Morgunblaðið - Sunnudagur - 16.06.2013, Qupperneq 32

32 MORGUNBLAÐIÐ SUNNUDAGUR 16.6. 2013
Matur og drykkir
Þ
etta byrjaði allt fyrir fjórtán
árum að tvenn vinahjón í
miðbæ Hafnarfjarðar,
Linda og Nonni og Elín og
Borgar, ákváðu að hittast á hverju
þriðjudagskvöldi með börnin og eiga
gæðastund saman.
Sparar sálfræðiþjónustu
Elín segir þessi matarboð hafa spar-
að þeim mikið á allan hátt. „Við er-
um öll í rekstri, þannig að þetta er
búið að spara okkur ráðgjöf og heil-
marga sálfræðitíma,“ segir hún. Elín
og Borgar reka ferðaþjónustuna Af-
rika.is sem sérhæfir sig í ferðum til
Austur-Afríku, og eru einnig með
bændagistinguna Glacier View
Guesthouse í Hrífunesi. Linda og
Nonni reka heilsuræktina Hress í
Hafnarfirði og hafa þau því nóg að
tala um og ráðfæra sig hvert við
annað. „Við erum öll rosalegir trún-
aðarvinir og förum saman í gegnum
hlutina,“ segir þau.
Ora-fiskbollur eða nautasteik
Þetta byrjaði allt með Ora-
fiskibollum en þau elda nú alltaf úr
fersku hráefni. „Ég rúlla upp heilu
matarboðunum núna, ekkert mál,“
segir Linda. Annars segjast þau oft-
ast hafa hversdagsmat, sem þó hefur
þróast í gegnum árin í flóknari rétti.
„Það var ákveðið strax í upphafi að
fara ekkert út í stórkostlega stæla í
matargerð,“ segir Borgar. Þau segja
mikilvægara að styrkja vináttuna.
Karlarnir fá stundum að elda og
gera það með glæsibrag. „Nonni er
naut, og eldar nánast alltaf það sama
– naut,“ segir Elín og hlær.
Krakkarnir elda líka
Krakkarnir, Máni, Steinn, Nótt og
Embla, öll á unglingsaldri, eru farin
að taka við eldamennskunni annað
slagið, en elsta barnið er flutt að
heiman. Krakkarnir fá pening og
versla sjálf og skipuleggja. „Þau
voru með nachos og nautahakk í for-
rétt og hakk og spagettí í aðalrétt
um daginn,“ segir Linda. Krakk-
arnir tóku hlutverk sitt mjög alvar-
lega og gerðu matseðla á tveimur
tungumálum, klæddust þjónsbún-
ingum og reyndu síðan að selja
foreldrum sínum matinn!
Kjúlli með glerbrotum
Mörg eftirminnileg matarboð hafa
verið haldin á þessum fjórtán árum,
en nokkur standa upp úr. „Það var
kjúklingur með glerbrotum!“ segir
Elín. Það var búið að setja kjúkling-
inn á fat á borðið þegar ekki vildi
betur til en að glas brotnaði yfir
réttinn. „Við horfðum hvert á annað,
bara; er þetta ónýtur matur eða
hvað?“ Linda bætir við: „Við vorum
ógeðslega svöng!“ Þær tíndu úr
stærstu glerbrotin og borðuðu kjúk-
linginn. „Við vonuðum bara það
besta, og það var allt í lagi með alla,“
segir Elín og þær skella báðar upp
úr.
Brutust inn til að halda jól
Jólaboðin eru alltaf óvenjuleg. „Ég
er svo mikið jólabarn en Borgar er
svona „Scrooge“,“ segir Linda,
„þannig að jólaboðin eru alltaf hjá
okkur og allir verða að koma með
flott atriði.“ „Þau hafa brotist inn til
okkar!“ segir hún. „Já, það var það
besta, við brutumst inn til þeirra,
fórum í föt af þeim og vorum bara í
eldhúsinu og uppi í rúminu þeirra og
þóttumst hafa haldið jólin,“ segir
Elín. Myndbandið af þessu var svo
sýnt í kvöldverðarboðinu.
Hrefnusteik hvalfriðarsinnans
Grínið er aldrei langt undan í þess-
um boðum. Borgar rifjar upp þegar
þau íhuguðu að gefa út bók með upp-
skriftum úr matarboðunum. „Kjúlli
með glerbrotum, Drullaðu-þér-út-
frampartur og Hrefnusteik hvalfrið-
arsinnans,“ segir hann. „Ekki
gleyma Brúnaður rörahéri í lífrænni
sósu!“ kallar Linda og þau skelli-
hlæja. Það var rottugangur á lóðinni
hjá Lindu og Nonna. „Það var allt í
einu allt fullt af holum í garðinum,“
segir Nonni hlæjandi, „ég hringdi í
meindýraeyði og spurði: Eru til
moldvörpur á Íslandi?“
Linda fylgist með Mána, Emblu og Steini sem hjálpa til við eldamennskuna.
ÞRIÐJUDAGSKVÖLDIN FRÁTEKIN
Kjúlli með
glerbrotum
* „Við erum öllrosalegir trún-aðarvinir og förum
saman í gegnum
hlutina.“
Á HVERJU ÞRIÐJUDAGSKVÖLDI SÍÐASTLIÐIN FJÓRTÁN ÁR
HAFA TVÆR HAFNFIRSKAR FJÖLSKYLDUR HIST OG BORÐ-
AÐ SAMAN. SKIPTAST ÞÆR Á UM AÐ ELDA, SKIPTAST Á
SKOÐUNUM, UPPSKRIFTUM OG LÍFSREYNSLUSÖGUM.
Ásdís Ásgeirsdóttir asdis@mbl.is
Linda greip Nonna glóðvolgan í eldhúsinu þar sem hann var að stela sér bita.