Morgunblaðið - 22.08.2013, Blaðsíða 30

FRÉTTASKÝRING
Egill Ólafsson
egol@mbl.is
Jarðafélagið Lífsval hefur selt jarð-
ir á síðustu mánuðum fyrir rúmlega
einn milljarð. Félagið átti 41 jörð
þegar sala á jörðunum hófst á síð-
asta ári og hafa 16 verið seldar og
verið er að ganga frá sölu á tveimur
til viðbótar. Stjórnarformaður fé-
lagsins vonast eftir að Landsbank-
inn verði ekki fyrir fjártjóni vegna
lánveitinga til Lífsvals.
Lífsval var stofnað árið 2002, en
eigendur þess voru nokkrir ein-
staklingar sem m.a. höfðu tengst
viðskiptum með jarðir. Grunn-
hugmyndin að baki félaginu var að
fjárfesta í landi enda töldu eigendur
þess það vera örugga fjárfestingu
til langs tíma.
Landsbankinn á 88% í Lífsvali
Landsbanki Íslands var einn af
eigendum Lífsvals frá upphafi og
fjárhagslegur bakhjarl þess. Árið
2010 var hlutur bankans 19%, en
hann var þá stærsti hluthafinn.
Vorið 2012 eignaðist Landsbank-
inn meirihluta í félaginu eftir að
nokkrir af eigendum þess gátu ekki
staðið við fjárhagslegar skuldbind-
ingar sínar. Bankinn myndaði síðan
meirihluta í stjórn félagsins. Um
síðustu áramót átti Landsbankinn
75% hlutafjár, en hlutur bankans er
nú kominn upp í 88%.
Jón Steingrímsson, stjórn-
arformaður Lífsvals, stýrir félaginu
fyrir hönd Landsbankans. Hann
segir að sala á jörðunum hafi geng-
ið vel og í samræmi við áætlun. Fé-
lagið hafi gefið sér þrjú ár til að
selja allar jarðirnar. Í upphafi hafi
19 jarðir verið auglýstar til sölu, en
Landsbankinn hafi ekki viljað setja
allar jarðirnar í sölu í einu þar sem
það hafi getað skapað offramboð á
jörðum. Nú er hins vegar búið að
auglýsa allar jarðirnar til sölu.
Búið að selja 16 jarðir
Lífsval á í dag 25 jarðir. Seldar
hafa verið 16 jarðir á síðustu 15
mánuðum og verið er að ganga frá
sölu á tveimur jörðum til viðbótar.
Sumar jarðirnar sem Lífsval átti
voru í leigu, en eftir að Landsbank-
inn hóf að stýra félaginu hafa engir
nýir leigusamningar verið gerðir.
Leigjendum félagsins hefur því
fækkað smám saman.
Það var stundaður búskapur á
vegum Lífsvals á fimm jörðum þeg-
ar ný stjórn tók við. Félagið rak
þrjú kúabú, þ.e. að Flatey á Mýrum
við Hornafjörð, Skriðufelli í Jökuls-
árhlíð og á Ytra-Felli í Eyjafjarð-
arsveit. Rekin voru tvö sauðfjárbú,
annars vegar í Miðdal í Skagafirði
og hins vegar á Barkarstöðum í
Húnavatnssýslu. Starfsmenn Lífs-
vals við þessi bú voru 15. Í dag hef-
ur kúabúið á Ytra-Felli verið selt og
rekstri kúabúsins á Skriðufelli verið
hætt. Starfsmenn Lífsvals í dag eru
10. Þau bú sem ennþá eru í eigu fé-
lagsins eru öll til sölu og vonast
Landsbankinn til að sölu þeirra
ljúki á þessu ári.
Flatey kostar 480 milljónir
Verðmætasta eign Lífsvals er bú-
ið á Flatey, en það er auglýst til
sölu á 480 milljónir. Jón segir að
margir hafi sýnt búinu á Flatey
áhuga og viðræður séu í gangi.
Hann vonast eftir að menn nái sam-
an um verð fljótlega þannig að
hægt verði að ganga frá sölunni fyr-
ir áramót.
Hluti af eignum Lífsvals var
mjólkurkvóti upp á samtals 857
þúsund lítra. Stærstur hluti hans,
eða 507 þúsund lítrar, fylgir Flatey.
300 þúsund lítra kvóti á Ytra-Felli
var seldur um leið og búið var selt.
50 þúsund lítra kvóti sem fylgdi
Skriðufelli verður seldur á markaði í
haust.
Mjólkurkvóti hefur að undanförnu
verið seldur á kvótamarkaði á um
320 krónur lítrinn. Kvótinn sem
Lífsval átti var því tæplega 275
milljóna virði.
Stefnt að því að Landsbankinn
sleppi skaðlaus frá sölunni
Þegar hrunið skall á voru eignir
Lífsvals metnar í bókhaldi á 5,2
milljarða og þá skuldaði félagið
Landsbankanum 2,4 milljarða. Um
síðustu áramót, eftir að sala á jörð-
unum var hafin, námu bókfærðar
eignir Lífsvals tæplega 2,4 millj-
örðum króna.
