Læknablaðið - 01.10.1967, Síða 79

LÆKNABLAÐIÐ
219
undirbúning en svo, að nefndarmenn teldu sig geta að svo komnu
máli boðað til samningafundar með fulltrúum læknanema. Af því
hefur þess vegna enn ekkert orðið.
F. h. nefndarmanna,
Friðrik Sveinsson.
I'ylgiskjal 13
Ályktun um samninga vegna orlofa héraðslækna o. fl.
Aðalfundur L. L, haldinn í Reykjavík 27.—29. júlí 1967, feiur
nefnd til samninga við læknanema að starfa áfram að athugunum
sínum.
Felur fundurinn nefndinni að hafa samstarf við lögfræðing fé-
lagsins um rannsókn á lagaskyldu yfirvalda til þess að sjá héraðs-
læknum fyrir staðgengli í orlofi þeirra, þeim að kostnaðarlausu.
Ólafur Bjarnason,
Sigmundur Magnússon,
Asmundur Brekkan,
Fylgiskjal 14
TiIIögur frá Læknafélagi Vestfjarða (ekki bornar upp til atkvæða)
F. h. Læknafélags Vestfjarða vil ég leyfa mér að leggja hér fram
tvær tillögur fyrir aðalfund Læknafélags fslands hinn 27. júlí nk.
1) Læknafélag íslands beiti sér fyrir því við hlutaðeigandi aðila,
að lagfært verði það misrétti, sem héraðslæknar hafa átt við að búa
varðandi sumarleyfi, og þeim gert kleift að njóta þess með óskert
laun líkt og aðrar launastéttir. Virðist það augljóst mál, að réttur
héraðslækna í þessum efnum sé mjög fyrir borð borinn, þar eð þeir
verða að greiða staðgengli laun, sem a. m. k. í minni héruðum geta
numið meiru en greiðslu frá sjúkrasamlagi og föstum launum saman-
lögðum fyrir þann tíma. Teljum við, að Tryggingastofnun ríkisins sé
sá aðili, er semja beri við um laun staðgengla. Fái héraðslæknir sig
ekki leystan frá störfum, er sú krafa eðlileg, að honum verði bætt
það með greiðslu fyrir 13. mánuð.
2) Samningur milli L. í. og Tryggingastofnunar ríkisins verði
endurskoðaður þannig, að fleiri atriðum sé bætt inn í. Mætti þar t. d.
nefna gynekólógíska skoðun, penslun á leghálsi, leg skafið, og enn
fremur rannsóknir eins og hjartarafritun, ræktun á bakteríum á
blóðagar o. s. frv. Þá mætti geta um gjöld fyrir ónæmisaðgerðir og
ýmis vottorð, s. s. skólavottorð, fjarvistarvottorð, hjónavígsluvottorð
og ökuskírteinisvottorð. Þótt Tryggingastofnunin greiði ekki fyrir