Morgunblaðið - 28.12.2013, Side 6

Skjárinn hefur tryggt sér sýning-
arrétt á þýsku knattspyrnunni og
verður hún sýnd á nýrri íþrótta-
stöð, SkjárSport. Útsendingar frá
sjónvarpsstöðinni hefjast 3. jan-
úar. Útsendingar frá þýsku knatt-
spyrnunni hefjast 24. janúar þegar
deildarkeppnin hefst að nýju eftir
vetrarhlé. Þá munu útsendingar
frá hollenska boltanum færast frá
Skjá einum yfir á SkjárSport.
Fyrsta útsending stöðvarinnar
verður 3. janúar þegar sýnt verð-
ur frá æfingamóti íslenska lands-
liðsins í handknattleik en liðið tek-
ur svo í framhaldinu þátt í HM í
Danmörku.
Að sögn Friðriks Friðrikssonar,
framkvæmdastjóra Skjásins, verð-
ur SkjárSport á sömu rás og Skjár
golf hefur verið en sú stöð verður
lögð niður í núverandi mynd.
„Þetta verður í opinni dagskrá til
að byrja með, en til hliðar við
sportstöðina erum við með aðrar
sportrásir í SkjáHeimi,“ segir
Friðrik. Hann segir að ekki verði
full dagskrá á nýju stöðinni til að
byrja með. Friðrik segir að vonir
standi til að þýski boltinn muni
njóta vinsælda. „Þetta hefur verið
mælt og þó að enski boltinn sé sá
vinsælasti þá er þýski boltinn á
uppleið,“ segir Friðrik en einnig
verða samantektarþættir úr hol-
lensku og þýsku knattspyrnunni í
sýningum á SkjárSport.
vidar@mbl.is
Þýska knattspyrnan aftur á skjáinn
AFP
Þýski boltinn Sýnt verður frá
þýsku knattspyrnunni á SkjárSport.
BAKSVIÐ
Helgi Bjarnason
helgi@mbl.is
Stækkun fiskeldis Hraðfrystihússins
- Gunnvarar í Ísafjarðardjúpi (HG)
þarf að fara í umhverfismat. Það er
niðurstaða nýrrar ákvörðunar Skipu-
lagsstofnunar. Stofnunin taldi fyrir
liðlega einu og hálfu ári að eldið hefði
ekki umtalsverð áhrif á umhverfið og
þyrfti ekki í umhverfismat.
HG hefur stundað fiskeldi um ára-
bil og hefur nú leyfi fyrir 3.000 tonna
eldi þorsks og regnbogasilungs í Ísa-
fjarðardjúpi. Fyrirtækið hefur gert
áætlanir um að auka eldið í allt að
7.000 tonna framleiðslu á ári á laxi,
regnbogasilungi og þorski og jafn-
framt að stunda það á fleiri stöðum í
Djúpinu. Ætlunin er að hafa kyn-
slóðaskipt eldi þar sem tveir árgang-
ar eru í eldi á mismunandi stöðum og
svæðin hvíld á þriðja árinu. Tekið er
fram að það ráðist af markaðsað-
stæðum hvaða tegundir verði aldar á
hverjum tíma.
Breytt um afstöðu
Áformin voru tilkynnt til Skipu-
lagsstofnunar í lok árs 2011. Stofn-
unin taldi þessa breytingu ekki hafa í
för með sér umtalsverð umhverfis-
áhrif og skyldi því ekki háð mati á
umhverfisáhrifum. Sú ákvörðun var
kærð til úrskurðarnefndar umhverf-
is- og auðlindamála sem felldi úr-
skurð Skipulagsstofnunar úr gildi í
júní sl. Skipulagsstofnun tók málið
upp að nýju og hefur nú komist að
þeirri niðurstöðu að aukningin hafi í
för með sér umtalsverð umhverfis-
áhrif og skuli því háð mati á umhverf-
isáhrifum.
Í nýja úrskurðinum vísar stofnunin
til reglna um varúðarnálgun og var-
úðarreglu í alþjóðlegum umhverfis-
rétti og telur að sýnt hafi verið fram á
óvissu um möguleg áhrif eldisins á
náttúrulega stofna laxfiska í ná-
munda við fyrirhuguð eldissvæði.
Vísað er til fleiri atriða, svo sem um-
fangs framkvæmdarinnar og sam-
mögnunaráhrifa með öðru fiskeldi á
svæðinu.
Göngum ekki á náttúruna
Einar Valur Kristjánsson, fram-
kvæmdastjóri HG, segir að upphaf-
legar áætlanir hafi grundvallast á
rannsóknum sem fyrirtækið hafi
stundað með starfi sínu í tíu ár. Hann
segist viss um að laxeldið muni ekki
spilla umhverfinu í Djúpinu. „Við er-
um ekki að ganga á náttúruna. Ef svo
væri myndum við ekki geta selt einn
einasta fisk. Enginn framleið-
andi vill lenda í þeirri
stöðu,“ segir Einar.
Morgunblaðið/Helgi Bjarnason
Þorskeldi HG hefur leyfi til þorskeldis og regnbogasilungs á vissum svæðum í Ísafjarðardjúpi, m.a. í Álftafirði.
