Dagblaðið Vísir - DV - 11.05.2007, Blaðsíða 41

DV Ættfræði föstudagur 11. maí 2007 41
Framvegis mun DV birta tilkynning-
ar um stórafmæli, afmælisbörnum
að kostnaðarlausu. Tilkynningarnar
munu birtast á ættfræðiopnunni sem
verður í helgarblaði DV á föstudög-
um. Með stórafmælum er hér átt við
40 ára, 50 ára, 60 ára, 70 ára, 75 ára,
80 ára, 85 ára, 90 ára, 95 ára og 100
ára afmæli.
Þær upplýsingar sem hægt er að
koma á framfæri í slíkum tilkynn-
ingum eru nafn afmælisbarnsins,
fæðingardagur þess og ár, starfsheiti,
heimilisfang, nafn maka, starfsheiti
maka, nöfn barna (án fæðingardags,
starfsheitis eða maka), nöfn foreldra
afmælisbarnsins og tilkynning um
gestamóttöku eða önnur áform varð-
andi afmælisdaginn.
Á hverjum föstudegi verða birtar
slíkar tilkynningar um þá sem eiga
afmæli á föstudeginum sem blaðið
kemur út á til fimmtudags í vikunni á
eftir. Þannig verða tilkynningarnar
um afmæli á sjálfum útgáfudeginum
og næstu viku fram í tímann.
Senda skal afmælistilkynningar á
netfangið kgk@dv.is. Tilkynningarn-
ar verða að berast blaðinu eigi síðar
en kl. 15 á miðvikudegi. Það er afar
brýnt að þeim fylgi skýr andlitsmynd
af afmælisbarninu.
AfmælistilkynningAr á ættfræðisíðu
MAÐUR VIKUNNAR
Veisla í miðborginni
Veislukompaníið er alhliða veislu- og
fundaþjónusta, nýr og spennandi valkostur
í miðborginni. Þú gengur að fyrsta flokks
húsnæði með öllum tæknibúnaði, frábærum
veitingum og þjónustu á besta stað í bænum.
Lækjargötu 2a 101 Reykjavík s 517 5020 www.veislukompaniid.is
GStarfsferill
Garðar Thór fæddist í Reykjavík
2.5. 1974. Hann var í Álftamýrarskóla,
lauk stúdentsprófi frá MH 1993,
stundaði tónlistarnám frá tíu ára
aldri, lærði á kornett hjá Jóni Sigurðs-
syni í Tónlistarskólanum í Reykjavík,
hóf söngnám sitt í Söngskólanum í
Reykjavík 1993 hjá Ólöfu Kolbrúnu
Harðardóttur og lauk þaðan prófum
fjórum árum síðar. Eftir það stund-
aði hann nám við Hochschule für
darstellende Kunst und Musik í Vín-
arborg, sótti einkatíma hjá André Or-
lowitz í Kaupmannahöfn og stund-
aði nám við óperudeild Konunglega
tónlistarháskólans í Lundúnum.
Garðar Thór hefur komið víða
fram og haldið einsöngstónleika,
sungið í söngleikjum, óratoríum
og óperum hér heima, í Færeyjum,
Danmörku, Noregi, Svíþjóð, Ung-
verjalandi, Rússlandi, Þýskalandi, Ít-
alíu, Írlandi, Bretlandi og í Ameríku.
Fjölskylda
Unnusta Garðars Thórs er Tinna
Lind Gunnarsdóttir, f. 18.8. 1979,
nemi við Listaháskóla Íslands. Hún
er dóttir Gunnars Þórs Jónssonar, f.
1.5. 1952, rafvirkjameistara í Reykja-
vík, og Sveinbjargar Pálsdóttur, f.
14.6. 1953, bankastarfsmanns.
Systkini Garðars Thórs eru Sigrún
Björk Cortes, f. 21.12. 1963, kennari,
en maður hennar er Björgvin Þór-
hallsson skólastjóri; Nanna Maria
Cortes, f. 3.1. 1971, óperusöngkona,
en maður hennar er Svein Erik Sag-
braaten óperusöngvari; Aron Axel, f.
25.9.1985, söngnemi, en kona hans
er Anna Veronika Bjarkadóttir dýra-
læknanemi.
Foreldrar Garðars Thórs eru
Garðar Cortes, f. 22.9. 1940, óperu-
söngvari og skólastjóri Söngskólans
í Reykjavík, og kona hans, Krystyna
Cortes, f. 31.7. 1948, píanóleikari.
Ætt
Krystyna er dóttir Wladyslaws
Blasiak, myndhöggvara í Kings Lang-
ley á Englandi, sem var pólskur í föð-
urætt en ítalskur í móðurætt, son-
ur Adams og Zofiu Blasiak. Móðir
Krystynu er Beryl Blasiak listmálari,
dóttir Ethelar og Williams Chand-
lers, garðyrkjumanns í Kings Langley
á Englandi.
