Morgunblaðið - 22.08.2013, Blaðsíða 44

44 UMRÆÐAN
MORGUNBLAÐIÐ FIMMTUDAGUR 22. ÁGÚST 2013
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 2. september.
Barnavagnar
Kerrur
Bækur
Leikföng
Ungbarnasund
Fatnaður
FatnaðurBarnaljósmyndir
Öryggi barna Gleraugu
Uppeldi
Námskeið
SÉRBLAÐ
Börn og uppeldi
Víða verður komið við í uppeldi barna, í tómstundum,
þroska og öllu því sem viðkemur börnum.
Morgunblaðið gefur út glæsilegt
sérblað tileinkað börnum og uppeldi
föstudaginn 6. september
Árni Bjarnason for-
maður FFSÍ, Far-
manna- og fiskimanna-
sambands Íslands,
skrifaði grein í Morg-
unblaðið um síðustu
helgi. Þar kemur hann
inn á samkomulag sem
Framsýn gerði á dög-
unum við Samtök at-
vinnulífsins er varðar
starfsmenn við hvala-
skoðun á Húsavík. Áð-
ur hafði sambandið sem Árni gegnir
formennsku í ásamt VM, Félagi
málm- og tæknimanna, sent frá sér
yfirlýsingu. Þar lýsa samtökin yfir
andúð sinni á samkomulagi Fram-
sýnar og SA um kjör starfsmanna við
hvalaskoðun. Til fróðleiks má geta
þess að slíkt samkomulag hefur ekki
verið gert áður á Íslandi og bætir því
stöðu starfsmanna verulega.
FFSÍ og VM með
lausa samninga
Miðað við yfirlýsinguna hefur sam-
tökunum mistekist að ná fram hlið-
stæðu samkomulagi fyrir félagsmenn
sína á hvalaskoðunarbátum. Þá hefur
þeim heldur ekki gengið að end-
urnýja kjarasamning við LÍÚ vegna
félagsmanna á fiskiskipum. Kjara-
samningurinn hefur verið laus frá
árinu 2010. Það er ágætt ef sam-
komulag Framsýnar við SA verður
til þess að samtökin vakni til lífsins
og klári samningagerð við LÍÚ í stað
þess að ala á tortryggni í garð ann-
arra sem eru að vinna vinnuna sína
með góðum árangri.
Mikið réttlætismál
Með samkomulaginu við SA vildi
Framsýn eyða þeim ágreiningi sem
verið hefur milli félagsins og hvala-
skoðunarfyrirtækjanna um rétt-
arstöðu starfsmanna og tengingu
þeirra við kjarasamninga. Sam-
komulagið er mjög mikið réttlæt-
ismál fyrir starfsmenn og því ber að
fagna. Ekki fer vel á því að samtök
sem eiga að vera í liði með Framsýn
ryðjist fram með fullyrðingar sem
allar hafa síðar verið
skotnar niður með rök-
um enda engin púð-
urskot í réttinda-
byssum Framsýnar.
Reyndar er áhugavert
að lesa yfirlýsingu
FFSÍ og VM. Þar er
mjög lítið gert úr vægi
hvalaskoðunar með
hroka í garð atvinnu-
greinarinnar auk þess
sem þeir telja víð-
áttuvitlaust að einstök
stéttarfélög á lands-
byggðinni hafi samningsumboð fyrir
sína félagsmenn. Slíkt eigi að heyra
sögunni til svo hægt verði að ná
samningum um eðlileg launakjör.
Þessi yfirlýsing kemur frá sam-
tökum sem eru samningslaus. Það er
efni í aðra grein að svara útúrsnún-
ingum FFSÍ og VM vegna launa-
kjara starfsfólks við hvalaskoðun á
Húsavík. Í stuttu máli taka launa-
kjörin mið af kauptryggingu sjó-
manna á fiskiskipum auk þess sem
samið er um ákveðnar greiðslur til
viðbótar sem gengið er frá í ráðning-
arsamningum starfsmanna. Spurt
hefur verið eftir því hvort talsmenn
þessara samtaka hafi haft samband
við Framsýn meðan á samninga-
viðræðunum stóð við SA. Því er til að
svara að þeir höfðu aldrei samband
hvorki meðan á viðræðum stóð né
eftir að samkomulag náðist.
