Sveitarstjórnarmál - 01.02.1977, Blaðsíða 47

LOGI KRISTJÁNSSON, bæjarstjóri, Neskaupstað:
REKSTUR
DAGVISTARHEIMILA
Þegar fjárhagsáætlun Neskaupstaðar fyrir árið
1975 var lögð fram og í ljós kom, að útgjöld vegna
dagvistunar barna námu 6,5 milljónum króna
umfram tekjur, hafa bæjarfulltrúar og aðrir þeir,
sem um áætlunina fjölluðu, án' efa spurt sjálfa sig,
hvort ekki væri of mikið að verja 5% af tekjum
bæjarins, þ. e. leggja 4000 kr. á hvern íbúa, til
reksturs dagheimilis og leikskóla. Væri jafnvel ekki
hagkvæmara að borga húsmæðrum fyrir að vera
heima og gæta barna?
Ekki fór mikið fyrir vangaveltum af þessu tagi í
umræðum um áætlun dagheimilisins. Líklega hefur
það ekki verið ótti við að þurfa að fara heim og hugsa
um matseldina og börnin, sem olli því, að fjárhags-
áætlun dagheimilisins var samþykkt samhljóða,
heldur öllu fremur skilningur á nauðsyn á raun-
verulegu jafnrétti foreldra til vinnu utan heimilis og
þeirri einföldu staðreynd, að dagheimili er nær eina
Logi Kristjánsson, bæjarstjóri.
menningarstofnunin, sem samfélagið býður yngstu
börnunum.
Skýrslugerðir
I töflum 1 —4 er að finna tölur um rekstur nokk-
urra dagheimila og leikskóla utan Reykjavíkur árið
1974.
Samantekt þessi er byggð á ársreikningum
sveitarfélaga og gagnasöfnun menntamálaráðu-
neytisins vegna úthlutunar á rekstursstyrkjum. Við
val stofnana var leitazt við að fá sem bezt þversnið af
reksturseiningum, en skortur á upplýsingum réð
miklu um valið. Töflurnar bera þess glöggt vitni, að
okkur Islendingum er ýmislegt ljúfara en skýrslugerð
og sú nákvæmni, er henni skal fylgja. Vil ég biðja
lesendur að hafa þetta í huga, er þeir rýna í þær.
Enda þótt letin við skýrslugerð hafi jafnan háð
umræðum sem þessum meðal Islendinga, er vert að
geta þess, að hún er ekki eins einráð nú og áður fyrr.
Gagnasöfnun sú um rekstur dagvistarheimila, sem
hófst árið 1973, var skref í rétta átt. Með auknu
samræmi í gerð skýrslnanna og frekari úrvinnslu
kemur gagnasöfnunin örugglega að góðurn notum
fyrir jiá, sem að þessum málum starfa. Æskilegt
væri, að fyrirhugaðri könnun menntamálaráðu-
neytisins á dagvistunarjmrf i landinu væri lokið, en
meðan svo er ekki, vantar tilfinnanlega ýmsar
nauðsyniegar upplýsingar. Hins vegar er vert að
benda á, að hafin er könnun á vegum jafnréttis-
nefnda nokkurra sveitarfélaga, sem m. a. nær til
þessa jtáttar. Vonandi gefa niðurstöður hennar okk-
ureinhverja vísbendingu um málið.
Þær rekstrarskýrslur siðustu ára, sem ég hefi
skoðað og endurspeglast að mestu i töflum 1—4,
8VEITARSTJÓRNARMÁL