Morgunblaðið - 26.05.2012, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 26. MAÍ 2012
Áhugaverð ferð með skírskotun til sögunnar í fylgd fararstjóra sem bjó í Austur-Þýskalandi
áður en múrinn féll. Flogið til Frankfurt og ekið til Eisenach sem er fæðingarborg bæði
Martin Luther og Johann Sebastian Bach og gist í 2 nætur. Margt að sjá þar og skoða.
Þaðan verður ekið til Leipzig sem Goethe kallaði „sína litlu París“. Gist í hjarta Leipzig í 4
nætur. Á leiðinni þangað verður komið til borgarinnar Weimar sem skipar stóran sess í
þýskri sögu en þar var stjórnarskrá Weimarlýðveldisins undirrituð. Farið í skoðunarferð í
þjóðgarðinn Sächsische Schweiz eða „demantinn við Saxelfi“. Þjóðgarðurinn hefur í gegnum
aldirnar verið vinsæll viðkomustaður landslagsmálara, sem segir kannski það sem segja
þarf. Einnig farið til Dresden sem þykir ein fallegasta borg landsins. Eftir ánægjulega daga er
haldið til Berlínar, gist þar í 3 nætur og farið í áhugaverða skoðunarferð um höfuðborgina.
Þægilegri og fræðandi ferð lýkur í barrokkborginni Fulda þar sem gist verður síðustu nóttina.
Fararstjóri: Kristín Jóhannsdóttir
Verð: 212.200 kr. á mann í tvíbýli
Innifalið: Flug, skattar, hótelgisting, hálft fæði, allar skoðunarferðir með rútu og
íslensk fararstjórn.
www.baendaferdir.is
Sp
ör
eh
f.
s: 570 2790
A L L I R G E T A B Ó K A Ð S I G Í B Æ N D A F E R Ð I R
8. - 18. ágúst
Hálftfæðiogallarskoðunarferðirinnifaldar
Travel Agency
Authorised by
Icelandic Tourist Board
Leyndar perlur Austur-
Þýskalands
SUMAR 12
Andri Karl
andri@mbl.is
Tveir karlmenn voru dæmdir til
fangelsisvistar fyrir hlutdeild sína í
Straumsvíkurmálinu svonefnda í
Héraðsdómi Reykjavíkur í gær.
Sævar Sigurðsson hlaut fjögurra
og hálfs árs fangelsi fyrir sinn hlut
í málinu og Geir Hlöðver Ericsson
tveggja ára fangelsi.
Geir Hlöðver og Sævar voru
ákærðir fyrir stórfelldan innflutn-
ing á fíkniefnum til landsins, nánar
tiltekið tæp tíu kíló af amfetamíni,
8.100 e-töflur og rúm tvö hundruð
grömm af kókaíni. Efnin voru flutt
til Íslands frá Rotterdam í Hol-
landi í vörugámi með skipi sem
lagði að bryggju í Straumsvík í
Hafnarfirði hinn 10. október 2011.
Ákæruvaldið fór fram á tólf ára
fangelsi yfir Geir Hlöðveri og tíu
ára fangelsi yfir Sævari.
Sýknaður vegna fíkniefnanna
Bæði Geir Hlöðvar og Sævar
voru sakfelldir fyrir að flytja inn
stera. Dómurinn taldi hins vegar
ekki sannað að Geir Hlöðver hefði
staðið að innflutningi fíkniefnanna
sem voru í sama gámi og sterarnir.
Í dóminum segir að gögn máls-
ins, framburður og vitnisburður
fyrir dómi séu ekki þannig að þau
dugi til að sakfella Geir Hlöðver að
þessu leyti gegn eindreginni neitun
hans. Þótt Geir Hlöðver hafi ásamt
Sævari verið sakfelldur fyrir inn-
flutning steralyfjanna leiði það
ekki sjálfkrafa til þess að unnt sé
að slá því föstu að hann hafi einnig
staðið á bak við innflutning fíkni-
efnanna þar sem ekkert liggi fyrir
um það.
Þá er talið ósannað að Sævar
hafi skipulagt fíkniefnainnflutning-
inn og er hann sýknaður af þeim
þætti. Hann hafi hins vegar tekið
að sér að koma kössunum til lands-
ins og vissi að í þeim voru steralyf.
Við ákvörðun refsingar var litið
til þess að Sævar hefur ekkert
gerst brotlegur við lög áður. Hann
játaði hreinskilnislega og vissi ekki
um fíkniefnin. Ásetningsstig hafi
því verið lágt. Hann var því dæmd-
ur í fangelsi í 4 ár og 6 mánuði.
Geir Hlöðver var dæmdur í
tveggja ára fangelsi fyrir innflutn-
ing á sterum og vörslur 659 grömm
af amfetamíni, ætluðu til söludreif-
ingar í ágóðaskyni. Hann á að baki
langan sakarferil sem hafði áhrif á
refsinguna.
Sakfelldir fyrir innflutning
 Tveir dæmdir í fangelsi vegna Straumsvíkurmálsins
 Dæmdir fyrir að hafa flutt inn stera í gámum til landsins
Morgunblaðið/Ómar
Málsvörn Verjendur í Straumsvíkurmálinu ráða ráðum sínum í dómsal.
