Dagblaðið Vísir - DV - 11.05.2007, Page 35

Berserkir og framtíðin
Stuðningsmenn Víkings, Berserk-
ir, virðast njóta þess að horfa á Milos
spila fótbolta. Nánast frá degi eitt hafa
þeir sungið lög honum til heiðurs og
segir Milos þá vera bestu stuðnings-
menn landsins.
„Þeir eru frábærir, þeir eltu okk-
ur þegar við vorum í fyrstu deildinni
til Akureyrar og Ólafsvíkur og fleiri
staða. Þeir eru góðir og ábyggilega
þeir bestu á landinu, þannig já, það
er mjög skemmtilegt samband á milli
okkar.“
Milos samdi nýlega til ársloka 2009
sem verður að teljast langur samn-
ingur hjá útlendingi á Íslandi. Flest-
ir erlendir leikmenn sem hafa kom-
ið hingað til lands semja eingöngu til
loka tímabilsins þó að landslagið sé
að breytast í þessum málum.
„Þegar Víkingur vildi semja við
mig þá sagði ég nánast strax já. Ef ég
fer fyrir þann tíma þá fær félagið eitt-
hvað fyrir mig. Ég vil gleðja alla, mig
sjálfan, félagið og liðið sem kaupir
mig ef ég fer til annars liðs. En mér
líkar vel í Víkingi, andrúmsloftið þar
er skemmtilegt, allir eru vinir, leik-
menn, þjálfarar og stjórnin og all-
ir vinna að sama markmiði. Þetta er
eins og ein stór fjölskylda. Það er fínt.
Ég ákvað að vera áfram í Víkingi þrátt
fyrir að önnur lið væru á eftir mér.
Þau höfðu samband en ég ákvað að
vera hér því hér er ég ánægður.“
En hvað ber framtíðin í skauti sér
hjá Milos?
„Ég vil bara spila fótbolta og einn-
ig taka góðar ákvarðanir. Ég vil spila
í atvinnumennsku, kannski fara til
Svíþjóðar, Danmerkur eða eitthvert í
Skandinavíu.
Ég nálgast hátind ferilsins, er 27
ára og er því að nálgast aldur sem er
sagður sá besti fyrir varnarmann. En
ég er ánægður hér á landi og finnst
að fótboltinn hérlendis batni með
hverju ári. Ég vona að Íslendingar
geri það gott í Evrópukeppnum í ár.
Ísland er lítið land en samt er fullt af
strákum héðan að spila erlendis. Á
Englandi, Svíþjóð og meira að segja
á Spáni. Eiður Smári er í Barcelona
sem er trúlega besta lið í heimi. Ís-
lendingar eiga því fullt af góðum leik-
mönnum.“
benni@dv.is
DV Sport Föstudagur 11. maí 2007 35
Margrét Lára Viðarsdóttir, leik-
maður Vals, er ein besta knattspyrnu-
kona Íslands fyrr og síðar. Hún mun
standa í ströngu í sumar með Vals-
stúlkum sem hafa Íslandsmeistara-
titil til að verja.
Á miðvikudaginn undirrituðu
Margrét Lára og Óskar Magnússon,
forstjóri TM, tveggja ára samstarfs-
samning á sviði markaðs- og kynn-
ingarmála. Á sama tíma var einnig
undirritaður samningur Margrétar
Láru, TM, vefsíðunnar fotbolti.net
og fleiri aðila um skipulagt átak til að
stórefla íslenska knattspyrnu.
Margrét Lára mun í sumar ferð-
ast vítt og breitt um landi og heim-
sækja íþróttafélög í landinu. Þar mun
hún halda fyrirlestra um fótbolta við
stelpur í yngri flokkum félaganna og
fara með þeim í gegnum æfingar í
samvinnu við félögin.
Samkvæmt samningnum verður
TM heimilt að nota nafn og ímynd
Margrétar Láru til kynningar á fyrir-
tækinu, bæði í auglýsingum sem og í
öðru markaðsstarfi þess.