Garðar Cortes er sonur Axels
Cortes, feldskera í Reykjavík Em-
anuelssonar Cortes, yfirprentara í
Reykjavík Péturssonar Cortes, kop-
arsmiðs í Stokkhólmi. Móðir Axels
var Björg Jóhannesdóttir Zoega, tré-
smiðs í Reykjavík Jóhannessonar
Zoega, útgerðarmanns í Reykjavík,
bróður Tómasar, afa Geirs Hallgríms-
sonar forsætisráðherra. Jóhannes var
sonur Jóhannesar Zoega, glerskera
í Reykjavík Jóhannessonar Zoega,
fangavarðar í Reykjavík, frá Sles-
vík, af ættinni Zuecca, höfðingjaætt
gyðinga á eyjunni Giudecca í Fen-
eyjum. Móðir Jóhannesar útgerð-
armanns var Ingigerður Ingimund-
ardóttir, systir Helgu, langömmu
Haralds, föður Matthíasar Johann-
essen skálds og fyrrv. Morgunblaðs-
ritstjóra. Helga var einnig langamma
Franz, föður Hans G. Andersen
sendiherra. Móðir Bjargar var Guð-
rún Jónsdóttir, b. í Starkaðarhúsum
í Flóa Ingimundarsonar, b. í Norð-
urkoti í Grímsnesi Jónssonar. Móðir
Ingimundar var Guðrún Snorradótt-
ir, b. í Kakkarhjáleigu í Stokkseyrar-
hreppi Knútssonar, og konu hans,
Þóru Bergsdóttur, b. í Brattsholti
Sturlaugssonar, ættföður Bergsætt-
arinnar. Móðir Guðrúnar var Sig-
ríður Sigurðardóttir, skipasmiðs á
Hjallalandi á Álftanesi Sigurðssonar,
og k.h., Guðrúnar Jónsdóttur, silfur-
smiðs á Bíldsfelli Sigurðssonar, ætt-
föður Bíldsfellsættar, föður Þorvarð-
ar, langafa Ingimundar, afa Jóhönnu
Sigurðardóttur alþm.
Móðir Garðars eldri var Kristj-
ana Jónsdóttir, trésmiðs í Reykjavík
Magnússonar, b. á Lágum í Ölfusi
Jónssonar. Móðir Magnúsar var Guð-
rún, systir Magnúsar, b. á Litla-Landi
í Ölfusi, langafa Ellerts Schram,
fyrrv. forseta ÍSÍ. Magnús var einnig
langafi Magnúsar H. Magnússonar,
fyrrv. ráðherra, föður Páls útvarps-
stjóra. Guðrún var dóttir Magnúsar,
b.á Hrauni í Ölfusi, bróður Jórunnar,
langömmu Salvarar, móður Hannes-
ar Hólmsteins Gissurarsonar próf-
essors. Jórunn var einnig langamma
Steindórs, hjá Bílastöð Steindórs, afa
Geirs H. Haarde forsætisráðherra.
Magnús var sonur Magnúsar, b. í
Þorlákshöfn Beinteinssonar, lrm.á
Breiðabólstað í Ölfusi Ingimundar-
sonar, b. í Hólum í Stokkseyrarhreppi
Bergssonar, bróður Þóru í Kakkar-
hjáleigu. Móðir Guðrúnar var Guð-
rún Halldórsdóttir, b. á Lágum í Ölf-
usi Böðvarssonar, bróður Arnheiðar,
móður Böðvars Magnússonar á
Laugarvatni, afa Eddu Guðmunds-
dóttur, konu Steingríms Hermanns-
sonar, fyrrv. forsætisráðherra. Móðir
Halldórs var Guðrún Halldórsdótt-
ir, b. á Reyðarvatni Guðmundsson-
ar, og Ingibjargar Halldórsdóttur, b.
í Þorlákshöfn Jónssonar. Móðir Ingi-
bjargar var Guðbjörg Sigurðardótt-
ir, systir Jóns, afa Jóns forseta. Systir
Guðbjargar var Salvör, amma Tóm-
asar Sæmundssonar Fjölnismanns.
Móðir Guðrúnar var Sigríður Eiríks-
dóttir, b. á Litla-landi Ólafssonar, og
Helgu Jónsdóttir, b. á Vindási á Landi
Bjarnasonarættföður Víkingslækja-
rættar Halldórssonar.
Móðir Kristjönu var Kristj-
ana Friðjónsdóttir, b. á Laugum
í Hvammssveit Sæmundssonar.
Móðir Friðjóns var Guðrún Guð-
mundsdóttir, skipasmiðs á Hóli í
Hvammssveit Ormssonar, b. ættföð-
ur Ormsættarinnar Sigurðssonar,
langafa Snæbjarnar í Hergilsey, afa
Snæbjarnar Jónassonar vegamála-
stjóra. Móðir Guðrúnar var Margrét,
systir Finns, afa Ásmundar Sveins-
sonar myndhöggvara. Margrét var
dóttir Sveins, b. í Neðri-Hundadal í
Miðdölum Finnssonar og Guðrún-
ar Guðmundsdóttur, systur Þórdís-
ar, langömmu Ragnheiðar, móður
Snorra Hjartarsonar skálds.
Garðar Thór Cortes stórsöngv-
ari hefur heldur betur verið að
slá í gegn í Bretlandi eins og al-
þjóð veit. Tónlistardiskur hans
sem kom út á vegum Believer
og Universal þann 16. apríl var
í tvær vikur í fysta sæti á lista
yfir klassíska tónlistardiska
í Bretlandi. Þá hefur Garðar
fengið frábærar viðtökur á tón-
leikum í Bretlandi og fengið
mikla og lofsamlega umfjöllun
í stórblöðum og tónlistartíma-
ritum.
Garðar Thór Cortes
óperusöngvari