Morgunblaðið - 26.05.2012, Blaðsíða 48

Ljósmynd/Marco Borggreve
Christoph PrégardienPhoto Marco BorggreveSigyn Jónsdóttir
sigyn@mbl.is
Þýski tenórinn Christoph Prég-
ardien heldur tónleika ásamt píanó-
leikaranum Ulrich Eisenhlohr í
Hörpu á morgun en tónleikarnir eru
hluti af dagskrá Listahátíðar í
Reykjavík. Ulrich Eisenlohr er af-
skaplega virtur konsertpíanisti og
Prégardien er einn af fremstu ljóða-
söngvurum heims.
Spila á allan tilfinningaskalann
Prégardien og Eisenlohr hafa
báðir sérhæft sig í kammertónlist og
hefur Prégardien unnið hart að út-
breiðslu hennar. „Við höfum starfað
mikið saman í gegnum tíðina og er-
um báðir alveg einstaklega hrifnir af
Liederkreis sem Schumann samdi
við ljóð Joseph von Eichendorff svo
við ákváðum að flytja það á tónleik-
unum á Íslandi,“ útskýrir hinn geð-
þekki Prégardien en ásamt því að
flytja verkið Liederkreis op. 39 eftir
Robert Schumann á tónleikunum
munu þeir einnig flytja níu ljóða-
söngva eftir Franz Schubert. „Okk-
ur fannst passa vel að flytja einnig
ljóðasöngva Schubert við ljóð Ernst
Schulze en þeir söngvar skapa
skemmtilega andstæðu við hið fjör-
uga Liederkreis,“ segir Prégardien
og lofar fjölbreyttri skemmtun á
tónleikunum. „Þetta verða líflegir og
kraftmiklir söngvar fyrir hlé en
dýpri og tilfinningameiri eftir hlé,“
segir Prégardien og bætir við að
með þessu móti nái þeir að fara yfir
allan tilfinningaskalann á tónleik-
unum. Hinir hátíðlegu ljóðatónleikar
Christoph Prégardien og Ulrich Ei-
senlohr verða haldnir í Norður-
ljósasal Hörpu kl. 15 á hvítasunnu-
dag.
Leggur áherslu á túlkun
Til viðbótar við tónleikana munu
þeir Prégardien og Eisenlohr halda
svokallað masterklass, námskeið
fyrir íslenska söngvara og píanóleik-
ara. Aðspurður segist Prégardien
hlakka mikið til að heyra í íslenskum
söngvurum en hann er einn af
fremstu ljóðasöngvurum heims og
hefur kennt söng í rúm tólf ár.
„Þetta verður stutt masterklass svo
ég hugsa að ég reyni að einbeita mér
aðallega að túlkun. Að mínu mati
kemst maður reyndar ekki hjá því að
kenna raddbeitingu og aðra tækni
um leið og farið er í túlkun, þetta
helst allt í hendur,“ segir hann um
námskeiðið sem verður að öllum lík-
indum virkilega spennandi og
áhugavert fyrir þá íslensku lista-
menn sem taka þátt.
Líflegir og
kraftmiklir
ljóðasöngvar
 Tenórinn Christoph Prégardien
syngur ljóðasöngva á hvítasunnudag
48 MENNING
MORGUNBLAÐIÐ LAUGARDAGUR 26. MAÍ 2012
Sænski sýningarstjórinn og
fagurfræðingurinn Jonatan
Habib Engqvist verður með
leiðsögn um [I]ndependent
people eða Sjálfstætt fólk í
Listasafni Íslands á morgun
milli kl. 13-14.
Sjálfstætt fólk leggur und-
ir sig mörg sýningarrými,
sýningarsali, söfn og op-
inbera staði meðan á
Listahátíð í Reykjavík stend-
ur og í sumum tilvikum fram eftir sumri. Lögð
er áhersla á samtímamyndlist frá Norð-
urlöndum og Eystrasaltslöndunum og taka þátt
í verkefninu 29 hópar listamanna og eru í þeim
yfir 100 þátttakendur.
Myndlist
Leiðsögn um
Sjálfstætt fólk
Jonatan Habib
Engqvist
Prímadonnur Íslands er yfir-
skrift tónleika sem Tónlistar-
félag Ísafjarðar stendur fyrir í
Hömrum mánudaginn 28. maí
kl. 15. Þar koma fram Hulda
Björk Garðarsdóttir sópran,
Þóra Einarsdóttir sópran,
Auður Gunnarsdóttir alt ásamt
píanóleikaranum Helgu Bryn-
dísi Magnúsdóttur.
Á tónleikunum flytja þær
tónlist úr óperum og ýmis fræg
sönglög ýmist allar saman eða í dúettum og sem
einsöngvarar. Meðal annars verða flutt atriði úr
óperunum Töfraflautunni og Brúðkaupi Figarós
eftir Mozart og Il trovatore eftir Verdi, en tónleik-
arnir enda á hinum fræga kattadúett Rossinis.
Tónlist
Prímadonnur
Íslands í Hömrum
Þóra
Einarsdóttir
Sýning með myndum Páls
Stefánssonar ljósmyndara
verður opnuð hjá bókaútgáf-
unni Crymogeu í dag kl. 14, en
sýningin stendur út júní. Á
sýningunni gefur að líta mynd-
ir Páls frá Sumgayit í Aserba-
ídjan.
Að sögn sýningarhaldara er
Páll einn örfárra erlendra ljós-
myndara sem hafa náð að taka
myndir af umdeildum stöðum í
landinu á undanförnum árum. Sem dæmi má
nefna að árið 2010 tók Páll myndir í Sumgayit í
Aserbaídjan, sem talinn er einn mengaðasti stað-
ur heims. Honum var í framhaldinu stungið í
steininn og vísað úr landi.
