
14. gr.
Breyting á samningi L. í. og T. R.: Fjarvistir og veikindaforföll lækna
Ef læknir er veikur eða fjarverandi vegna náms eða í fríi, er
hann skyldur að sjá samlagsmönnum sínum fyrir fullnægjandi lækn-
ishjálp. Vari frí lengur en sex vikur, án þess að um sjúkdóm eða
nám sé að ræða og önnur lögleg forföll, er samlagsmönnum hans
heimilt að velja sér annan lækni frá næstu ársfjórðungsskiptum. í
sjúkdómsforföllum þarf læknir þó ekki að fá annan lækni fyrir sig,
ef veikindi hans vara ekki lengur en 30 daga alls á ári, og greiðir
sjúkrasamlagið þá læknishjálp samlagsmanna hans eftir gjaldskrá
þann tíma. Vari veikindi læknis, sem hefur ekki náð 67 ára aldri,
samfellt lengur en 30 daga, greiðir samlag að þeim tíma loknum
helming fastagjalds til viðbótar venjulegu fastagjaldi, á meðan veik-
indin vara, þó ekki lengur en 90 daga á tólf mánuðum.