Framsýn með fullt umboð
Vegna efasemda Árna Bjarnason-
ar um heimild Framsýnar til að
semja um kjör sjómanna við hvala-
skoðun er þessu til að svara: Félagið
er deildaskipt, innan þess er sjó-
mannadeild sem á aðild að Sjó-
mannasambandi Íslands. Sam-
kvæmt lögum Framsýnar og
starfsreglum deildarinnar geta há-
setar, vélstjórar, stýrimenn og skip-
stjórar verið innan sjómannadeild-
arinnar. Lög Framsýnar eru
samþykkt af Alþýðusambandi Ís-
lands sem Félag málm- og tækni-
manna á aðild að líkt og Framsýn.
Umboð til samningagerðar fyrir sjó-
menn innan Framsýnar er því mjög
skýrt.
Áskrifendur að bréfum LÍÚ
Ég hef lengi vitað að það er mjög
kært milli FFSÍ/VM og LÍÚ. Hins
vegar datt mér aldrei í hug að FFSÍ
hefði afrit af bréfum sem fara milli
LÍÚ og annarra. Í greininni um
helgina vísar Árni í einkabréf sem
fór milli LÍÚ og Framsýnar þann 2.
maí 2011 sem hann segist hafa undir
höndum og liggi á borði FFSÍ. Af
hverju FFSÍ er með afrit af bréfinu
vekur furðu og jafnframt spurn-
ingar. Í bréfinu hafnar LÍÚ því að
gera kjarasamning við Framsýn um
kaup og kjör yfirmanna á fiskiskip-
um en áður höfðu skipstjórnarmenn
á fiskiskipum sóst eftir aðgangi að
félaginu. Framsýn vildi því gera
samning við LÍÚ enda frjáls fé-
lagsaðild að stéttarfélögum á Ís-
landi. Í fyrstu tóku talsmenn LÍÚ
málaleitan Framsýnar mjög vel
varðandi gerð kjarasamnings en
drógu hana síðan óvænt til baka og
sögðust ekki tilbúnir í viðræður um
kjarasamning, sem ég efast um að
standist lög. Okkur hjá Framsýn
var strax ljóst að kippt hefði verið í
spotta til að koma í veg fyrir að fé-
lagið gerði kjarasamning um störf
skipstjórnarmanna. Það að FFSÍ sé
með afrit af bréfi sem fór milli
Framsýnar og LÍÚ skýrir málið og
staðfestir enn frekar það góða sam-
band sem er milli þessara samtaka
sjómanna og útgerðarmanna. Þess
vegna vekur furðu að þeir geti ekki
sest niður yfir kaffibolla og jafnvel
vínarbrauði og klárað gerð kjara-
samnings fyrir skipstjórnarmenn á
fiskiskipum. Heimilislegra getur
það ekki orðið.
Bræla á miðunum
og yfirmenn í fýlu
Eftir Aðalstein Á.
Baldursson
» Það er ágætt ef sam-
komulag Framsýnar
við SA verður til þess að
samtökin vakni til lífsins
og klári samningagerð
við LÍÚ.
Aðalsteinn
Baldursson
Höfundur er formaður
Framsýnar – stéttarfélags.
Það er engin
ástæða til að fresta
þjóðaratkvæða-
greiðslu um Evrópu-
sambandið. Þjóðinni
er fyllilega treystandi
til að taka afstöðu til
aðildar og að at-
kvæðagreiðslu lokinni
verður aðild end-
anlega úr sögunni.