Óvissa um áhrif á
náttúrulega stofna
 Aukning sjókvíaeldis í Ísafjarðardjúpi þarf í umhverfismat
6 FRÉTTIRInnlent
MORGUNBLAÐIÐ LAUGARDAGUR 28. DESEMBER 2013
Alls voru 445 fasteignir seldar loka-
sölu á nauðungaruppboði hjá sýslu-
manninum í Reykjavík á árinu
2013. Á árinu 2012 voru 505 fast-
eignir seldar nauðungarsölu og
fækkar þeim því á milli ára.
Nauðungarsölurnar í ár eru þó
fleiri en á árinu 2011, en þá voru
þær 384.
Í desember á þessu ári voru níu
fasteignir seldar nauðungarsölu og
er það umtalsverð fækkun á milli
ára, en alls voru 80 fasteignir seldar
nauðungarsölu í desembermánuði
árið 2012, og var það mesti fjöldinn
í einum mánuði á árinu öllu.
Samkvæmt upplýsingum frá
embætti sýslumannsins í Reykjavík
liggur ekki fyrir hvað fækkuninni
veldur, en þó er ávallt reynt að
stýra nauðungarsölunum þannig að
þær séu fremur í öðrum mánuðum
ársins en í desember. Á liðnu ári
voru flestar fasteignir seldar nauð-
ungarsölu í september, eða 63 tals-
ins. Þá var svipaður fjöldi fasteigna
seldur nauðungarsölu í nóvember,
en þær voru 43 í ár, en 47 árið 2012.
Í tölunum er ekki gerður greinar-
munur á því hvort um er að ræða
íbúðar- eða atvinnuhúsnæði eða
hvort fasteignirnar eru í eigu ein-
staklinga eða lögaðila.
sunnasaem@mbl.is
Nauðungarsölum
fækkar á milli ára
 Um 90% fækkun í desembermánuði
Nauðungarsölur á fasteignum í Reykjavík
Heimild: Sýslumaðurinn í Reykjavík
80
70
60
50
40
30
20
10
0
2013
Alls 445
2011
Alls 384
2012
Alls 505
j f m a m j j á s o n d j f m a m j j á s o n d j f m a m j j á s o n d
8
4446
5658
46
19
2
63
51
43
9
80
47
63
44
28
0
26
58
5451
43
11
20
49
77
57
66
41
37
29
40
16
6
„Þetta eru mjög mikil von-
brigði, sérstaklega í ljósi þess
að þetta ferli hefur tekið á
þriðja ár og við höfum á öll-
um stigum málsins fylgt leið-
beiningum þar til bærra
stofnana,“ segir Einar Valur
Kristjánsson, framkvæmda-
stjóri Hraðfrystihússins -
Gunnvarar (HG) á Ísafirði.
Hægt er að kæra ákvörðun
Skipulagsstofnunar til úr-
skurðarnefndar umhverfis- og
auðlindamála til 31. janúar.
Einar Valur segir að ekkert
hafi verið ákveðið um kæru.
Telur hann líklegast
að næstu skref
verði að leita eft-
ir fundi hjá
Skipulags-
stofnun til að
reyna að fá leið-
beiningar þaðan
um framhaldið.
Mjög mikil
vonbrigði
FRAMKVÆMDASTJÓRI HG
Einar Valur
Kristjánsson
Það er lenska, sérstaklega hjá Ís-
lendingum, að taka áhættu þegar
spáð er vindhviðum og ekki síður
hjá reyndum aðilum en óreyndum.
Þetta segir Einar
Sveinbjörnsson
veðurfræðingur.
Á aðfangadag
þurftu björg-
unarsveitir í
Öræfum að ferja
erlenda ferða-
menn úr rútum
sem höfðu lent í
grjótfoki á
Skeiðaársandi
eftir að leiðsögumenn hópsins höfðu
haldið út í veðrið þvert á ráðlegg-
ingar björgunarsveita og þrátt fyrir
slæma veðurspá. Einar segir að
strax um morguninn hafi verið send
út viðvörun um vindhviður allt að
35-50 m/s og grjótfok.
„Það er sök sér með erlenda
ferðamenn sem eru að koma í
fyrsta eða annað skiptið hingað að
þeir geti lent í vandræðum en
reyndir innlendir fararstjórar eiga
að hafa vaðið fyrir neðan sig í þessu
sem öðru,“ segir hann. Þetta eigi
sérstaklega við þegar menn beri
ábyrgð á stórum hópum fólks.
„Það á ekki að þurfa að loka veg-
um í hvert sinn sem talað er um að
veður verði slæmt. Menn eiga ekki
að komast upp með að sýna
ábyrgðarleysi og kjafta sig svo frá
því.“
Taka áhættu með
vindhviðurnar
Einar
Sveinbjörnsson
Hugljúfar gjafir
Kimmidoll á Íslandi | Ármúla 38 | Sími 588 5011
MIYUNA
„Graceful”
My spirit is enduring
and captivating
Maxi doll 3,990.-
Bolli 2,590.-