Morgunblaðið - 14.12.2013, Blaðsíða 32

32 FRÉTTIRInnlent
MORGUNBLAÐIÐ LAUGARDAGUR 14. DESEMBER 2013
Ármúla 38 | Sími 588 5010 | Opið: virka daga 11-18, laugard. 12-17hljomsyn.com
verð frá 37.000.-
Módel 2014
Ágúst Ingi Jónsson
aij@mbl.is
Hjólin munu snúast hratt hjá starfs-
mönnum Skagans og samstarfsfyrir-
tækjum á Akranesi á næstu vikum
þegar þar hefst af fullum krafti
smíði búnaðar fyrir uppsjávar-
vinnslu Skinneyjar-Þinganess á
Hornafirði. Samningur fyrirtækj-
anna er stærsti einstaki samningur
sem Skaginn hefur gert við íslenskt
sjávarútvegsfyrirtæki um fram-
leiðslu og sölu á hátæknibúnaði til
fiskvinnslu. Um 100 manns hjá
Skaganum og systurfyrirtækinu
Þorgeiri og Ellert munu starfa við
verkefnið, en einnig starfsmenn
fleiri fyrirtækja á Akranesi.
Ingólfur Árnason, framkvæmda-
stjóri Skagans hf, segir að í verkinu
fyrir Skinney-Þinganes felist meðal
annars smíði og uppsetning á tíu
sjálfvirkum plötufrystum og nýju
pökkunarkerfi sé bætt við og það
tengt við núverandi kerfi, sem einnig
er frá Skaganum. Afköstin við fryst-
ingu á uppsjávarfiski verði eftir
breytingar rúmlega 600 tonn á sólar-
hring. Þá sé unnið að verkefni sem
tengist saltfiskvinnslu Skinneyjar-
Þinganess.
Mikil þróun í vinnslu
til manneldis
Glugginn á milli loðnu- og sumar-
vertíðar í uppsjávarfiski verður not-
aður til að breyta húsinu á Horna-
firði og setja nýja búnaðinn upp.
„Á síðasta áratug hefur mikil þró-
un orðið í vinnslu á uppsjávarfiski til
manneldis hér á landi,“ segir Ing-
ólfur. „Skaginn hefur séð um smíði á
vinnslubúnaði hjá flestum stærri
fyrirtækjunum í þessari vinnslu og
hefur þróað búnaðinn áfram í góðri
samvinnu við iðnaðinn. Kerfin eru
orðin gífurlega afkastamikil og sjálf-
virk, en stöðugt er verið að þróa
búnaðinn.
Sérhver ný verksmiðja er aðeins
fullkomnari en sú næsta á undan og
sannarlega hafa margir tæknisigrar
unnist á síðustu árum. Þessi upp-
sjávarlína er í raun einstök og það
sem við gerum best. Árið 2012 varð
búnaðurinn útflutningsvara er við
gerðum okkar stærsta einstaka
samning til þessa við Varðann á
Þvereyri í Færeyjum. Sú verksmiðja
var stækkuð í síðastliðið sumar og
afkastar nú þúsund tonnum á sólar-
hring. Hún er þar með orðin stærsta
uppsjávarvinnsla í heimi,“ segir Ing-
ólfur.
Allt á fullt á Akranesi
um áramótin
Öll starfsemi Skagans er á Akra-
nesi og segir Ingólfur að næstu daga
fari verkefnið fyrir Skinney-Þinga-
nes smátt og smátt í gang, en um
áramót verði allt komið á fullt. Hann
segir að fyrirtækið hafi þekkingu og
reyndan mannskap til þess að ljúka
verkinu á réttum tíma. Vinnslubún-
aðurinn verður smíðaður hjá Skag-
anum, en frystarnir hjá Þorgeiri og
Ellert, sem er systurfyrirtæki og er
á sama athafnasvæðinu.
Ingólfur segir að verkefnastaða
Skagans verði góð um áramótin og
vel fram eftir næsta ári.
Margir tæknisigrar hafa unnist
 Yfir 100 manns á Akranesi koma að smíði búnaðar fyrir Skinney-Þinganes  Kerfi frá Skaganum
fyrir vinnslu á uppsjávarfiski þróað í samvinnu við iðnaðinn  Afkastamikil og sjálfvirk kerfi
Handaband Framkvæmdastjórarnir Ingólfur Árnason og Aðalsteinn Ing-
ólfsson innsigla samninginn sem þeir undirrituðu í gær.
Ný tæki Á Akranesi verða smíðaðir tíu sjálfvirkir plötufrystar fyrir Skinn-
ey-Þinganes. Einnig verður nýju pökkunarkerfi bætt við kerfið sem fyrir er.
Ræktaðir skógar og náttúrulegt
birkilendi þekur innan við tvö pró-
sent af Íslandi, að því er segir á vef
Skógræktar ríkisins. Þar kemur
fram að aðeins þrjú ríki í Evrópu
hafi minni skógarþekju en Ísland.
Þau eru Malta, Mónakó og Vatík-
anið.
Á Íslandi er miðað við að trjá-
gróður sem er hærri en tveir metr-
ar er skilgreindur sem skógur.
Samkvæmt skilgreiningu FAO á
skógi þarf trjágróður hins vegar að
vera hærri en fimm metrar með
lágmarksstærð hálfan hektara og
með meira en 10% krónuþekju.
Áhyggjur af umhverfinu
Með lögum um landshlutabundin
skógræktarverkefni 1999 var stefnt
að því að á fyrstu fjörutíu árum
verkefnanna skyldi ræktaður skóg-
ur á 5% láglendis. Þar er láglendi
skilgreint allt land sem er undir 400
metra hæð yfir sjó. Þetta jafngildir
tveimur prósentum af flatarmáli
alls landsins, þar með töldum fjöll-
um, hálendinu og jöklum.
„Þrátt fyrir að þetta sé mjög lítill
hluti landsins heyrist oft til fólks
sem hefur áhyggjur af því að til
standi að sökkva landinu í skóg eða
búa til umhverfi eins og í Skandin-
avíu þar sem hvergi sjái til fyrir
skógi,“ segir á skogur.is.
Ræktaður skógur í
Eyjafirði um 1.400 hektarar
Síðan er bent á að í Eyjafjarðar-
sveit og Akureyri hafi skógarþekja
á láglendi náð 4,3 prósentum. Lítið
var eftir af leifum náttúrulegs
birkiskógar í Eyjafirði þegar skóg-
rækt hófst þar á fyrri hluta síðustu
aldar, nema í birkiskóginum í
Leyningshólum. Minni skógarleifar
voru á víð og dreif annars staðar, til
dæmis í Garðsárreit í Garðsárdal.
Þessar gömlu skógarleifar eru sam-
tals ekki nema um 30 hektarar, en
ræktaður skógur í Eyjafirði er um
1.400 hektarar.
„Á því sést að mestallur skógur á
Akureyri og í Eyjafjarðarsveit er
ræktaður skógur. Skyldi fólki finn-
ast að Eyjafjörðurinn sé að sökkva í
skóg?“ er spurt á vef Skógræktar
ríkisins. aij@mbl.is
Ljósmynd/Þröstur Eysteinsson
Gróska Elsti ræktaði skógurinn í Eyjafirði er við Grund, þjóðskógur í umsjá
Skógræktar ríkisins. Þar var byrjað að gróðursetja árið 1900.
Landið tæpast
að sökkva í skóg
 Skógarþekja í Eyjafirði um 4,3%