Morgunblaðið - 15.03.2013, Side 34

Í fréttum RÚV sjón-
varps 11. þ.m. var sagt
að veðurfarsmæl-
ingum vegna hugs-
anlegs flugvallar á
Hólmsheiði væri lokið,
og að fréttastofan
hefði undir höndum
„kynningu á málinu
sem ekki hefur verið
gerð opinber“. Var þar
vitnað í „minnisblað
verkfræðistofunnar
Mannvits, sem hefur skoðað veð-
urmælingarnar. Þar segir að veð-
urfar á Hólmsheiði sé töluvert óhag-
stæðara en á Reykjavíkurflugvelli.
Mannvit telur þó að viðunandi nýt-
ing náist á flugvellinum þó hún verði
ekki jafngóð og á Reykjavík-
urflugvelli“. Þessi tíðindi voru í
fréttatímanum rædd við formann
borgarráðs.
Það vekur óneitanlega furðu að
heyra slíkar yfirlýsingar þar sem
umrædd gögn hafa ekki enn verið
kynnt íslenskum flugrekendum, sem
eru mun betur til þess bærir að
meta „viðunandi nýtingu“. Meðal
þeirra er Flugfélag Íslands, sem
sinnt hefur áætlunarflugi til og frá
Reykjavík í heil 75 ár.
Samkvæmt vinnureglum ICAO
og WMO er gert ráð fyrir 5-7 ára
mælingum veðurþátta áður en hug-
að er að gerð nýs flugvallar. Slíkt er
m.a. forsenda þess að velja flug-
brautum réttar stefnur. Veðurstofu
Íslands var falin framkvæmd veð-
urmælinga á Hólmsheiði, og voru
Flugstoðir ohf. verkkaupi fyrsta
áfanga. Skýrsla merkt „VÍ 2009-
016“ ber heitið „Veðurmælingar á
Hólmsheiði 11. jan. 2006-31. okt.
2009“, og er birt á vefsíðunni
www.vedur.is. Í niðurstöðum segir:
„Stöðin liggur lengra inni í landi
en Reykjavíkurflugvöllur og um 120
m hærra. Því var meðalhitinn 1,1°C
lægri á Hólmsheiði, lægsti hiti lægri
og hæsti hiti hærri en á Reykjavík-
urflugvelli. Ennfremur mældist hiti
við eða undir frostmarki mun oftar, í
48% tilvika yfir vetrarmánuðina en í
29% tilvika á Reykjavíkurflugvelli.
Rakastig lofts var hærra á Hólms-
heiði en á Reykjavíkurflugvelli, sem
bendir til þess að tíðni þoku og súld-
arveðurs sé hærri.
Ætla má, í ljósi mæl-
inga á hitafari og raka-
stigi, að viðhalds-
aðgerðir vegna hálku
og ísingar á Hólmsheiði
yrðu nokkru umfangs-
meiri en á
Reykjavíkurflugvelli.
Meðalvindhraði var 1,1
m/s hærri og mesta
vindhviða 7 m/s hvass-
ari. Úrkoma mældist
100 mm meiri en í
Reykjavík. Tíðni lítils
skyggnis og lágrar
skýjahulu er hærri á Hólmsheiði en
á Reykjavíkurflugvelli. Mat á not-
hæfisstuðli fyrir fyrirhugaðan flug-
völl er lægra en sambærilegt mat
fyrir Reykjavíkurflugvöll. Því má
draga þær ályktanir af þeim veð-
urgögnum sem tiltæk eru að það séu
líkur á því að nothæfi flugvallar á
Hólmsheiði yrði nokkru minna en
nothæfi núverandi flugvallar í
Reykjavík.“
Af lestri framangreinds er ljóst,
að með hliðsjón af veðurfarslegum
þáttum einum saman kæmi Hólms-
heiði ekki til álita sem sá flugvöllur,
sem þjóna ætti sem miðpunktur inn-
anlandsflugs Íslands. Á vefsíðu Veð-
urstofu kemur fram að í lok árs 2012
hafi verið lokið skýrslu um annan
þátt veðurmælinga. Hún er merkt
„VÍ 2012-017“, og ber heitið „Veð-
urmælingar á Hólmsheiði 1. feb.
