Morgunblaðið - 26.05.2012, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 26. MAÍ 2012
STANGVEIÐI
Einar Falur Ingólfsson
efi@mbl.is
Þrátt fyrir að sjóbirtingurinn sé
víðast hvað genginn úr ánum er
lengi von á einum, eins og þeir
þekkja sem kastað hafa í Tungu-
læk í Landbroti. Þeir Einar Er-
lendsson og Sigurður Guðmunds-
son veiddu í Tungulæk einn dag í
vikunni og lönduðu 40 fiskum, 38
sjóbirtingum og tveimur stað-
bundnum urriðum, en að sögn
Einars vantaði ekki tökur hjá
björtum fiskinum þrátt fyrir
stinningskalda og rigningu. Fisk-
arnir voru allir á bilinu tvö til sjö
pund, flestir fjögur til fimm.
„Hæfilega mikið vatn var í ánni
og þegar skúrir voru sem mestar
mátti sitja inn í bíl, sötra kaffi og
fylgjast með fiskunum stökkva og
velta sér,“ segir Einar.
Þrátt fyrir að hrygningarfisk-
urinn sé víðast genginn má því
lengi setja í spræka geldfiska á
sjóbirtingsslóð, eins og veiðimenn
í Flóðinu í Grenlæk og Steins-
mýrarvötnum hafa einnig fengið
að reyna undanfarið.
Bara kúlulaus Peacock
Óhætt er að segja að kropp
hafi verið hjá silungsveiðimönn-
um en margir tala um að kulda-
kastið um miðjan mánuðinn hafi
hægt á lífríkinu og þar á meðal á
tökugleði fiska. Veiðimenn sem
kastað hafa fyrir urriða efst í Ell-
iðaánum hafa borið minna úr být-
um í ár en síðustu vor, hafa verið
að fá þetta frá sjö fiskum niður í
ekkert. Í Elliðavatni hafa færri
veiðimenn sést á bökkunum en
undanfarin ár, ef til vill vegna
þess að veiðileyfi eru ekki lengur
seld á Elliðavatnsbænum. Al-
gengt er að þeir sem reynt hafa
upp á síðkastið fái einn til þrjá
fiska, og aðallega urriða.
Veiðin fór afar vel af stað í
Hlíðarvatni í Selvogi í byrjun maí
en stórlega dró úr tökugleði
bleikjunnar í kuldakastinu. Í vik-
unni voru veiðimenn að ná nokkr-
um fiskum yfir daginn með góðri
ástundun, en athygli vakti hvað
þeir sem komu á land voru vel
haldnir. Ármann Sigurðsson, sem
hefur veitt í Hlíðarvatni í áratugi
og stundar það enn stíft, kominn á
tíræðisaldur, var þar í þrjá daga
og sagði að eitt kvöldið hafi Kal-
dósinn kraumað af bleikju. „En
það var erfitt að finna hvað hún
vildi en loksins fannst svarið, Pea-
cock númer 14, án kúlu. Hún leit
ekki við öðru,“ sagði hann.
Enn má komast í góða
veiði á sjóbirtingsslóðum
 Góð dagsveiði í Tungulæk  Kropp hjá silungsveiðimönnum Sunnanlands
Ljósmynd/Sigurður Guðmundsson
Silfraður Einar Erlendsson ljósmyndari býr sig undir að sleppa einum birtinganna aftur út í Tungulæk í vikunni.
Urriðaveiðin hefst í Laxá í Mývatnssveit og
Laxárdal á miðvikudaginn kemur og víst að
margir veiðimenn bíða spenntir eftir að nýta
leyfin sín og setja í þá spretthörðu fiska sem
þar búa. Nú eru hlýindi í kortunum og víst að
lífríkið í Mývatnssveit tekur þá vel við sér og
gætu fiskarnir verið enn tökuglaðari en ella.
Samkvæmt upplýsingum á vef SVFR hefur meðalþungi silungsins á ár-
svæðunum farið vaxandi milli ára. Meðalþungi veiddra fiska í Laxárdal í
fyrra var tæp fjögur pund og rúmlega þrjú pund í Mývatnssveitinni.
Stórum hluta veiðinnar var sleppt í fyrra, um 2.300 fiskum alls, og þeir
verða enn stærri í sumar ef veiðimenn ná að setja aftur í þá. Sala veiði-
leyfa á silungasvæðin hefur gengið vel og mun vera nær uppselt í júní.
Urriðinn er að stækka í Laxá
VEIÐI HEFST Á URRIÐASVÆÐUNUM Í LAXÁ Á MIÐVIKUDAG
Fallegum
Laxárurriða
stýrt í háfinn.
528
Kubota dísilmótor með 36
lítra vökvadælu, 200 bar
Hæð: 1,9 m
Breidd: 1,2 m
Þyngd: 1200 kg
Lengd: 2,5 m
Lyftihæð: 2,8 m
Lyftigeta: 950 kg
Hestöfl: 28
Hæstánægður með Avant vélina!
