Sveitarstjórnarmál - 01.02.1977, Qupperneq 32

1) Heimilin eru að sjálfsögðu teiknuð í samræmi
við stærðarnorm reglugerðar um dagvistar-
heimili, en þar eru m. a. bæði ákvæði um há-
marksstærð, sem ríkið greiðir kostnað af, sem og
ákvæði um lágmarksleikrými á hvert barn.
2) Á skipulegan hátt var leitazt við að skapa sem
bezt skilyrði fyrir hið uppeldislega starf á heim-
ilunum.
3) Leitazt var við að gera sem hagkvæmastan
rekstur á heimilunum mögulegan.
4) Teikningunum var hagað þannig, að auðvelt
væri að byggja heimilin í áföngum (nema
teikning númer 6).
5) Teikningunum var hagað þannig, að mögulegt
væri að vera með blandaða aldurshópa, jafnt
sem hefðbundna aldursskiptingu á deildum,
eins og nú tíðkast mest hér á landi. Engin sér-
stök vöggustofudeild er í húsunum, en unnt er
að koma vöggustofudeild þar fyrir, ef rekstrar-
aðili óskar þess, en ákvörðun þarf þó að taka um
þetta atriði, áður en hreinlætistæki eru sett upp.
Starf hönnunarnefndar dagvistarheimila er langt
komið. Það verður þó ekki fyrr en síðar á þessu ári, að
nefndin mun endanlega skila af sér. 1 tilefni þessarar
ráðstefnu var talið æskilegt að kynna það starf, sem
unnið hefur verið af hönnunarnefndinni, og ákvað
o Lalktkólar
menntamálaráðherra, Vilhjálmur Hjálmarsson, því,
að gögn þau, sem þegar liggja fyrir, skyldu kynnt
hér. Þau ber þó ekki að skilja sem reglugerð eða
reglur frá hendi ráðuneytisins.
Teikningar standa þeim til boða, er óska að reisa
dagvistarheimili, en þeim, sem óska að fela þetta
verk öðrum, er það að sjálfsögðu frjálst.
Þegar sótt er um styrk til ríkisins til byggingar
dagvistarheimilis, er að sjálfsögðu ekki tekið tillit til,
hver teiknar viðkomandi heimili, ef teikningarnar
aðeins uppfylla þau skilyrði, sem lög og reglugerð
gera ráð fyrir.
Hönnun dagvistarheimilis
er vandasamt verk
Teikning sérhæfðrar stofnunar sem dagvistar-
heimilis er margslungið verk, og ég tel, eftir að hafa
skoðað teikningar af meirihluta þeirra heimila, sem
byggð hafa verið hér á landi, að vandi verksins hafi
verið vanmetinn. Þegar slikt heimili er teiknað nú,
þarf arkitektinn ekki einungis að kynna sér vel
margvísleg ákvæði laga og reglugerða, heldur þarf
hann að teikna heimilið út frá því innra starfi, sem
þar á að fara fram. Og þá ekki einungis eins og það
fer fram nú, heldur að reyna að hafa opna möguleika
á þeim breytingum, sem verða kunna á rekstrar-
formi. Því getur það ekki talizt heppileg lausn að fela
aðila að teikna dagvistarheimili, nema hann sé
reiðubúinn að setja sig vel inn í þessi atriði, enda þótt
hann hafi mikla reynslu t. d. af því að teikna
íbúðarhúsnæði. Ég vona því, að það verði senn liðin
tíð, að þeim, sem ekki eru reiðubúnir að leggja á sig
töluverða viðbótarvinnu við að setja sig inn í
sérþarfir barnaheimilanna, verði falin slík verkefni.
Eg vil þó taka fram, að teikningar þær, sem
hönnunarnefnd dagvistarheimila leggur fram, eru
engan veginn neitt lokaorð í þessum efnum, en ég
vænti þess, að sú vinna verði til þess, að meiri kröfur
verði gerðar til teikninga að barnaheimilum en fram
til þessa hefur verið í mörgum tilfellum.
SVEITARSTJÓRNARMÁL