Morgunblaðið - 16.03.2013, Qupperneq 18

18 FRÉTTIRInnlent
MORGUNBLAÐIÐ LAUGARDAGUR 16. MARS 2013
Morgunblaðið/Ómar
Rannsakaði vanskil Stefán Þór Björnsson hélt fyrirlestur í Háskóla Íslands
um úrvinnslu vanskila í íslensku fjármálakerfi eftir hrun.
„Endurskipulagning vanskilalána
eftir hrun hefur gengið eins vel og
við mátti búast,“ segir Stefán Þór
Björnsson, sérfræðingur á greining-
arsviði Fjármálaeftirlitsins. Stefán
kynnti í gær niðurstöður rannsóknar
sinnar um úrvinnslu vanskila í ís-
lensku fjármálakerfi eftir hrun.
Hann segir vanskilahlutfall stórra
fyrirtækja hafa lækkað hraðast.
„Mestu verðmæti íslensku bankanna
eru í útlánum til stórra fyrirtækja og
mestur kraftur hefur farið í að
lækka vanskilahlutfallið þar. Hlut-
fall vanskila hjá einstaklingum er
líka að lækka, en það reis aldrei jafn
hratt og hjá stóru fyrirtækjunum.“
Árangurinn ekki lakari hér
Í rannsókninni bar Stefán saman
þróun vanskilahlutfalls eftir hrun á
Íslandi við sams konar tölur frá ann-
arsvegar Eistlandi, Búlgaríu, Make-
dóníu og Rúmeníu, og hinsvegar töl-
ur frá Indónesíu og Taílandi eftir
fjármálahrunið í Asíu 1997. Niður-
stöðurnar sýni að árangur Íslands í
endurskipulagningu vanskilalána
hafi ekki verið lakari en í öðrum
löndum. Þó hlutfall vanskila hafi
verið hærra á Íslandi en í öðrum
Evrópulöndum rétt eftir hrun hafi
það lækkað hratt en sé enn að
hækka í öðrum löndum.
Mikilvægt að losa vanskil
Stefán segir erfitt fyrir fyrirtæki
sem eru í vanskilum og skulda meira
en þau ráða við að taka fullan þátt í
atvinnulífinu. Það geri þeim erfitt að
fjármagna nýjar fjárfestingar og
birgjar og viðskiptavinir séu líklegri
til að vantreysta þeim. Það sé því
mikilvægt að endurskipuleggja slík
fyrirtæki og hreinsa í burtu vanskil
svo þau geti starfað almennilega í
hagkerfinu. Hann segir það sama
gilda um einstaklinga. Fólk verði að
vita endanlega skuldastöðu sína til
að geta skipulagt sig fram í tímann.
„Hlutfall vanskila í kerfinu eru besti
mælikvarðinn sem segir okkur
hversu hratt og hversu vel þessi
endurskipulagning gengur.“
hrj36@hi.is
Minni vanskil fólks og fyrirtækja
 Endurskipulagning vanskilalána hjá stórfyrirtækjum hefur gengið hraðast
Tveir karlar á
þrítugsaldri,
annar frá Lithá-
en en hinn ís-
lenskur, voru í
gær í héraðs-
dómi úrskurð-
aðir í áframhald-
andi gæslu-
varðhald til 22.
mars í tengslum
við fíkniefnamál,
sem er til rannsóknar hjá lögregl-
unni á höfuðborgarsvæðinu. Þá
var Lithái á fimmtugsaldri úr-
skurðaður í farbann til 12. apríl í
þágu rannsóknarinnar.
Áðurnefndir Litháar, sem voru
báðir handteknir í síðustu viku og
úrskurðaðir í gæsluvarðhald,
komu hingað til lands frá Bret-
landi, en annar þeirra reyndist
hafa innvortis um 500 grömm af
ætluðu kókaíni. Íslendingurinn,
sem er grunaður um aðild að mál-
inu, var hins vegar handtekinn
fyrr í vikunni.
Tveir áfram í haldi
vegna fíkniefnamáls
Reyndu að smygla
inn fíkniefnum.