Ljósmyndir
Umdeildar myndir
frá Aserbaídsjan
Páll
Stefánsson
Myndlistarmennirnir Davíð Örn Halldórsson,
Helgi Þórsson og Sigtryggur Berg Sigmars-
son opna í dag kl. 16 sýningu á verkum sínum
í Galleríi Ágúst. Þremenningarnir eiga það
sameiginlegt að hafa verið iðnir við list-
sköpun á undanförnum árum og eru verkin
kraftmikil og litskrúðug. Yfirskrift sýning-
arinnar er Kosmískir fletir andanna. En
skyldi eitthvert þema binda verkin saman?
„Ég held að við höfum aldrei rætt það,
hvort það væri eitthvert þema,“ segir Helgi.
Þeir hafi einfaldlega viljað sýna saman. „Það
er mikið verið að líkja okkur saman en þar
sem við erum einhvern veginn involveraðir í
þetta sjálfir erum við ósammála því.“ Gallerí
Ágúst er ekki stórt sýningarrými og segir
Helgi að það verði fyllt vel út í salinn með
verkum þeirra félaga.
– Tengið þið ykkur við einhvern ákveðinn
myndlistarstíl?
„Nei, eiginlega ekki, þetta virkar frekar
gamaldags við fyrstu sýn, finnst mér,“ svarar
Helgi. Þó megi finna tengingu við nútímann.
Kristín Ómarsdóttir, rithöfundur og leik-
skáld, samdi texta fyrir sýninguna og er þar
skáldleg mjög eins og sjá má af eftirfarandi
textabroti: „Það rignir: misþungir dropar
renna í taumum og falla stakir margir saman
og lenda með mismjúkum dunki niður á stétt-
ina, göturnar, þökin, gulir, bleikir, rauðir,
appelsínugulir, grænir – grænt regn fellur
ofan í brunn sem samanstendur af lófa barns,
það stendur undir þakrennu og hlustar á
dropana detta ofan á hettu pollagallans.
Gult regn, bleikir dropar, rauðir,
appelsínugulir, svartir renna niður þakið,
snúast í kringum rennuna og niður í pollinn
sem safnast í upp við húsið og barnið stígur
upp úr.“ Frekari upplýsingar má finna á gall-
eriagust.is. helgisnaer@mbl.is
Frekar gamaldags við fyrstu sýn
 Þrír listamenn sýna verk sín í Gallerí Ágúst
 Oft líkt saman þó ólíkir séu, segir einn sýnenda
Morgunblaðið/Árni Sæberg
Litskrúðugir Myndlistarmennirnir Sigtryggur Berg og Helgi Þórsson í Gallerí Ágúst.
Stórsveit Reykjavíkur heldur tón-
leika í Kaldalónssal Hörpu á morgun
kl. 14. Gestur hljómsveitarinnar að
þessu sinni verður tónskáldið og
stjórnandinn Geir Lysne frá Noregi.
Hann mun stjórna heilli dagskrá
eigin verka. „Geir hefur vakið mikla
athygli undanfarið og þykir ýmsum
kveða við nýjan tón í skrifum hans
fyrir stórsveit. Geir hefur m.a. verið
ráðinn til að stjórna ýmsum af helstu
stórsveitum Evrópu, þ.m.t. þýsku og
dönsku útvarpsstórsveitunum,“ seg-
ir m.a. í tilkynningu skipuleggjenda.
Stórsveit
Reykjavík-
ur í Hörpu
 Tónskáldið Geir
Lysne stjórnar
Vestanvindar
nefnist dagskrá
sem haldin verð-
ur í Edinborg-
arhúsinu á Ísa-
firði nk. mánu-
dag kl. 14 og
tileinkuð er
Rögnvaldi Á.
Ólafssyni sem
nefndur hefur
verið fyrsti ís-
lenski arkitektinn. Þar flytja erindi
þeir Sigurður Pétursson sagnfræð-
ingur og Pétur H. Ármannsson
arkitekt. Kynnt verður stefnuskrá
og framtíðarplön Stofnunar Rögn-
valdar Á. Ólafssonar.
Rögnvaldur fæddist á Ytrihúsum
í Dýrafirði 1874 og ólst upp á Ísa-
firði. „Hann lagði stund á nám í
arkitektúr í Kaupmannahöfn fyrst-
ur Íslendinga og varð merkilegur
brautryðjandi í íslenskri bygging-
arlist. Á stuttum ferli í starfi, sem
síðar var kallað embætti húsameist-
ara ríkisins, teiknaði hann mörg
prýðileg hús og opinberar bygg-
ingar. Hann teiknaði mörg húsanna
við Tjarnargötu í Reykjavík og 25
kirkjur víða um land. Rögnvaldur
lést úr berklum á Vífilsstaðaspítala
árið 1917,“ segir m.a. í tilkynningu
skipuleggjenda.
Fyrsti
arkitektinn
Rögnvaldur Á.
Ólafsson
Á þriðjudag halda Prégardien og
Eisenlohr saman masterklass fyrir
íslenska listamenn. Sjö pör söngv-
ara og píanóleikara koma fram en
þar á meðal eru til dæmis Garðar
Thór og Krystyna Cortes, Hulda
Björk Garðarsdóttir og Árni Heiðar
Karlsson og Auður Gunnarsdóttir
og Guðrún Dalía Salómonsdóttir.
Námskeiðið er opið áheyrendum
og stendur yfir frá kl. 10-17 þriðju-
daginn 29. maí í Kaldalóni í Hörpu.
Kenna túlkun og tækni
MASTERKLASS FYRIR ÍSLENSKA LISTAMENN
Fagmaður Cristoph Prégardien er einn fremsti ljóðasöngvari heims.