Læknablaðið - 01.09.1979, Síða 90

222
LÆKNABLAÐIÐ
ÚR tMSUM ÁTTUM
Svo sem fram kemur annars staðar í blað-
inu, (bls. 209), dvöldu hérlendis dagana 15.—18.
júní sl. Þrír fulltrúar danska læknafélagsins og
útgáfufyrirtækis þess. Áttu þeir viðræður við
ritstjórn Læknablaðsins og stjórnir Læknafé-
lags Islands og Læknafélags Reykjavíkur um
hugsanlega samvinnu félaganna varðandi út-
gáfu Læknablaðsins o.fl.
Hugmynd hefur komið fram um, að hægt
verði að fá Læknablaðið prentað ytra og hafa
Danir jafnframt lýst sig reiðubúna að taka að
sér auglýsingasöfnun hjá erlendum lyfjafyrir-
tækjum, verði blaðið prentað hjá þeim, en
danska læknafélagið hefur fyrir nokkru tekið
tölvutæknina í sína þjónustu, sem gerir því
kleift að auka hagræðingu í rekstri skrifstofu
sinnar auk þess sem danska læknablaðið er
tölvuunnið, svo og annað efni, sem forlagið
gefur út. Hefur danska læknafélagið boðist
til að gera tilraun með útgáfu á einu tölublaði
læknablaðsins eða fylgiriti og verður það unnið
nú fyrir áramótin. Itrekað skal að hér er ein-
ungis um hugmynd að ræða, sem athuga á
gaumgæfiiega og að tilrauninni lokinni kemur
í Ijós hvort þessi vinnubrögð þykja hagstæð
eða hvort blaðið verður áfram prentað hér-
lendis. Lögðu dönsku fulltrúarnir á það á-
herzlu, að hér væri um aðstoð við okkur að
ræða, sem fyrr eða síðar hlyti að verða ónauð-
synleg, eftir því sem tækni þeirra yrði tekin
upp hérlendis.
Um nánari framkvæmd þessara mála er það
að segja, að verði t.d. Læknablaðið prentað
ytra, verður gangur mála þannig, að þegar
handrit hafa verið sett og raðað á síður, er
gert ráð fyrir að höfundar lesi próförk í síðum,
en þá verður aðeins unnt að lagfæra stafsetn-
ingarvillur, en ekki gera meginbreytingar á
efni. Fer prófarkalestur að öðru leyti fram
ytra og munu danir útvega íslenzka prófarka-
lesara. Jafnframt yrði auglýsingum safnað og
ritið annað hvort sent til áskrifenda beint frá
Danmörku eða gegnum skrifstofuna hér.
Frá fundinum í lwsi lœknafélaganna í Brekkulandi 16. júní: Povl Riis, Tómas Á. Jónasson, Páll
ÞórOarson, Bjarni ÞjóOleifsson, Bendt Sörensen, Jens Andersen, GuOmundur SigurOsson, örn
Bjarnason.