Læknablaðið - 15.04.1998, Qupperneq 60

326
LÆKNABLAÐIÐ 1998; 84
Kjaramál
Athugasemdum frá heilsugæslulæknum
komið til kjaranefndar
Heilsugæslulæknar hafa
gagnrýnt harðlega niðurstöðu
kjaranefndar um kjör heilsu-
gæslulækna og í ályktun sem
samþykkt var á fjölmennum
fundi í Félagi íslenskra heimil-
islækna í byrjun mars segir að
laun margra lækna muni
lækka eða standa í stað. Stjórn
félagsins var falið að ná fram
breytingum á úrskurði kjara-
nefndar.
Gunnar Ingi Gunnarsson, for-
maður viðræðunefndarinnar,
tjáði Læknablaðinu að síðustu
vikurnar hefði verið safnað
ábendingum, athugasemdum og
gagnrýni á úrskurð kjaranefndar.
Tvær nefndir heilsugæslulækna,
önnur fyrir landsbyggðina og hin
höfuðborgarsvæðið, hafa safnað
þessum atriðum saman og Gunn-
ar Ingi hefur einnig fengið fjöl-
margar ábendingar frá kollegum
sínum.
„Þessu verki er ekki fulllokið
en ég hef fengið nægilega mörg
efnisatriði - og raunar mun fleiri
en ég átti von á - tii að setja sam-
an rökstudda greinargerð sem ég
sendi kjaranefnd 19. mars,”
sagði Gunnar í stuttu samtali við
Læknablaðið nú rétt fyrir mán-
aðamót. Hann kvaðst einnig vita
til þess að nefndin hefði fengið
bréf beint frá nokkrum læknum
sem benda vildu á einhver atriði
sem þyrftu skoðunar við. Gunnar
sagði viðræðunefndina ekki hafa
beint vilyrði fyrir því að kjara-
nefnd myndi endurskoða úrskurð
sinn í nokkru en hann sagði vega
meira að fá ábendingar um þau
atriði sem mönnum fyndist vanta
í úrskurðinn en það sem menn
væru óánægðir með. Sagði hann
fulltrúa kjaranefndar vita að ekki
hefði verið tekið á öllum atrið-
um. „Enda væri það með ólík-
indum ef þessi fyrsti úrskurður
nefndarinnar hefði verið svo
fullkominn að ekkert væri hægt
að gagnrýna.”
A landsfundi heimiiislækna
sem vera átti laugardaginn 28.
mars var hugmyndin að geta sagt
fregnir af viðbrögðum kjara-
nefndar. Gunnar sagði að eitt af
því sem brynni á mönnum og
áríðandi væri að fá svör við fyrir
I. apríi væri fyrirkomulag á
þjónustu þeirra stöðva sem haft
hefðu opið um kvöld og helgar.
Ljóst væri að sú þjónusta legðist
niður að óbreyttu og yrði ekki
haldið áfram nema breytingar
yrðu gerðar á tilteknum atriðum
úrskurðarins.
Forráðamenn heimilislækna
segjast leggja mikið uppúr því að
læknar í röðum þeirra hækki í
launum til jafns við aðra sér-
fræðinga í læknisfræði. Hafa
þeir meðal annars bent á að
heilsugæslulæknar njóti ekki
helgunarálags eins og sé í samn-
ingum sjúkrahúslækna. I ályktun
fundar FÍH á dögunum segir
einnig að úrskurður kjaranefndar
feli í sér kjararýrnun fyrir fjölda
heiisugæslulækna og er hann tal-
inn ógna framtíð heilsugæslunn-
ar um land allt.
Meðal óánægjuatriða hjá
heilsugæslulæknum er fyrirsjá-
anlegt ofurálag sem verður á
vissum heilsugæslustöðvum á
sumrin þegar fólk streymir á
sumarbústaðasvæðin án þess að
læknar fái nokkra umbun fyrir.
Þar sem verktakagreiðslur eru
orðnar aðeins lítill hluti launa
njóti þeir einskis fyrir slíkt tíma-
bundið aukaálag, vegna úrskurð-
ar kjaranefndar hafi læknar litla
möguleika á að mæta slíku tíma-
bundnu álagi. Þessa gæti gætt á
stöðvunum í Borgarnesi, Sel-
fossi, Hellu. Laugarási, Hvols-
velli og víðar.
Þá segir Gunnar ljóst að erfitt
verði að ráða afleysingamenn í
orlofi lækna, sem tilskilið sé
samkvæmt úrskurðinum, spurn-
ing sé á hvaða kjörum þeir verði
ráðnir. „Heilsugæslulæknum er
nú skylt að fara í orlof, sem þeir
hafa mikið til sleppt fram að
þessu, og það skapar þá stöðu að
stjórnir heilsugæslustöðvanna
verða að keppa við spítalana um
lækna í afleysingastörf. Ekki
liggur fyrir á hvaða kjörum hægt
verður að ráða afleysingamenn
og gangi það illa eru menn
komnir í mikinn vanda. Heilsu-
gæslulæknarnir standa frammi
fyrir því að fara í frí án tillits til
þess hvort tekist hefur að manna
stöðvarnar á meðan og láta
skeika að sköpuðu.”
-jt-