2006-31. okt. 2012“, en er á þessu
stigi „lokuð“. Þegar leitað var skýr-
inga kom fram, að skýrslan væri
ekki opinber „þar sem verkkaupinn
er ekki búinn að kynna hana fyrir
sínum aðilum“. Verkkaupi í þessu
tilviki mun vera Reykjavíkurborg.
Núverandi Reykjavíkurflugvöllur
hefur þá sérstöðu að að- og brott-
flugsferlar hans liggja að mestu
leyti yfir sjó. Við aðflug til suðurs að
aðalflugbrautinni er flogið aðeins 1,6
km feril yfir byggt svæði, þ.e. frá
Örfirisey að Tjörninni. Svo vill til, að
á þessu litla svæði eru tveir virtir
vinnustaðir 78 kjörinna fulltrúa, þ.e.
63 alþingismanna og 15 borgarfull-
trúa, og kann það hafa einhver áhrif
á skoðanir sumra þeirra um þýðingu
flugsamgangna.
Hugsanlegur flugvöllur á Hólms-
heiði yrði hins vegar um sjö km frá
strönd og í 135 m hæð. Í umræðum
um hann hefur til þessa ekkert verið
minnst á að- og brottflugsferla, og
því tími kominn til að ræða slíkt. Að-
alblindaðflugið yrði til austurs, og sú
flugbraut því búin blindlending-
arkerfi (ILS), sbr. meðfylgjandi
mynd. Staðalstaðsetning svonefnds
ytri markvita slíks kerfis er 7,2 km
frá lendingarstað, þ.e. að stöðin yrði
í Vogahverfinu, skammt vestan við
ósa Elliðaáa.
Vestan og norðvestan við þessa
stöð yrði svo hefðbundin blind-
aðflugsslaufa, sem þá lægi yfir
Sundahverfi, Heimahverfi, Múla-
hverfi og Skeifunni. Lokaaðflugsfer-
illinn, og í lágum flughæðum, lægi
síðan yfir Höfðahverfi og Árbæj-
arhverfi. Næst þegar borgar-
fulltrúar efna til hverfafunda fyrir
austan læk væri tilvalið að kynna
þessi mál íbúum þessara fjölmennu
borgarhverfa.
Gróflega vanhugsaðar hugmyndir
um „flutning“ Reykjavíkurflugvallar
úr Vatnsmýri komu fram í upphafi
valdatíma R-listans 1994-2006. Með
þetta steinbarn í maganum rogast
nú enn fánaberi Samfylkingar í
borgarstjórn. Undanfarinn áratug
hefur verið gerður fjöldi marktækra
kannana um afstöðu þegna landsins
til núverandi flugvallar. Sammerkt
þeim er afgerandi og vaxandi stuðn-
ingur við flugvöllinn á núverandi
stað, bæði af hálfu íbúa Reykjavíkur
og landsins alls. Þessa dagana er
mikið rætt um þörf fyrir aukið íbúa-
lýðræði. Er til of mikls vænst af nú-
verandi borgarfulltrúum að þeir taki
mið af slíkum eindregnum vilja kjós-
enda?
Horft til heiða
Eftir Leif
Magnússon
» Í umræðum um
Hólmsheiði hefur til
þessa ekkert verið
minnst á að- og brott-
flugsferla, og því tími
kominn til að ræða
slíkt.
Leifur
Magnússon
Höfundur er verkfræðingur.
Horft í austur að Hólmsheiði að aðalflugbrautinni.
34 UMRÆÐAN
MORGUNBLAÐIÐ FÖSTUDAGUR 15. MARS 2013
Fólk sem lifað hefur
langa ævi veltir oft
fyrir sér hlutunum á
annan hátt en þeir sem
minni reynslu hafa.
Pensjónistinn sem hér
skrifar er frekar al-
vörugefinn maður,
sem sjaldan fjallar um
málefni dagsins af létt-
úð, enda mál samtím-
ans þannig vaxin að
þau leyfa ekki gálausa umfjöllun.
Einstaka sinnum bregður hann þó
út af og leyfir sér gáskafulla fram-
setningu þótt undirtónninn sé alvar-
legur.
Það hefur auðvitað ekki farið
framhjá neinum, að spár um nið-
urstöður kosninganna í vor eru bæði
Sjálfstæðisflokki og Framsóknar-
flokki hagstæðar í betra lagi, svo
margir telja fullvíst að með vorinu
myndi þessir „gömlu flokkar“ enn
einu sinni ríkisstjórn.
