Sveitarstjórnarmál - 01.08.1999, Blaðsíða 52
ATVINNUMÁL - FERÐAMÁL
Stefnumótun í atvinnu- og ferða-
málum Mosfellsbæjar 1999-2003
Kristófer E. Ragnarsson, atvinnu- ogferðamálafulltrúi Mosfellsbæjar
Undanfarið hefur Mosfellsbær
unnið að kynningu á nýsamþykktri
stefnu- og markmiðssetningu sveit-
arfélagsins i atvinnu- og ferðamál-
um. Vinna við hana hófst á fyrri
hluta árs 1998 að frumkvæði at-
vinnu- og ferðamálanefndar Mos-
fellsbæjar. Leitað var til íbúa sveit-
arfélagsins um þátttöku í verkefninu
og tóku alls um 50 rnanns þátt í
vinnunni. Iðntæknistofnun leiddi
faglega vinnslu verkefnisins. Hér er
því urn að ræða afrakstur samstarfs
bæjaryfirvalda og íbúa sveitarfé-
lagsins.
Við stefnumótunarvinnu Mos-
fellsbæjar var beitt hefðbundnum
faglegum aðferðum stefnumótunar.
í vinnuhópum var byrjað á stöðu-
greiningu, síðan farið i SVOT-
greiningu, þ.e. greiningu á innri
styrk og veikleikum, og jafnframt
skoðaðar ytri ógnanir og tækifæri í
starfsumhverfi fyrirtækja í bænurn.
Lögð var áhersla á að halda sterkum
þáttum, bæta úr þar sem veikleika
var að finna, forðast ógnanir og nýta
tækifæri. Að þessu loknu var mótuð
framtíðarsýn fyrir hvem málaflokk
og síðast en ekki síst var útbúin að-
gerðaáætlun, byggð á metnaðarfúll-
um markmiðum. Að fengnum
skýrslum einstakra vinnuhópa var
það hlutverk verkefnisstjórnar að
samræma stefhu, markmið, leiðir og
aðgerðir einstakra vinnuhópa
þannig að hægt væri að setja fram
samræmda stefnumótun. Lögð var
áhersla á hugarflug, nýsköpun og
ffamtíðarsýn við tillögugerðina.
Fram kemur í stefnumótunar-
skýrslunni að Mosfellsbær ætli að
skapa sér veigamikla sérstöðu og þá
sérstaklega meðal sveitarfélaga á
suðvesturhorninu. Ætlunin er að
efla þau fyrirtæki sem eru í bæjarfé-
laginu, auka samstarf þeirra og
byggja gmnn fyrir ný fyrirtæki sem
áhugi væri á að velja stað í Mos-
fellsbæ. Áhersla verður lögð á sér-
hæfð fyrirtæki og verslanir sem
tengjast jákvæðri ímynd bæjarfé-
lagsins og getið er um í skýrslunni.
Framtíðarsýn sveitarfélagsins til
ársins 2003 er að Mosfellsbær verði
miðstöð endurhæfingar og heilsuefl-
ingar á íslandi og paradís þeirra sem
vilja safna orku og njóta endurhæf-
ingar á heimsmælikvarða. Stefnt er
að því að Mosfellsbær verði einn
helsti lista- og smáiðnaðarbær
landsins og þekktur sem „sögubær-
inn“ á Islandi.
Ferðamál verði einn af lykilþátt-
um öflugs atvinnulífs og á Mosfells-
bær að verða álitlegur áningarstaður
ferðamannsins. Ferðaþjónusta í bæj-
arfélaginu mun byggja á samspili
fjölbreytts heilsuumhverfis, sögu,
menningu, listum og afþreyingu.
Stefnt er að því að hún skapi fjölda
heilsársstarfa í sveitarfélaginu. Það
er mat þeirra sem unnu að stefnu-
mótunarvinnunni að bærinn eigi
fjölmarga vannýtta möguleika í
ferðamálum. Sem dæmi má nefna:
• Unnið verði að því að sam-
þætta sögu nóbelsskáldsins
Halldórs Laxness við Mos-
.fellsbæ.
• Umhverfi Álafosskvosar verði
gert aðlaðandi fyrir íbúa og.
ferðamenn.
• Unnið verði að merkingu
göngu- og reiðleiða auk sögu-
legra minja og örnefna innan
bæjarfélagsins.
Álafosskvosin. f þessum sögufrægu húsum var ullariðnaður Álafossverksmiðjunnar.
Verksmiðjusala Álafoss er þar enn til húsa og lika ferðaþjónusta, listlðnaður og veit-
ingarekstur, skemmtilegt sambland á ákjósanlegu útivistar- og afþreyingarsvæði. I
húsunum hafa ýmsir listamenn einnig fengið vinnuaðstöðu. Ljósm. Haukur Snorrason.
1 78