Jón segir að því stefnt að Lands-
bankinn verði ekki fyrir fjártjóni af
lánveitingum til Lífsvals. Hann segir
aðspurður rétt að verð á jörðum sé
lægra nú en það var fyrir hrun. Það
hafi þó alls ekki orðið neitt hrun á
jarðaverði. Hann segir að það megi
alltaf deila um hvenær sé rétti tím-
inn fyrir bankann að selja. Enginn
viti hvað gerist eftir 1-2 ár. „Það er
ekki hlutverk bankans að standa í
einhverjum fjárfestingum á jörðum
og reyna að fara veðja á hvort verð-
ið muni hækka eða lækka.“
Jón segir að ýmsir aðilar hafi
keypt jarðirnar. Þetta séu bæði ein-
staklingar og félög. Einn útlend-
ingur hafi keypt jarðir af félaginu.
Hann segir að kúabúið á Ytra-Felli
hafi verið selt þeim sem rak búið
meðan það var í eigu Lífsvals.
Fleiri tóku reyndar þátt í kaup-
unum á búinu.
Á jörðinni Norður-Botni við
Tálknafjörð er stundað fiskeldi og
félagið sem stendur að fiskeldinu
keypti jörðina.
Svíi keypti þrjár og hálfa jörð
Sænski timburframleiðandinn
John Harald Örneberg keypti jarð-
ir Lífsvals í Langadal við Ísafjarð-
ardjúp, en gengið var frá sölunni á
síðasta ári. Hann keypti þrjár og
hálfa jörð undir merkjum eign-
arhaldsfélagsins Varpland. Gunnar
Sólnes, lögfræðingur á Akureyri,
situr í stjórn Varplands. Hann seg-
ir að Örneberg hafi áhuga á veiði,
skógrækt og náttúruvernd og það
sé það sem reki hann til þess að
kaupa jarðir á Íslandi. Gunnar seg-
ir að Örneberg sé ekkert byrjaður
að framkvæma á jörðunum. Hann
hafi falið Skjólskógum á Vest-
fjörðum að meta jarðirnar með til-
liti til skógræktar.
Hefur selt jarðir fyrir milljarð
 Landsbankinn hefur selt 16 af 25 jörðum í eigu jarðafélagsins Lífsvals  Dýrasta jörðin er auglýst
á 480 milljónir  Stjórnarformaður Lífsvals vonast eftir að bankinn sleppi skaðlaus frá viðskiptunum
Morgunblaðið/Eggert
Kúabú Lífsval rak um tíma þrjú kúabú. Eitt þeirra var selt, annað lagt niður og það þriðja er til sölu. Kvótinn sem Lífsval átti var um 275 milljóna virði.
Verðmætar jarðir
» Verðmætasta eign Lífsvals
er búið á Flatey á Mýrum við
Hornafjörð, en það er auglýst á
480 milljónir. Þar er rekið eitt
stærsta kúabú landsins.
» Næstverðmætasta jörð í
eigu Lífsvals er Svartagil í
Borgarfirði, en hún er auglýst
til sölu á 250 milljónir. Jörðin
er landmikil og henni fylgja
veiðihlunnindi í Norðurá.
» Jörðin Skriðufell er auglýst
til sölu á 50 milljónir.
» Sauðfjárbúið að Miðdal í
Skagafirði er auglýst til sölu á
136 milljónir.
» Sauðfjárbúið að Bark-
arstöðum í Húnavatnssýslu er
auglýst til sölu á 108 milljónir.
» Sænski timburframleiðand-
inn John Harald Örneberg
keypti þrjár og hálfa jörð Lífs-
vals í Langadal við Ísafjarð-
ardjúp, en gengið var frá söl-
unni á síðasta ári.
30 FRÉTTIRInnlent
MORGUNBLAÐIÐ FIMMTUDAGUR 22. ÁGÚST 2013
Hlíðasmára 11 · 201 Kópavogur · Sími: 534 9600 · heyrn.is
Erum með allar gerðir
af heyrnartækjum
Fáðu heyrnartæki til reynslu
og stjórnaðu þeim með
ReSound Appinu
Komdu í
greiningu hjá
faglærðum
heyrnarfræðingi
Heyrðu umskiptin og
stilltu heyrnartækin
í Appinu
50% afslátturaf rafhlöðum í ágúst
Finndu okkur á facebook
Sigurður M.
Magnússon, for-
stjóri Geisla-
varna ríkisins,
hefur þegið boð
Alþjóðakjarn-
orkumálastofn-
unarinnar (IA-
EA) um að vera
forseti alþjóðlegs
fundar um
geislavarnir eftir
kjarnorkuslysið í Fukushima í Jap-
an. Fundurinn verður haldinn í höf-
uðstöðvum IAEA í Vínarborg í
febrúar á næsta ári.
Á fundinum verður m.a. fjallað
um þá geislun sem fólk varð fyrir
og með hvaða hætti það var, ýmsa
læknisfræðilega og þjóðfélagslega
þætti, og aðgerðir til að draga úr
afleiðingum slyssins til lengri tíma.
Sérstök áhersla verður lögð á
hvernig best sé að standa að miðlun
upplýsinga til almennings.
Forseti alþjóðlegs
fundar um kjarn-
orkuslysið í Japan
Sigurður M.
Magnússon