Morgunblaðið - 05.10.2013, Qupperneq 14

14 FRÉTTIRInnlent
MORGUNBLAÐIÐ LAUGARDAGUR 5. OKTÓBER 2013
ÚR BÆJARLÍFINU
Líney Sigurðardóttir
Þórshöfn
Ný hárgreiðslustofa á Þórshöfn
ber nafnið Gló-hár og förðun og er
hún kærkomin þjónusta, þar sem
engin slík hefur verið á staðnum í
nokkurn tíma. Þórshafnarmærin
Eygló Jónasdóttir á og rekur stof-
una en hún flutti aftur heim til Þórs-
hafnar frá Reykjavík fljótlega eftir
námslok í hársnyrtinámi og förð-
unarfræði. Þegar Eygló kom aftur
heim til Þórshafnar keypti hún ein-
býlishús með bílskúr og býr þar ein
með kisunni Ólafíu. Bílskúrnum var
svo breytt í notalega hárgreiðslu-
stofu og segir Eygló að það sé alveg
nóg að gera í hárþjónustunni en
förðunin sé frekar bundin við ákveð-
in tækifæri og sú vinna komi þá í
törnum. Eygló segist kunna miklu
betur við sig á landsbyggðinni held-
ur en í erli höfuðborgarinnar „og
heima er bæði fallegast og best,“
segir hárgreiðslukonan Eygló.
  
Bið hefur verið eftir leikskóla-
plássi á leikskólanum Barnabóli en
nú hefur verið ráðin bót á þeim
vanda barna og foreldra. Með reglu-
gerð sveitarfélagsins Langanes-
byggðar um niðurgreiðslur til dag-
foreldra opnuðust möguleikar á
dagheimilisrekstri og í sumar tóku
tvær konur tóku sig til og stofnuðu
dagheimilið Sjónarhól þar sem þær
geta haft átta börn. Önnur
kvennanna á tvíbura sem eru þar í
hópnum og gengur starfsemin vel.
Þær eru nú með sex börn, svo enn
er hægt að bæta tveimur í hópinn.
  
Íþróttamiðstöðin Verið á sér
öflugt stuðningsfólk sem hefur tekið
virkan þátt í því að endurnýja æf-
ingatæki í þreksalnum. Þrjú frænd-
systkini hafa verið þar í fararbroddi
í fjáröflun, drifið af stað áheitahlaup
og keypt tækjabúnað fyrir ágóðann.
Róðrarvél og lóð eru nýjustu tækin í
æfingasalnum sem er nú vel tækjum
búinn. Aðsókn hefur verið nokkuð
jöfn í íþróttahúsið, segir forstöðu-
maðurinn Eyþór Atli. Það er ekki
bara heimafólkið sem nýtir það
heldur hafa sjómennirnir á skipum
Ísfélagsins verið duglegir að nýta
húsið þegar þeir koma í höfn til
löndunar. Landvinnslufólk Ísfélags-
ins nú á vertíðinni hefur líka stund-
að húsið af kappi til að endurnæra
sig eftir langar vaktir í síldar- og
makríltörninni.
Eitt sinn sagði íbúi á Þórshöfn,
þá nýfluttur á staðinn, að það væri
sönn byggðastefna, þegar lítið sveit-
arfélag eins og Langanesbyggð
stendur í því að halda uppi rekstri
nokkuð stórrar íþróttamiðstöðvar,
eins og Verið er, því vissulega er
það kostnaðarsamt á svæði þar sem
ekki er hitaveita. Börn og unglingar
eru þarna líka fastagestir og varla
er hægt að hugsa betri afþreying-
arstað fyrir þau heldur en íþrótta-
hús.
  
