Sveitarstjórnarmál - 01.02.1977, Qupperneq 40

GUÐMUNDUR KR. GUÐMUNDSSON
OG ÓLAFUR SIGURÐSSON, arkitektar:
HÖNNUN DAGHEIMILA, LEIKSKÓLA
OG SKÓLADAGHEIMILA
Hámarksstærð dagheimilis og skóladagheimilis,
þar sem ríkið greiðir 50% af stofnkostnaði, skal svara
til þess, að í heildargólfrými komi 10 m2 á hvert barn,
sem heimilið er ætlað fyrir, og 5 m2 í leikskólum.
Með heildargólfrými er hér átt við innanmál, þ. e.
stærð innan útveggja, og skilrúm reiknast ekki með í
stærðarmálinu.
Heildarleikrými gólfflatar skal vera að jafnaði a.
m. k.:
a) dagheimili 3,5 m2 á hvert barn.
b) leikskóli 2,0 m2 á hvert barn.
Utileiksvæöi skal eigi vera minna en 20 m2 á hvert
barn.
Heimilt er að víkja frá þessu ákvæði með sam-
þykki ráðuneytisins, ef aðstæður eru þannig, að
ástæða þyki til.
Heimilin verða að uppfylla þær kröfur, sem
gerðar eru í byggingarsamþykkt, heilbrigðissam-
þykkt og reglugerð um dagvistarheimili.
Skipulag og innrétting
dagvistarheimila
Hér verður fyrst gerð grein fyrir almennum at-
riðum, sem ná nokkuð jafnt til allra heimilanna, en
síðar verður fjallað um sératriði hinna þriggja teg-
unda dagvistarheimila.
Meginathafnasvæði hverrar deildar eru deildar-
stofur.
Á stærri heimilum getur ennfremur verið „al-
menningur“, stofa, sem er til jafnra afnota fyrir allar
deildir og er ætluð til að auka möguleikana á fjöl-
breytni í starfi og leik barnanna. Smíða- og föndur-
herbergi eru æskileg. I þvottaherbergi eða einhverju öðru
herbergi skal vera aðstaða til vatnsleikja. Geymslur
geta verið annars vegar mjög einfaldar, þar sem
geyma skal tiltölulega ódýra, en oft fyrirferðarmikla
hluti, og hins vegar þar, sem geyma þarf dýrmæta
hluti, leiktæki o. fl. í fyrri gerðinni er nóg að hafa
einfaldar hillur, en í hinum síðarnefndu þurfa frekar
að vera skápar og skúffur.
Greinarhöfundar, Ólafur Sigurðsson og Guðmundur Kr.
Guðmundsson við dagheimilið Múlaborg, sem heimsótt var
í skoðunarferð á ráðstefnunni um dagvistarheimili.
SVEITARSTJÓRNARMÁL