Morgunblaðið - 22.08.2013, Blaðsíða 22

ÚR BÆJARLÍFINU
Skapti Hallgrímsson
Akureyri
Jónas Viðar Sveinsson listmálari,
sá öðlingsdrengur, lést í síðustu
viku, langt um aldur fram. Útför
hans verður frá Akureyrarkirkju á
morgun.
  
Jónas varð fimmtugur á síðasta
ári og hélt þá stóra sýningu í menn-
ingarhúsinu Hofi í gamla heimabæn-
um. Hann var maður landslags, ekki
síst fjalla.
  
Í samtali okkar jafnaldranna í
tilefni afmælissýningarinnar sagði
listamaðurinn: „Þemað í sýningunni
er norðlenskt; það eru myndir hérna
frá Skagafirði en mest úr Eyjafirði.“
Þarna var líka Svarfaðardalurinn,
Hraunsvatn og Hraundrangi.
„Svo er ég reyndar með Esjuna
líka til að sýna muninn á því hvað er
fjall og hvað er ekki fjall!“ segir Jón-
as og hlær.
Máttu segja þetta, nýfluttur
suður aftur?
„Nei, ég tek þetta allt til baka!
Esjan er ágæt.“
  
Kaldbakur, fjallið undurfagra
sem blasir við í norðri frá Akureyri,
var í sérstöku uppáhaldi hjá Jónasi
Viðari. Einnig Hraundrangi í Öxna-
dal og Jónas kom einmitt við á
Hrauni í hinstu för í heimahagana.
  
Bræður Jónasar, Björn Halldór
og Birgir Örn, óku með kistu lista-
mannsins norður í vikunni og komu
við á tveimur stöðum af sérstöku til-
efni; Hrauni sem fyrr segir, en fyrst
gerðu þeir sér ferð á Mokka við
Skólavörðustíg áður en haldið var út
úr bænum, og fengu sér kaffi með
tveimur af bestu vinum Jónasar, en
bróðir þeirra kom við á þessu róm-
aða kaffihúsi daglega í sama til-
gangi.
  
Langafi Jónasar og þeirra
bræðra, Jónas Rósant Jónsson,
fæddist á Hrauni í Öxnadal 1893 og
stundaði þar búskap ásamt eigin-
konu sinni, Elínborgu Aðalsteins-
dóttur, frá 1938 til 1973.
  
Jónas Viðar var skírður í höf-
uðið á langafa sínum og hafði miklar
mætur á staðnum og bræðurnir voru
tíðir gestir á Hrauni í æsku. Jónas
málaði Hraundranga oft; fyrsta
mynd hans af dranganum er frá
1978, þegar Jónas var 16 ára, allt
öðru vísi en myndir hans í seinni tíð
eins og gefur að skilja.
  
Síðustu árin vann Jónas Viðar
við verkefnið Portrait of Iceland;
andlit Íslands. Í samtalinu sem áður
var vísað til sagði hann: „Mín speki
er sú að hvar sem þú lítur á landið
eru andlit, hvort sem er í grasinu
eða fjöllunum. Við höldum alltaf að
Hekla eða Gullfoss séu fallegustu
staðir landsins en það eru til miklu
fleiri sem eru ekki síður fallegir en
bara ekki eins þekktir.“
  
Jónas gekk í fyrra með glæsi-
legan hatt sem afi hans, Pálmi Har-
aldsson trésmiður í Bjarmastíg 6,
átti. Hatturinn góði og Liverpool-
húfa, sem listamaðurinn keypti í ferð
á Anfield til að sjá sína menn í enska
fótboltanum spila, hvíldu á kistunni í
för bræðranna norður í land.
  
Kallið er þriðja fantasíusaga
ungs rithöfundar á Akureyri, Elís
Freyssonar, og kemur út í haust.
Hún er óbeint framhald af tveimur
þeim fyrri, Meistara hinna blindu og
Ógmarmána; gerist í sama heimi en
stendur á eigin fótum, segir Elí.
  
Elí og aðstoðarmenn hans voru
við tökur í Kjarnaskógi í vikunni,
ætla sér að búa til leikna auglýsingu
um bókina sem sett verður á you-
tube á vefnum.
  
Í Kjarnaskógi sveiflaði ung
kona, Elva Marý Baldursdóttir,
sverði eins og vanur bardagamaður
– sem persónan Katja – en Hilmar
Friðjónsson, gamall kennari Elís úr
VMA, tók allt fagmannlega upp.
  
Gítarhetjan Björn Thoroddsen
verður með óvenjulega tónleika á
Græna hattinum í kvöld, fimmtu-
dagskvöld. Þar sýnir Björn á sér
nýjar hliðar en hann kemur fram
aleinn og óstuddur og spilar flest
annað en djass!
  