„Ég tel að það hafi ekki komið oft fyr-
ir að hross hafi fengið þessar tölur í
töltkeppni í mars. Hún hefur allt til
brunns að bera og er í rauninni kom-
in í fremstu röð,“ segir Viðar Ingólfs-
son sem sigraði í töltkeppni meist-
aradeildarinnar í hestaíþróttum í
fyrrakvöld á hryssu sinni, Vornótt frá
Hólabrekku. Fengu þau 8,89 í heild-
areinkunn.
Viðar komst upp í annað sætið í
stigakeppni knapa í meistaradeild-
inni með sigrinum. Hann segir að allt
geti gerst, þegar hann er spurður um
áframhaldið í mótaröðinni, enda séu
tvö mót eftir og fjórar greinar, þann-
ig að 48 stig séu enn í pottinum. Hann
reiknar með að fara á Má frá Feti í
gæðingaskeið en er að leita að góðum
skeiðhestum í hinar greinarnar. Við-
ar er einn af sigursælustu knöpum
mótaraðarinnar. Mótið var það átt-
unda sem hann hefur unnið.
Viðar rekur alhliða hestamiðstöð á
Kvíarhóli í Ölfusi ásamt konu sinni,
Jónu Margréti Ragnarsdóttur. „Sal-
an mætti vera meiri, því er ekki að
leyna. Topphestarnir seljast en al-
mennir reiðhestar síður,“ segir Viðar
þegar hann er spurður um stöðu
greinarinnar. „Það þýðir ekki að
kvarta, maður setur bara undir sig
hausinn og heldur áfram. Það eru
nóg tækifæri ef menn bera sig eftir
þeim.“
Stefnir með Má til Berlínar
Viðar stefnir eins og fleiri að því að
komast í landsliðið fyrir HM í Berlín í
sumar og reiknar með að reyna fyrir
sér með Má frá Feti í fimmgangi og
gæðingaskeiði. „Maður verður að
hafa eitthvað ákveðið til að stefna
að,“ segir Viðar en getur þess að
hann breyti áherslun ekki mikið frá
því sem unnið er daglega að, þótt
stefnan sé tekin til Berlínar.
helgi@mbl.is
Hefur allt til
brunns að bera
 Viðar Ingólfsson og Vornótt sigruðu
Á efsta palli Viðar Ingólfsson sigr-
aði í 8. sinn á móti meistaradeildar.
Á fundi bæjarráðs Reykjanesbæjar í
fyrradag var eftirfarandi bókun sam-
þykkt samhljóða með öllum greiddum
atkvæðum:
„Bæjarráð Reykjanesbæjar minnir
á að ítrekað hefur komið fram í máli
forsvarsmanna ríkisstjórnarinnar að
sambærilegt frumvarp verði lagt
fram um Helguvík og gert er um
Bakka. Minnt er á að nú eru örfáir
dagar til þingloka. Í frumvörpum um
Bakka er verið að lögsetja þjálfunar-
styrki, styrki til vegagerðar, lóða-
framkvæmda og stuðning við hafnar-
framkvæmdir. Á viðræðufundi með
fjármálaráðherra var óskað eftir að
forsvarmenn bæjarins hlutuðust til
um að lögð yrði fram umsögn vænt-
anlegs kísilvers vegna þjálfunar-
styrks, sem hefur verið gert. Bæjar-
ráð treystir því að frumvarpið verði
lagt fram af ríkisstjórninni.“
Vilja eins
frumvarp
 Suðurnesjamenn
hvetja ríkisstjórnina
www.nordichealth.is
Í Form á 40 dögum.
Verð 4900 kr.
Sendum í póstkröfu.
Heilsumeðferðir Jónínu Ben eru þekktar fyrir að
skila árangri og bæta líðan og heilsu.
Í samstarfi við lækni hótelsins er unnið einstaklingsmiðað að því
að lækna og fyrirbyggja lífstílssjúkdóma svo sem háþrýsting,
sykursýki 2, húðsjúkdóma, offitusjúkdóma, streytu, þunglyndi og kvíða.
Læknir hótelsins aðstoðar fólk við að losa sig við lyf með breyttu
mataræði.
Mikil fræðsla og hreyfing er í boði eftir því sem fólk treystir sér til.
Meðferðin er 2 vikur en hafi fólk komið áður er í lagi að taka eina
viku. Flogið er til Gdansk þar sem leigubíll býður.
Upplýsingar og pantanir í síma 822 4844
og á joninaben@nordichealth.is.
PÓLLAND UM PÁSKANA