Það er ekki víst að
svo góð niðurstaða fá-
ist hvenær sem vera kann. En eðli
málsins samkvæmt geta spurning-
arnar sem Alþingi ákveður að
leggja fyrir þjóðina ekki hljóðað
sem svo hvort menn séu hlynntir
„aðildarviðræðum“ við Evrópusam-
bandið. Orðið viðræður er órætt,
en hefur góðan hljóm. „Viltu ekki
einu sinni ræða málið“ er spurning
sem fáir svara neitandi.
Þjóðaratkvæðagreiðsla um Evr-
ópusambandið þarf að snúast um
kjarna málsins; þær samnings-
heimildir sem þjóðin vill veita
stjórnvöldum í viðræðum um aðild
að sambandinu. Fyrsta spurning
væri því: „Ertu fylgjandi aðild að
Evrópusambandinu?“ Síðan þyrfti
að spyrja nánar um þær heimildir
og skilyrði sem þjóðin vill setja og
sættir sig við. Afgerandi spurn-
ingar um hvort framselja megi yf-
irráð yfir fiskveiðilögsögunni og
rétt Íslands til að semja um og
taka ákvarðanir um veiðar úr sam-
eiginlegum fiskistofnum eru
grundvallarspurningar sem þjóðin
þarf að taka. Og vísast þarf að
taka á fleiri spurningum af þessum
toga í atkvæðagreiðslunni svo sem
um hámarksheimildir til að leggja
sambandinu til fé. Sé þjóðin svo
heillum horfin að hún játi aðild að
Evrópusambandinu með öllum
þeim vanköntum og ágöllum sem á
því eru, þá verður bara svo að
vera. Það væri svo
sannarlega óafturkræf
aðgerð. En enginn
getur haft vit fyrir
heilli þjóð í þessu efni.
Aðildarsinnar eru af
ýmsum toga. Þeir sem
fremstir fara eru þeir
sem sofna og vakna í
draumi um vegtyllur
sem þeim hefur verið
lofað eða ýjað að í
Æðsta ráðinu og Mið-
stjórninni (þótt þessar
stofnanir heiti víst
formlega eitthvað annað). Svo sem
sjá má hafa þeir sem komist hafa
til æðstu vegtyllna hjá ESB klifrað
metorðastigann með þeim hætti að
fyrirsjáanlegt er hverjir héðan
muni verma sætin við hirðina. Þeir
sem voru að gæta eða áttu að vera
að gæta hagsmuna Íslands eru þar
fremstir á blaði.
Aðrir, svo sem sá mæti maður
Þorsteinn Pálsson, tóku sína af-
stöðu á sínum tíma. Aðalsmerki
Þorsteins er að skipta aldrei um
skoðun og beygja sig ekki fyrir
rökum annarra. Hann og fleiri
vilja vera „þjóð meðal þjóða“.
Efnahagsleg rök eru aldrei borin
fram lengur. En ég tek fram að ég
kalla styrkjabetlið ekki efnahags-
leg rök. Evrurökin voru þau einu
eða þar til gjaldeyrishöftin voru
sett á Kýpur og Kýpur knúið í
þrot. Um afstöðu RÚV þarf ekki
að fjölyrða; ef Samfylkingin fær
kvef hnerrar RÚV. Svo einfalt er
það nú.
Þjóðaratkvæða-
greiðsla um
Evrópusambandið
Eftir Einar S.
Hálfdánarson
» Þjóðaratkvæða-
greiðsla um Evrópu-
sambandið þarf að snú-
ast um kjarna málsins.
Einar S.
Hálfdánarson
Höfundur er löggiltur endurskoðandi
og hæstaréttarlögmaður.
Sjaldnast erum við
sammála um nokkurn
skapaðan hlut, menn
eða málefni. Okkur
greinir á um leiðir að
markmiðum sem sjálf-
sagt er eðlilegt þótt
stundum finnist manni
nú nóg um. Eitt vona
ég þó að við getum
sameinast um. Það að
bera raunverulega
umhyggju fyrir börn-
unum okkar með þá bæn og von í
hjarta að þeim mætti farnast vel.