BAKSVIÐ
Ágúst Ingi Jónsson
aij@mbl.is
Hretið í byrjun mánaðarins hægði á
umsvifum skordýra, en hefur að lík-
indum engin varanlega áhrif, að sögn
Erlings Ólafssonar, skordýrafræð-
ings hjá Nátt-
úrufræðistofnun
Íslands. Humlur
hafa verið á ferð-
inni síðustu vikur
og frést hefur af
stöku geitungi,
þótt það sé ekki
staðfest af sér-
fræðingum. Ýms-
ar tegundir eru
þegar komnar
hressilega á kreik
og á það við um asparglyttu, sem er
sólgin í lauf aspartrjáa í görðum, og
nýbúana rauðhumlu og ánabokku.
„Það eru einkum meinlausar hús-
humlur sem fólk hefur verið að sjá og
sumir hafa óþarfa áhyggjur af,“ segir
Erling. „Hún virðist vera í góðum gír
og sömuleiðis rauðhumlurnar, sem
er tiltölulega ný tegund hér á landi
og virðist koma vel undan vetri. Hún
er enn sem komið er aðeins á höf-
uðborgarsvæðinu, Suðurnesjum og
hugsanlega á Selfossi.
Loðnar og digrar
Sumar rauðhumlur hafa alsvartan
frambol og virðast þær vera algeng-
ari á Íslandi en víða annars staðar á
Norðurlöndum. Talsvert er um þetta
afbrigði í Þýskalandi, sem segir okk-
ur hugsanlega talsvert um upprun-
ann og að þessi humla hafi borist
hingað með vörum frá Þýskalandi.“
Alls eru fimm humlutegundir þekkt-
ar hér á landi.
Erling segir að auðvelt eigi að vera
að greina þessar tegundir í sundur.
Húshumlan sé röndótt, rauðhumlan
með rauðan frambol og síðan sú
dökka með alsvartan frambol. Huml-
urnar séu allar loðnar og digrar.
Í nöp við geitunga
Geitungurinn sé hins vegar allt
öðru vísi byggður, mjósleginn og
vart sést að hann sé loðinn. Mörgum
sé í nöp við geitunga, sem geta orðið
heiftúðugir og geta stungið, einkum
síðsumars þegar mest er af þeim og
þeir verða fyrir áreiti. Húsageit-
ungur hefur ekki sést hér á landi í
nokkur ár, enda er Ísland á mörkum
hins byggilega heims fyrir þessa teg-
und.
Holugeitungur er sá sem fólki
stendur mest ógn af og er fjöldi hans
mjög sveiflukenndur á milli ára.
Roðageitungur og trjágeitungar eru
meinlausari og stofnstærð þeirra
tegunda nokkuð stöðug.
Björt framtíð
Rauðhumla fannst hér fyrst í
Keflavík 19. ágúst 2008. Var þar um
drottningu að ræða og var eintakinu
komið til Náttúrustofu Reykjaness í
Sandgerði. Það er nú varðveitt í safni
Náttúrufræðistofnunar Íslands. Þá
var talið líklegt að um tilfallandi
slæðing hefði verið að ræða sem
hefði borist til Keflavíkur með skipi
eða varningi. Síðan hefur rauðhumlu
fjölgað verulega. Ætla má að rauð-
humlu bíði björt framtíð hér á Ís-
landi og er ekki ástæða til annars en
að taka henni fagnandi. Hún kann
e.t.v. að veita öðrum innfluttum
humlum nokkra samkeppni um
blómasafann en það er varla
áhyggjuefni. Eins og aðrar humlur
ber rauðhumla frjókorn á milli blóma
ötullega, metnaðarfullum garðrækt-
endum til yndisauka. Án efa hefur
rauðhumla borist til landsins með
varningi, segir á pödduvef Nátt-
úrufræðistofnunar.
Verra fyrir garðeigendur
Asparglytta er bjöllutegund sem
hefur haslað sér völl hérlendis á síð-
ustu árum og dafnað vel. „Það virðist
hafa orðið sprengja hjá henni, sem
gæti verið verra fyrir garðeigendur.
Bjallan sækir einkum í aspir og víði á
skjólgóðum stöðum og er þá gjarnan
í laufþykkninu neðst í trjánum þar
sem skjól er mest. Ég er líka hrædd-
ur um að hún geti dreifst út í náttúr-
una og lagst á víði, en hef minni
áhyggjur af öspum í skjólbeltum sem
víða er að finna, þar er yfirleitt ekki
nógu skýlt fyrir hana,“ segir Erling.
Humlur og asparglytta í góðum gír
 Fimm humlutegundir eru þekktar hér á landi  Óttast að asparglytta geti dreifst í náttúrunni og
lagst á víði  Óstaðfestar fréttir af geitungum  Útbreiðsla holugeitungs mjög sveiflukennd á milli ára
Geitungur Mjósleginn og ólíkur humlunum í skapi.
Ljósmyndir/Erling Ólafsson
Rauðhumla Algengari hér en á hinum Norðurlöndunum.Húshumla Meinlaus og fyrir nokkru komin á kreik.
Ánabokka er maðkaflugutegund,
sem síðustu ár hefur náð ból-
festu hér á landi. Hún er minni
en frændflugurnar sem oft eru
kallaðar fiskiflugur. Ánabokkan
lifir á ánamöðkum og verpir
flugan í ánamöðkum og éta lirf-
urnar maðkinn síðan upp innan
frá.
Erling Ólafsson segir að þessi
tegund virðist vera að taka vel
við sér og hann hafi til dæmis
séð talsvert af henni í Hvera-
gerði í vor þar sem hún sótti í
blómapotta. Henni fer fjölgandi
á höfuðborgarsvæðinu og ná-
grenni eins og segir á pödduvef
Náttúrufræðistofnunar.
Ánabokka nær bólfestu
LIRFAN ÉTUR ÁNAMAÐKA INNAN FRÁ
Erling
Ólafsson