Á endurminningakvöldfundi í fé-
lagi pensjónista bar pólitíkina á
góma, ásamt fleiru. Menn sátu sam-
an í hring og spáðu í spilin og áður
en varði var búið að skapa nýja rík-
isstjórn.
Þar sem um svo reynsluríka sam-
komu var að ræða þykir pensjónist-
anum við hæfi að sýna alþjóð nið-
urstöðu þessa dagskrárliðar
fundarins og fáeinar athugasemdir,
sem flutu með:
Forsætisráðherra – Sigmundur
Davíð Gunnlaugsson, allir voru á
einu máli um þetta embætti, þar sem
Framsóknarflokkurinn hýsti um
þessar mundir vænan hóp flóttafólks
úr Sjálfstæðisflokknum yrði Sig-
mundur þar með orðinn formaður
beggja flokka og því sjálfkjörinn í
embættið.
Atvinnuvega- og nýsköpunar-
ráðherra – Einar K. Guðfinnsson,
góður maður og gegn, sem myndi
bjarga sjávarútveginum samdægurs
frá skattaklóm Steingríms J. Sigfús-
sonar, fella niður „ósanngjarnar“
álögur og festa gamla kvótakerfið í
sessi, með framsali, veðsetningu og
eignaraðild.
Fjármála- og efnahagsráðuneytið
– Illugi Gunnarsson, maður með
reynslu.
Innanríkisráðuneytið – Kristján
Þór Júlíusson, fyrrverandi bæj-
arstjóri, eða Brynjar Níelsson lög-
fræðingur. Hér greindi menn á,
enda báðir kandídatarnir vænir
menn.
Mennta- og menning-
armálaráðherra – Vig-
dís Hauksdóttir, fædd í
embættið, einn af
fremstu ræðumönnum
Framsóknarflokksins,
kunn að snjöllum mál-
flutningi á gullald-
aríslensku.
Umhverfis- og auð-
lindaráðherra – Sig-
urður Ingi Jóhannsson,
myndi umstafla
Rammaáætlun og veita
atvinnulífinu óheftan aðgang að
ósnortnum öræfum landsins undir
kjörorðinu „drift og frumkraftur“.
Utanríkisráðuneytið – Bjarni
Benediktsson, skeleggur ræðumað-
ur, sem stæði dyggan vörð um að
þjóðin lenti ekki á neinum glap-
stigum í alþjóðlegri friðar- og um-
hverfismálaumræðu og að vörnum
landsins yrði borgið.
Velferðarráðuneytið – Hanna
Birna Kristjánsdóttir, sjálfsagður
kandidat, góðviljuð manneskja, sem
hugsar vel um alla, sem eiga um sárt
að binda.
Svona raðaði endurminninga-
fundur íslenskra pensjónista upp
ráðherralistanum, einhverjir kunna
að gera athugasemdir við kynjahlut-
fallið og svoleiðis smáræði, en þann-
ig gerist þegar margir eru tilkall-
aðir, en fáir útvaldir, við því er
ekkert að segja.
Þegar heim var komið mátaði pen-
sjónistinn listann við hugmynda-
fræði framtíðarinnar og vonbrigðin
létu ekki á sér standa, honum sýnd-
ist fátt, sem vakið gæti vonir í brjósti
framtíðarbarnanna, þvert á móti.
Hljómkviða sérhagsmunaaflanna
er í vinnslu, þar sem stóriðju-
trumbur og vélaskarkali að við-
bættum útblásturslúðrum stóriðju-
veranna mynda hljómsveitina. Það
fer hrollur um pensjónistann við til-
hugsunina eina saman.
Ný ríkisstjórn í maí
Eftir Jón
Hjartarson
Jón Hjartarson
»Hljómkviða sérhags-
munaaflanna er í
vinnslu, þar sem stór-
iðjutrumbur og véla-
skarkali að viðbættum
útblásturslúðrum stór-
iðjuveranna mynda
hljómsveitina.
Höfundur er eftirlaunamaður og skip-
ar 19. sæti á lista Vinstri-grænna í
Suðurkjördæmi.
Vantar þig heimasíðu?
Snjallvefir sem aðlaga sig að öllum skjástærðum.
Verð frá 14.900 kr. + vsk
Fyrirtæki með yfir 20 ára reynslu
Sími 553 0401
www.tonaflod.is