Sveitarstjórnarmál - 01.02.2001, Page 42

HEIÐURSBORGARAR
Jón M. Guðmundsson á Reykjum
heiðursborgari Mosfellsbæjar
Þröstur Karlsson, forseti bæjarstjórnar Mosfellsbæjar, tll hægri á myndinni, afhendir
Jóni á Reykjum heiðursborgarabréfið. Arnaldur Halldórsson tók myndina.
Á fundi bæjarstjórnar Mosfells-
bæjar hinn 30. ágúst sl. var sam-
þykkt að gera Jón M. Guðmundsson
á Reykjum, fv. oddvita um langt
skeið, að heiðursborgara bæjarins.
Svohljóðandi tillaga var sam-
þykkt samhljóða á fundinum:
„Bæjarstjóm Mosfellsbæjar sam-
þykkir að Jón M. Guðmundsson
verði gerður að heiðursborgara
Mosfellsbæjar. Með því móti vill
bæjarstjóm f.h. Mosfellsbæjar láta í
ljós þakklæti sitt og viðurkenningu
á hinu mikilvæga framlagi Jóns til
uppbyggingar sveitarfélagsins en
Jón var oddviti Mosfellshrepps frá
árinu 1962 til 1981, á miklum um-
brotatímum í sögu sveitarfélagsins,
og hreppstjóri frá árinu 1984 til
1990. Áuk þess hefur hann tekið
virkan þátt í félagsstarfi innan og
utan sveitarfélagsins og lagt þar
drjúgt af mörkum. Nafn hans hefur
verið samofið sögu sveitarfélagsins
um áratugaskeið og þykir vel við
hæfi að Mosfellsbær votti honum
virðingu með þessum hætti í tilefni
af 80 ára afmæli hans hinn 19. sept-
ember.“
Jón Guðmundsson er annar heið-
ursborgari sveitarfélagsins. Sá fyrri
var Halldór Laxness rithöfundur
sem kjörinn var heiðursborgari árið
1972.
Hinn 29. október efndi bæjar-
stjórnin til samsætis í Hlégarði til
heiðurs Jóni. Þar var honum afhent
heiðursborgarabréfið og skóla-
hljómsveit Mosfellsbæjar lék, en
Jón hefur verið nefndur guðfaðir
hennar vegna þáttar hans í stofnun
hljómsveitarinnar. Jón starfaði löng-
um að íþróttamálum, var m.a. ritari
ungmennafélagsins Aftureldingar
1949-1954 og var um árabil fúlltrúi
félagsins í sérsamböndum íþrótta-
hreyfmgarinnar, sat í stjóm og vara-
stjóm Frjálsíþróttasambands Islands
1952-1968 og var fyrsti varafúlltrúi
í stjórn íþróttasambands íslands
1968-1970. í hófinu sæmdi Ellert
B. Schram, formaður íþrótta- og
Ólympíusambands íslands, Jón
heiðurskrossi sambandsins fyrir
störf hans á vettvangi íþróttahreyf-
ingarinnar. Jón var meðal stofnenda
karlakórsins Stefnis í Mosfellsbæ
1940 og starfar enn í kómum. Þá
var Jón í stjórn Vinnuheimilisins að
Reykjalundi 1974-1986.
Eiginkona Jóns er Málfríður
Bjamadóttir og eiga þau samtals sex
uppkomin böm.
Jón hefur verið sæmdur ýmsum
heiðursmerkjum, s.s. gullmerkjum
Frjálsíþróttasambands Islands 1963
og Frjálsíþróttasambands Svíþjóðar
1957, gullmerki Landssambands
hestamannafélaga 1987, heiðurs-
merki hestamannafélagsins Harðar
1989 og heiðursmerki Karlakóra-
sambandsins Kötlu.
Auk starfa sinna sem hrepps-
nefndaroddviti var Jón formaður
byggingarnefndar hreppsins
1962-1982 og skipulagsnefndar
1962-1987 og hann var formaður
dómnefndar um miðbæjarskipulag
Mosfellsbæjar 1984.
38