Á tónleikum Björns, sem hefj-
ast kl. 21, verður boðið upp á rokk,
kántrí, blús, popp og jafnvel þunga-
rokk, enda ræður hann við allt! Tón-
leikagestir munu m.a. heyra lög úr
smiðju Bítlanna, Deep Purple, AC/
DC, Police og Who.
  
Til hamingju, Akureyringar!
Fiskbúð hefur ekki verið starfandi
býsna lengi í okkar mikla sjávar-
útvegsbæ en nú hefur verið bætt úr
því. – Ámóta setningu skrifaði ég á
þessum vettvangi fyrir nokkrum ár-
um. Nefnd verslun lagði upp laup-
ana en nú gerir annað fólk tilraun;
fiskbúð verður senn opnuð í húsnæði
Bónuss í Naustahverfi. Vonandi
gengur vel.
  
Laufey Sigurðardóttir fiðluleik-
ari og eiginmaður hennar, rithöfund-
urinn Þorsteinn frá Hamri, munu
sameina krafta sína á menningar-
stund í kapellu Akureyrarkirkju á
morgun, föstudag, kl. 18. Laufey
flytur hina mögnuðu Partítu í d-moll
eftir J.S. Bach og Þorsteinn les úr
eigin verkum á milli kafla. Aðgangs-
eyrir er 2.000 kr. Rétt er að benda á
að ekki verður hægt að greiða með
greiðslukortum.
  
Allt er hægt að kanna! 86,6%
þeirra sem búsettir eru í Norðaust-
urkjördæmi eru ánægð með veðrið í
sumar en aðeins 28,4% þeirra sem
búsettir eru í Suðvesturkjördæmi.
Þetta kom m.a. fram í nýrri könnun
MMR en fyrirtækið kannaði ánægju
fólks með lífið og tilveruna á tíma-
bilinu 9. til 14. ágúst.
  
Ekki er síður stórmerkilegt að
hvorki meira né minna en 53,2%
framsóknarmanna voru ánægð með
veðrið fyrir norðan, en aðeins 35,%
stuðningsmanna Bjartrar framtíðar.
Fróðlegt verður að heyra stjórn-
málafræðinga rýna í þessar tölur …
  
Það gránaði í Hlíðarfjall í nótt,
sagði á heimasíðu skíðasvæðisins í
fyrradag. „Það styttist í veturinn.
Við stefnum á opnun 5. desember.
Það gerir 106 dagar í skíðaveturinn í
Hlíðarfjalli,“ sagði þar ennfremur og
fólk hvatt til að fylgjast með fram-
vindu mála á heimasíðunni;
www.hlidarfjall.is/is/vefmyndavelar.
  
Gátlisti heimilisins var upp-
færður þegar í stað: Dusta rykið af
skíðunum. Finna klossa og kakó-
brúsa. Athuga nagladekkin.
Morgunblaðið/Skapti Hallgrímsson
Kallið Elva Marý Baldursdóttir og Hilmar Friðjónsson í Kjarnaskógi.
Hinsta för Jónasar heim að Hrauni
 Jónas Viðar Sveinsson listmálari jarðsunginn á morgun  Elí Freysson sendir frá sér þriðju
fantasíubókina  Laufey og Þorsteinn frá Hamri sameina kraftana í kapellu Akureyrarkirkju
Landslag Bræður Jónasar Viðars komu við á Hrauni á leiðinni norður. Höfundurinn Elí Freysson stjórnaði gerð myndbands um nýja bók sína.
22 FRÉTTIRInnlent
MORGUNBLAÐIÐ FIMMTUDAGUR 22. ÁGÚST 2013
BLÁTT Spírulína
gefur jafna
orku
sem endist
Aukið streituþol og bætir einbeitingu. Nærir taugakerfið.
Frábær meðmæli við athyglisbrest og eirðarleysi.
Fyrir þá sem eru undir miklu líkamlegu eða andlegu álagi.
Inniheldur lifræna næringu samtals 29 vítamín og steinefni, aminosýrur og
50% meira af Phycocyanin en annað Spírulína. Rannsóknir hafa sýnt að það
eflir ónæmiskerfið og styður getu tauga og líkama til þess að starfa eðlilega
þrátt fyrir streituálag. Phycocyanin er kallað undrasameindin sem eykur
virkni mikilvægra ensíma. Eingöngu ræktuð næringaefni, ekkert GMO.
Gæðastaðall: ISO 14001, ISO 22000.
Útsölustaðir: Lyfja, Hagkaup, Krónan,
Heilsuhúsið, Fjarðarkaup og Græn heilsa.
Hrein orka og einbeiting
BETRI FRAMMISTAÐA,
LENGRA ÚTHALD