Félagsbréf - 01.01.1957, Page 5

Dr. Jón Jóhannesson prófessor
Dr. Jón Jóhannesson prófessor lézt í Landspítalanum í Reykja-
vík 4. maí s.l. tæpra 48 ára að aldri. Með honum er brott horf-
inn einn af okkar skarpskyggnustu og traustustu vísindamönn-
um á sviði íslenzkra fræða og mesti sérfræðingurinn í sögu
Islands frá upphafi til siðaskipta.
Dr. Jón var fæddur í Hrísakoti á Vatnsnesi 6. júní 1909,
stúdent frá M.A. 1932, cand. mag. í íslenzkum fræðum frá Há-
skóla Islands 1937 og doktor frá sama skóla 1942. Haustið 1943
gerðist hann kennari í sögu við Háskóla Islands og gegndi því
starfi til dauðadags. Hann var kvæntur Guðrúnu P. Helgadóttur
íslenzkukennara.
Hér er eigi rúm til að telja mikil og merk ritstörf dr. Jóns
í íslenzkri sagnfræði og bókmenntasögu, en um hann hefur
verið sagt, að varla skrifaði hann svo smágrein, að eitthvað í
henni hefði ekki varanlegt gildi. Aðeins skal drepið á tvö
stórvirki. 1 doktorsritgerð hans, GerSurn Landnámabókar, eru
afar torveldu efni gerð slík skil, að megin-niðurstöðum verður
tæplega haggað, þó að tímar líði. Islendingasaga I, sem kom
út á vegum Almenna hókafélagsins í fyrra, er í tölu merkustu
sagnfræðirita íslenzkra. Framliald þeirrar hókar átti að koma
út á næsta hausti.
Það skarð, sem höggvið er í raðir íslenzkra fræðimanna með
fráfalli dr. Jóns, verður ekki fyllt að sinni. Fjöldi verkefna
beið hans, sum þannig, að varla var á annarra færi en hans
að leysa.
Með dr. Jóní Jóhannessyni kveðjum við ekki aðeins mikinn
vísindamann, heldur einnig góðan dreng og dáðan kennara.
Sjálfur skulda ég honum þakkir fyrir ógleymanlega kennslu
og hugljúfa viðkynningu, þjóðin öll fyrir verk, sem hún hvorki
vill né getur án verið.
Eiríkur Hreinn Finnbogason.