„Þetta átak felst í því að efla kvenna-
fótboltann og styrkja hann. Ég fer út á
land og verð með fyrirlestur og auka-
æfingu. Sýni þeim hvernig er hægt að
æfa aukalega, því mér finnst það mjög
mikilvægt að leikmenn æfi aukalega.
En það eru svo margir sem vita ekki
hvernig þeir eiga að gera það.
Fyrirlesturinn heitir Góð leið að
árangri. Þar fer ég yfir hvað sé hægt að
gera til að æfa sig, markmið og metn-
að og allan þann pakka,“ sagði Mar-
grét Lára.
„Ég ætla að reyna að fara á fimmt-
án til tuttugu staði. Svo sé ég bara til
hvort ég hafi tíma í meira. Mér finnst
rosalega mikilvægt að gera þetta og
stelpur utan af landi fá oft minni at-
hygli. Ég vil efla það enn frekar. Ég
er sjálf utan af landi og þekki þetta.
Þannig að ég held að þetta komi bara
öllum til góðs,“ sagði Margrét Lára
sem er fædd og uppalin í Vestmanna-
eyjum.
En hefur annasöm stelpa í fremstu
röð í fótboltanum hér heima tíma
í þetta verkefni? „Já, þetta allavega
verður mín vinna. Það er bara mik-
ill heiður fyrir mig að geta stundað
svona vinnu. Það myndi örugglega
hver sem er vilja það.“
Margrét Lára sagði að vel væri
hægt að bæta kvennaknattspyrnuna
hér á landi. „Hún er á mikilli upp-
leið en það má bæta. Það sem mér
finnst er að stelpur vita oft ekki hvað
er í boði fyrir þær. Þær eru kannski
að æfa og stefna kannski á meistara-
flokk. En það er svo margt þarna úti
sem þær geta náð líka alveg eins og
strákarnir og það er það sem ég vil
vekja áhuga þeirra á.“
Óskar Magnússon sagðist hlakka
til að starfa með Margréti Láru að
þessu verkefni. „Margrét Lára er
framúrskarandi knattspyrnukona og
verður öflugur fulltrúi kvenna í knatt-
spyrnu. Okkur langar til að sýna vilja
okkar í verki og efla kvennaknatt-
spyrnu og hún er mjög gott dæmi
um það hvernig má standa að mál-
um þar.“
En hvað varð til þess að þetta
verkefni varð fyrir valinu? „Fyrirtæki
eru oft að styðja við bakið á þjóð-
þrifamálum og við hjá TM höfum
reynt að gera kannski eitthvað annað
en allir aðrir eru að gera. Það virðist
vera nóg um stuðning við hina hefð-
bundnu karlaknattspyrnu. Það verð-
ur því gaman að fikra okkur inn á
þessa slóð,“ sagði Óskar.
dagur@dv.is
Snjall spilari
milos býr yfir góðri sendingargetu. Hér er
hann þegar farinn að huga að næsta leik.
Fyrir framan Berserki
milos er ákaflega sáttur við stuðningsmenn
Víkinga sem kalla sig Berserki.
Knattspyrnukonan knáa Margrét Lára Viðarsdóttir mun í sumar
þeysa um landið í átaki til að efla kvennaknattspyrnu í landinu.
Margrét Lára mun halda fyrirlestra og fara í gegnum æfingar með
stelpum í yngri flokkum félaga.
Margrét á ferð og flugi
Markamaskína
margrét Lára er hér með bikarinn sem Valur vann á miðvikudaginn í
meistarakeppni Ksí þar sem hún skoraði fimm mörk í 8–1 sigri á Breiðabliki.
Óskar og Margrét
sjást hér við undirritun samningsins sem
fór fram á Ingólfstorgi á miðvikudaginn.
Í örmum þjálfarans
milos segir magnús gylfason snjallan
þjálfara sem hafi kennt sér margt.