Fjórir nemendur eru nú í fram-
haldsskóladeildinni á Þórshöfn, sem
er útibú frá framhaldsskólanum á
Laugum. Þau eru öll fyrsta árs nem-
endur en Laugaskóli hefur boðið
upp á fyrstu tvö árin í deildinni á
Þórshöfn. Þetta haustið fóru allir
annars árs nemarnir á heimavistina
á Laugum og eru því töluvert færri
en undanfarin ár. Þetta er fimmta
árið sem framhaldsskóladeildin er
starfrækt á Þórshöfn og verkefnis-
stjóri er Hildur Stefánsdóttir.
Spennandi verkefni er nú í gangi hjá
Laugaskóla sem kominn er af stað í
Comeniusar-verkefni ásamt sjö öðr-
um löndum. Verkefnið felst í því að
aðstoða nemendur við að finna sér
afþreyingu í frítíma án þess að tölva
eða netsamband komi við sögu, „off-
line“-afþreying. Hópurinn fer svo í
skólaheimsóknir til Kanaríeyja eftir
áramót og gistir hjá fjölskyldum
nemenda þar. Nemarnir undirbúa
nú fjáröflun vegna ferðarinnar og
mikil tilhlökkun er í gangi.
Morgunblaðið/Líney Sigurðardóttir
Heima Eygló Jónasdóttir og kisan Ólafía í kyrrðinni á Þórshöfn.
„Heima er best“
Um helgina hefst kynning á íbúðum í
fjölbýlishúsi sem nú rís við Hrólfs-
skálamel 10-18 á Seltjarnarnesi en
áætluð afhending er sumarið 2014.
Íbúðirnar verða alls 30, flestar á
bilinu 100-120 fermetrar auk
geymslu. Á efstu hæð verða þó
nokkrar íbúðir sem munu telja 220
fermetra en þeim munu fylgja
geymsla og tvö bílastæði og er ásett
verð um 115 milljónir króna. Þrátt
fyrir að endanlegt verð hafi aðeins
verið ákveðið í vikunni sem leið, hafa
stærri íbúðirnar allar verið seldar,
utan ein.
Sverrir Kristinsson, fram-
kvæmdastjóri Eignamiðlunar, segir
talsverða eftirspurn eftir dýrari
íbúðum á þessum stað en verð minni
íbúðanna er á bilinu 41-80 milljónir
króna.
„Seltjarnarnesið er eftirsótt svæði
og þessi staðsetning er örstutt frá
golfvelli, sundlaug, skólum og versl-
unum auk þess sem glæsilegt útsýni
verður úr íbúðunum,“ segir hann.
Eignamiðlun og Miklaborg verða
með íbúðirnar til sölu en fram-
kvæmdaaðili er Stólpar ehf. Fyrir-
tækið á einnig leigulóðaréttindi og
byggingarétt fyrir fjölbýlishús á
Hrólfsskálamel 1-7, þar sem gert er
ráð fyrir 4.000 fermetra byggingu
með alls 28-32 íbúðir.
Teikning/T.ark
Hrólfsskálamelur Íbúðirnar verða tilbúnar til afhendingar næsta sumar.
Flestar stærri
íbúðirnar seldar
 Kynna íbúðir við Hrólfsskálamel
Hvorki barst tilkynning um bilun
eða neyðarástand frá áhöfn flugvél-
arinnar sem brotlenti á aksturs-
íþróttasvæði við Hlíðarfjallsveg á
Akureyri um verslunarmannahelg-
ina. Þetta er á meðal þess sem kem-
ur fram í bráðabrigðaskýrslu rann-
sóknarnefndar samgönguslysa um
slysið. Tveir menn fórust í því og sá
þriðji slasaðist.
Rannsóknin beinist að því hvers
vegna flugvélin missti hæð og verður
flak hennar og hreyflar skoðaðir
frekar ásamt fluglagi og afkastagetu
hennar í framhaldinu.
Var innan marka
Tveggja manna áhöfn TF-MYX
ásamt sjúkraflutningamanni höfðu
verið í sjúkraflugi frá Hornafirði til
Reykjavíkur en ferð þeirra hófst á
Akureyri. Fyllt var á eldsneytistank
vélarinnar í Reykjavík en þegar hún
hélt til Akureyrar var hún innan
þyngdar- og jafnvægismarka að því
er kemur fram í skýrslunni.
Skömmu eftir að vélin lauk blind-
flugi að Akureyri óskaði áhöfnin eft-
ir því við flugturn að fljúga einn
hring yfir bæinn og var það sam-
þykkt. Skömmu eftir það lét flug-
turninn vélina vita af því að Fokker-
vél væri að fara á loft til norðurs og
bað hana um að fylgjast með umferð.
Áhöfnin TF-MYX staðfesti það, var
þá við Kristnes og ætlaði að halda
sig vestarlega.
Vængir og stél losnuðu af
TF-MYX var flogið í átt að akst-
ursíþróttabraut við Hlíðarfjallsveg.
Þegar vélin nálgaðist aksturs-
íþróttabrautina í vinstri beygju,
missti hún hæð og vinstri vængur
hennar snerti jörð við hægri hlið
akstursíþróttabrautarinnar með
þeim afleiðingum að hún brotlenti.
Ekki barst tilkynning um bilun eða
neyðarástand frá áhöfn flugvélar-
innar meðan á fluginu stóð.
Þá segir í skýrslunni að við brot-
lendinguna hafi eldur kviknað og
losnuðu vængir og stél frá skrokki
flugvélarinnar. Skrokkur flugvél-
arinnar brotnaði og hafnaði um 350
metrum frá þeim stað er vinstri
vængurinn snerti jörð. Við vett-
vangsrannsókn mátti sjá að væng-
börð og hjól voru uppi.
Rannsaka hvers vegna
flugvélin missti hæð
 Rannsóknarnefnd skilar skýrslu um fluglysið á Akureyri
Morgunblaðið/Skapti Hallgrímsson
Slys Flak flugvélarinnar fjarlægt af
slysstað á akstursbrautinni í sumar.