Því er ástæða til að minnast þeirra
þúsunda barna sem þessa dagana
eru á leið í skólann sinn í fyrsta
sinn með litlu töskuna sína á bak-
inu sem og að sjálfsögðu allra
hinna eldri og reyndari.
Biðjum fyrir þeim og stöndum
meðvitaðan sameiginlegan vörð um
hag þeirra og velferð. Því líklega er
fátt dýrmætara og fallegra en að
biðja fyrir börnunum sínum og með
þeim.
Orðalagið þarf ekki endilega að
vera flókið. Því einfaldara, því
betra. Enda er það fyrst og fremst
hjartalagið sem skiptir máli.
Bænin gæti t.d. verið
eitthvað á þessa leið:
Við biðjum þig almáttugi kær-
leiksríki Guð, höfundur og full-
komnari lífsins, að blessa börnin
okkar stór og smá.
Vaktu yfir þeim,
fylgdu þeim eftir og
vertu allt í kringum
þau með þína máttugu
verndarhönd og eilífu
blessun. Vernda þau
frá slysum og hættum
og hverju því sem
kann að skaða þau,
hvort sem er til sálar,
líkama eða anda. Gef
að þeim sækist námið
vel og mætti þykja
skemmtilegt í skól-
anum. Blessaðu sam-
skipti þeirra við hvert annað, kenn-
arana og þau önnur sem við
skólann starfa eða á vegi þeirra
verða. Hjálpaðu þeim að standa
saman. Standa vörð hvert um ann-
að. Forða þeim frá hvers konar
höfnun og því að vera lögð í einelti.
Forða þeim einnig frá því að taka
þátt í öllu slíku. Skapa heldur með
þeim hugrekki til að koma þeim til
varnar og hjálpar sem hallað er á
hverju sinni. Þroska með þeim til-
litssemi og virðingu fyrir náung-
anum og skoðunum hans.
Veit þeim víðsýni og að vera fús
til að fræðast, meðtaka og gefa af
sér. Opna þeim síðan leiðir til frek-
ara náms sem þroskar þau og eflir
enn frekar sem einstaklinga og
hluta af samfélagi.
Veittu þeim einbeitingu og út-
hald, kærleika og aga og skapa
með þeim von í hjarta svo þau
mættu líta björtum augum til fram-
tíðarinnar. Já, uppörvaðu þau og
styrktu til góðra verka. Þess leyfi
ég mér að biðja, í Jesú nafni.
Amen.
Getum ekki sameinast
um neitt betra
Með því að biðja fyrir börnunum
okkar erum við að leggja framtíð-
ina í Guðs hendur. Við stillum sam-
an hugi jafnt um velferð barnsins
og heildarinnar allrar. Við gerumst
meðvitaðri, upplýstari, skilningsrík-
ari og ábyrgari gagnvart skyldum
okkar um velferð barnanna okkar
og þjóðfélagsins í heild. Og fljótum
því ekki bara ómeðvitað, áhyggju-
full og hjálparvana inn í óljósa og
marklausa framtíðina. Heldur full
vonar og eftirvæntingar með það að
leiðarljósi að láta um okkur muna,
börnunum, sjálfum okkur, landi
okkar, þjóð og samfélagi til heilla
og blessunar.
Ég er viss um að við getum ekki
sameinast um neitt betra.
Biðjum fyrir skólabörnunum
Eftir Sigurbjörn
Þorkelsson
Sigurbjörn
Þorkelsson
»Hjálpa þeim að
standa saman.
Standa vörð hvert um
annað. Forða þeim frá
slysum og hættum og
frá höfnun og einelti eða
því að taka þátt í slíku.
Höfundur er rithöfundur.