Stofnfiskur hf. hefur fyrir allnokkru tekið Avant 528 í
sína þjónustu. Sölvi Sturluson stöðvarstjóri í Fiskalóni,
Ölfusi, er hæstánægður með Avant vélina sem reynst
hefur mjög vel og svo sannarlega staðið undir nafni
sem liðléttingur hjá starfsmönnum Fiskalóns, sem
er ein af sjö starfsstöðum Stofnfisks ehf.
Hér er vélin að lyfta 700
lítra kari sem er meðal
annars notað við að flytja
lifandi fisk milli kerja.
Helgi Bjarnason
helgi@mbl.is
„Mikil aðsókn er til Vestmannaeyja
þegar Landeyjahöfn er opin. Hér
eru víða tækifæri og við viljum nýta
þau,“ segir Elliði Vignisson, bæj-
arstjóri í Vestmannaeyjum. Ferða-
fólki hefur fjölgað um 30% það sem
af er maímánuði, frá því sem var
sama mánuð í fyrra sem þó var
mjög góður ferðamánuður.
Þeir sem vinna að ferðamálum í
Vestmannaeyjum búa við þær að-
stæður að þeir geta fylgst nokkuð
nákvæmlega með fjölda ferða-
manna og þróun á milli tímabila. Þá
er Heimaey ekki það stór að heima-
menn verða varir við aukið líf. „Við
sjáum þetta á götum bæjarins, á
veitingahúsum, í verslunum, söfn-
unum okkar og sundlauginni. Þessu
fylgja mörg tækifæri en um leið
ábyrgð. Við erum á svo litlu svæði
að við sjáum aukinn átroðning, til
dæmis á göngustígum, og verðum
að halda þeim við,“ segir Elliði.
Á síðasta ári fóru 270 þúsund
manns á milli með Herjólfi og Elliði
segir hægt að gera sér vonir um að
farþegafjöldinn fari vel yfir 300
þúsund manns, miðað við hvað
ferðasumarið byrjar vel.
Bættar samgöngur með sigl-
ingum um Landeyjahöfn eru meg-
inskýringin á fjölgun ferðafólks.
„Við erum komin í tengsl. Það er
hægt að heimsækja okkur á til-
tölulega stuttum tíma,“ segir Elliði
og bætir við að innlendir og erlend-
ir ferðamenn átti sig á því að margt
sé þangað að sækja, bæði í náttúru
og mannlífi. Loks nefnir hann að
fólk virðist hugsa til styttri leiða
þegar bensínverð er hátt og Vest-
mannaeyjar njóti þess þá að vera í
hæfilegri fjarlægð frá fjölmennustu
byggðarlögum landsins.
30% fjölgun ferða-
fólks til Eyja
 Hér eru víða tækifæri og við viljum
nýta þau, segir bæjarstjórinn
Morgunblaðið/Árni Sæberg
Sigling Herjólfur siglir frá Eyjum
áleiðis til Landeyjahafnar.
Enn þarf að
spara á Landspít-
alanum og nú
þarf að spara sem
svarar 125 millj-
ónum króna á
ársgrundvelli.
Björn Zoëga, for-
stjóri Landspít-
alans, segir í
pistli að undan-
farnar vikur hafi
mikil vinna verið lögð í að koma spít-
alanum, og sérstaklega lyflækn-
ingasviði, aftur inn fyrir ramma fjár-
hagsáætlunar.
Eftir mikinn niðurskurð undan-
farin ár hefur starfsemi spítalans
verið að aukast, sérstaklega í fyrra
og á fyrstu mánuðum þessa árs. Eft-
ir fyrstu þrjá mánuði ársins stefndi
lyflækningasvið í verulegan halla.
Nú verður gripið til sparnaðar-
aðgerða sem munu hafa margvísleg
áhrif að sögn Björns en leitast verð-
ur við að verja öryggi sjúklinga.
„Það er þó erfitt að segja annað en
að þetta hafi áhrif á þjónustu við
sjúklinga,“ skrifar Björn í pistlinum.
Meðal aðgerða sem gripið verður
til er að dregið verður úr starfsemi á
hjartagátt og þjónustutími á föstu-
dögum styttur, valkvæðum krans-
æðamyndatökum og kransæðaþræð-
ingum verður fækkað en bráða-
starfsemi sinnt áfram. Þá verður
lengur dregið úr starfsemi á Grens-
ásdeild í sumar en áður og á líkn-
ardeild í Kópavogi verða einungis
átta rúm opin til 1. september.
Göngudeildir sviðsins verða meira
lokaðar en fyrri ár. Þá verður stefnt
að því að stytta legutíma á legudeild-
um. Einnig stendur yfir endur-
skoðun á vöktum og yfirvinnu.
Áfram verður haldið að fækka
stjórnendum og skýra ábyrgð þeirra
sem eftir verða, einkum í sjúkra- og
iðjuþjálfun. gudni@mbl.is
Land-
spítalinn
sparar
 Lyflækningasvið
stefndi í halla
Björn Zoëga