Sveitarstjórnarmál - 01.02.1977, Qupperneq 41

Við hönnun heimilanna þarf að gæta þess, að her-
bergi tengist á hagkvæman hátt innbyrðis, og kallar
þetta á samvinnu milli þess, sem hannar bygg-
inguna, og þeirra, sem þekkja vel til þeirrar starf-
semi, sem fram fer á viðkomandi stofnunum.
Deildarstofurnar skulu helzt vera tengdar
„almenningi“ gegnum einar dyr, og þær skulu enn-
fremur tengjast útileiksvæði gegnum fataherbergi.
Gæta skal þess, að herbergjaskipunin sé þannig, að
gegnumgangur um deildarstofur þurfi enginn að
vera að óþörfu.
Hafa þarf í huga, að fóstrurnar þurfa oft að gæta
barna, sem geta verið í mörgum ofangreindum
herbergjum, og er innbyrðis afstaða þeirra því einnig
mikilvæg.
Varðandi innréttingu „almennings“ er rétt að
hafa í huga, að þetta herbergi er heppilegt fyrir
foreldrafundi.
Gæta þarf þess, að innréttingar deildarstofa og
almennings skapi góða möguleika bæði til hreyfi-
leikja barnanna, föndurvinnu og annarra leikja
þeirra.
Sératriði einstakra tegunda
dagvistarheimila
A. Dagheimili.
Neðra aldursmark barna, sem dagheimili eru
ætluð fyrir, getur verið mismunandi, frá tveggja ára
aldri og niður í þriggja mánaða. Ennfremur getur
skipan í deildir verið eftir aldri eða að í hverri deild
séu börn af öllum aldursflokkum (aldursblandaðar
deildir). Hvort tveggja hefur töluverð áhrif á skipu-
lag og innréttingu dagheimilanna og þarf því að
liggja ljóst fyrir, áður en tekið er að hanna heimilið.
Á dagheimilunum skulu ekki vera fleiri en fjórar
deildir, en æskilegt, að deildirnar væru ekki fleiri en
þrjár, og yrði því fjöldi barna 67 — 68, þar sem fjórar
deildir eru, en 50 — 52, þar sem þrjár deildir eru.
I dagheimilum er i meginatriðum gert ráð fyrir
eftirfarandi:
1) deildarstofur
2) föndurstofa, verkstæði
3) snyrtiherbergi
4) fatageymslur í tengslum við þurrkklefa eða
þurrkskáp
[ skoðunarferð í leikskólann Holtaborg við Sólheima. Þórð-
ur Skúlason, sveitarstjóri á Hvammstanga, sést lengst til
vinstri á myndinni, en til hægri tala saman þrjár konur af
Seltjarnarnesi, Auður Sigurðardóttir, Geirþrúður Árnason
og Ingibjörg Bergsveinsdóttir, taiið frá vinstri. Jóhanna
Bjarnadóttir, forstöðukona Holtaborgar, kynnti gestunum
starfsemi leikskólans.
Ingibjörg Kristín Jónsdóttir, forstöðukona Múlaborgar,
lengst til vinstri, sýnir þátttakendum húsakynnin. Aðrir á
Ijósmyndinni eru, talið frá vinstri: Einar Guðnason, Suður-
eyri, Sigríður Thorlacius, Guðmundur Kr. Guðmundsson,
Jóna Ingvarsdóttir, Grindavík og Jón Guðmar Jónsson,
Reykjavík.
Sigurlaug Hermannsdóttir frá Blönduósi, en hinar konurnar
eru úr Reykjavík og eru Guðrún Guðjónsdóttir, Hólmfríður
Jónsdóttir, Þórunn Einarsdóttir og Ingibjörg Kristjánsdóttir
og eiga sér allar góðan starfsferil sem forstöðukonur dag-
heimila í Reykjavík.
SVEITARSTJÓRNARMÁL