Sveitarstjórnarmál - 01.02.1977, Blaðsíða 45

voru giftar konur á Húsavík 474 talsins og af þeim
fjölda unnu 374 eða um 80.6% eitthvað utan heim-
ilis. Það voru því aðeins 90 giftar konur, sem ekkert
unnu utan heimilis á árinu 1974 og af þeim voru 48
gamalmenni, öryrkjar eða sjúklingar.
Jafnhliða því, sem þáttur giftra kvenna í tekju-
öflun heimila á Húsavík fer sífellt vaxandi, lækkar
þáttur barna innan 16 ára aldurs.
Samanburðartölurnar eru þessar:
Tekjur 1965 2.022 þús. eða 1.71% allra tekna
Tekjur 1969 1.969 þús. eða 1.10% allra tekna
Tekjur 1974 9.436 þús. eða 1.08% allra tekna
Líkur benda til, að aukin útivinna kvenna minnki
eftirspurn eftir vinnu unglinga.
5. Dagvistarmál á Húsavík
Húsavíkurbær byggði fyrsta leikskólann upp úr
1960. Þessu húsi var síðar breytt í dagheimili og
húsakynni þess aukin upp úr 1970.
A síðasta ári var hafin bygging nýtízku dagheim-
ilis í bænum og var botnplata hússins steypt. Þá var
rekinn leikskóli í barnaskólanum s. 1. sumar, og í lok
ársins var tekinn í notkun nýr leikskóli, sem rekinn er
í bráðabirgðahúsnæði.
Upphaflegur leikskóli var byggður fyrir áeggjan
Kvenfélags Húsavíkur, sem styrkti framkvæmdina
fjárhagslega og sá um rekstur leikskólans og síðan
dagheimilisins um árabil. Seinna rak Sjúkrahúsið á
Húsavík dagheimilið, en síðan 1971 hefur Húsa-
víkurbær haft rekstur þess með höndum, svo og
rekstur leikskólans.
Þáttur bæjarsjóðs í reksturskostnaði dagheimilis-
ins hefur verið breytilegur frá ári til árs, hæstur 45%
og lægstur 37%. Á sama tíma hefur hlutur notenda
verið frá 62% árið 1971 og niður í 28% 1974, en
hlutur notenda Jækkaði verulega, þegar rikið hóf að
taka þátt í rekstri dagheimila.
Kostnaður bæjarfélagsins af þessum málaflokki,
miðað við heildarrekstursgjöld bæjarins, hefur farið
vaxandi úr 1.08% árið 1971 upp í 2.13% árið 1975, og
er þá leikskóhnn talinn með. Nam þessi gjaldaliður
kr. 2.768 þús. nettó árið 1975.
Árið 1975 markaði tímamót í dagvistarmálum
á Húsavik. Þá tókst í fyrsta sinni að fullnægja eftir-
spurn eftir vist á dagvistarheimilum, nýr leikskóli
tók til starfa og hafin var bygging dagheimilis af
fullkomnustu gerð. Fjárfesting bæjarsjóðs í þessum
málaflokki nam rösklega 11 m. kr., sem var um
12.5% af fjárfestingarfé bæjarsjóðs brúttó.
Bygging nýja dagheimilisins var boðin út, miðað
við uppsteypt hús fullfrágengið að utan með gleri í
gluggum og útihurðum og tekið lægsta tilboði, sem
hljóðaði upp á 24.229 m. kr. á verðlagi í september
f Barnadagheimlli Húsavfkur.
1975. Þessum byggingaráfanga verður væntanlega
náð á þessu ári, þ. e. 1976.
Of snemmt er að spá um endanlegt verð hússins,
en líklega kemur verðbólgan því hátt í 100 m. kr.,
sem jafngildir þá 1.6 m. kr. á barn, en húsið er byggt
fyrir 60 börn.
Ljóst er, að til viðbótar miklum fjárfestingar-
kostnaði við að koma nýja dagheimilinu upp, verður
rekstur þess dýr, og þessi kostnaðarliður kemur til
með að hækka, bæði hjá bæjarfélaginu og notendum
þess, frá því sem nú er. Er þó ekki gert ráð fyrir
vöxtum af stofnkostnaðinum.
Bæjarfulltrúar á Húsavík töldu eðlilegt að taka
gjaldskrá dagvistarstofnana í bænum til endur-
skoðunar, jafnhliða því, sem tókst að fullnægja
eftirspurninni. Var við ákvörðun nýrrar gjaldskrár
við það miðað, að notendur dagvistarstofnana
stæðu undir launum og launatengdum gjöldum svo
SVEITARSTJÓRNARMÁL